YO"EL 2:24 - KITTA' MATANGKASA'

²⁴ Jari nia'mo pole gandung lambonei panggilinganga; anggoroka siagang minynya' zaitunga lalla'bi battu ri tampa' pammaccokanga.

YO"EL 2:24 ပူးပေါင်းရင်းမြစ်များ

YEHEZKIEL 36:8

Mingka mae ri kau Kukana he moncong-monconna Israel, poko'-poko'nu laccu'laki siagang la'rappo poleangi untu' ummakKu Israel tenayamo nasallo nammotere'.

YO"EL 3:13

Sanna' ja'dala'na ke'nanga; te'baki ke'nanga rapang gandung ti'noka ri kokoa. Onjo'-onjokangi ke'nanga rapang anggoro' niaka lalang ri pammaccokanga, rassia sa'genna tattumpa.

YO"EL 3:18

Ri anjo wattua sikamma monconga larassi koko anggoro'. Olo'-olo' niparakaia langnganrei ruku' ri bulu'-bulu' copponga. Sikamma binangaya ri Yehuda tena le'bakai lala'busu' je'ne'na. Se're binanga lassolong battu ri Balla'Na Batara, na nabasai Ka'bung Akasia siagang je'ne' nyamang.

KAIMANGNGANG 25:19

LaNasareko wassele' buttana anjo pa'rasanganga sa'genna angganna' kanrenu siagang salewangangko ammantang anjoreng.

KAIMANGNGANG 26:10

Lalla'bi-la'bi wassele' buttanu, sa'genna angganna' lanukanre untu' sitaung. Ba'lalo tarpassa nupasuluki la'binna taung allaloa battu ri pammolikanna sollanna nia' tampa' pammolikang untu' kattoang berua.

AMOS 9:13

Nakana Batara, “Lanarapiki wattunna nasanna' linta'na timbona gandunga sa'genna tena tappu'na akkatto taua. Poko' anggoroka lasanna' copponna batena attimbo sa'genna tulusu' appare'na taua je'ne' anggoro'. Je'ne' anggoroka lammattiki battu ri sikamma buluka siagang assolongi battu ri sikamma bontoa.

MALEAKHI 3:10

Erang ngasengi bage sampulona panggappannu mange ri BallakKu sollanna nia' kanre alla'bi-la'bi anjoreng. So'riMa', nalanucini' angkanaya Kusungkei sikamma pakke'bu'na surugaya siagang Kupila'juiko kabajikang.