YO"EL 1:20 - KITTA' MATANGKASA'

²⁰ Ba'lalo manna olo'-olo' liaraka ri romanga ammarrang todong mae ri Katte appala' bantuang. Takkulleai ke'nanga naballei turerena, nasaba' sikamma binangaya kalotoro' kabusu'mi.

YO"EL 1:20 ပူးပေါင်းရင်းမြစ်များ

1 KARAENG-KARAENG 17:7

Siapa are sallona le'ba'na, kalotoro'mi anjo pangka binangaya lanri tenana bosi.

1 KARAENG-KARAENG 18:5

Nakana Ahab ri Obaja, “Umba naki'lampa angnginroi sikontu anne pa'rasanganga siagang a'boya timbuseng je'ne' yareka binanga. Gassingka akkulleki' anggappa ruku' untu' ampasalamaki jaranta siagang keledaita, sollanna tenaja naparallu nibuno olo'-olo' katuota manna pole sikayu.”

AYUB 38:41

Inai ambantui jangang-jangang kalaa' cipuruka anri'baka ri kere-keremae a'boya kanre? Siagang inai todong antulungi punna ammarrang ana'-ana'na mae ri nakke appala' kanre?

PAMMUJI 104:21

Singa-singa rungkaya ammarrammi amboyai apa lanakanrea, appala' kanre Napasadiaya Allata'ala.

PAMMUJI 145:15

Sikontu apa apa attallasaka manrannuangi ri Katte; Kisarei ke'nanga kanre punna narapi' wattunna.

PAMMUJI 147:9

Nasarei kanre olo'-oloka, siagang ana' jangang-jangang akkio'-kioka.

YEREMIA 14:4

Taturungai bosia siagang kalotoro' sikali buttaya; natongkoki rupanna pamarria lanri la'bana nyawana.

YEREMIA 28:8

Na'bi-na'bi rioloanganta le'ba'mi naboto angkanaya pa'bundukang, bala lompo, siagang garring labattu antujui jaia bansa siagang kakaraengang kassaka.

YO"EL 1:18

Angngoe'mi olo'-oloka na lussa'; tenamo parang pangnganreanna. Sikamma gimbalaka ta'ronang tommi.