YO"EL 1:15 - KITTA' MATANGKASA'

¹⁵ A'reppese'mi AllonNa Batara, iamintu allo appakamalla'-mallaka; wattu appabattuna kaancurang Kaminang Makoasaya.

YO"EL 1:15 ပူးပေါင်းရင်းမြစ်များ

PAMMUJI 37:13

Mingka nikakkali ri Batara tu ja'dalaka, saba' Naassengi angkana a'reppese'mi kale'bakkanna.

YEREMIA 30:7

Battumi allo sannaka heba'na, allo tenaya sangkammanna. Untu' ummakKu, anjo alloa appakalussaki; mingka laKupasalamaki ke'nanga.”

YEREMIA 46:10

Mingka inakke, Yeremia kukanamo, iaminne allonNa Karaeng Allata'ala Kaminang Tinggia siagang Kaminang Koasaya; ri anjo alloa Napa'balassi sikontu musu-musunNa. Pa'danNa bassoroki angnganre tau siagang angnginung cera'. Anne alloa Batara Kaminang Koasaya, Nasamballei koro'bang-koro'banga wara', ri anjo birinna Binanga Efrat.

YO"EL 2:11

Assa'ra gunturu'mi sa'ranNa Batara assare parenta, mae ri tantarana. Tamaka jaina pasukanna! Tamaka kassa'na anjo tantara anggaukangai parentaNa! Tojeng tamaka lompona siagang heba'na AllonNa Batara! Tena manna sitau akkulle attahang.

YO"EL 2:31

Mataalloa la'jari sassangi siagang bulanga la'jari ejai sangkamma cera'. Kabusu'na anjo lakajariangi lalang tenanapa nabattu AllonNa Batara, iamintu allo hebaka siagang appakamalla'-mallaka!

YO"EL 3:14

Assa'bu-sa'bui tau ri Ka'bung Pangadelanga. Nasaba' anjoreng labattui silalonna AllonNa Batara.

OBAJA 1:15

“Tojeng, a'reppese'mi allongKu, iNakke, Batara untu' angngadeli bansa-bansaya. Apa nagaukanga tu Edom lanibalasaki mae ri kalenna. Lanakasia' tongi apa le'baka nagaukang.

ZEFANYA 1:7

A'reppese'mi allonNa Batara; anjo alloa langngallemi tindakang Allata'ala. Lanri kammana anjo a'mereki mako ri dallekanNa. Sadia-sadiami Batara untu' ambunoi umma'Na rapang koro'bang lanipassareang siagang le'ba'mi Nakio' battu musu-musunna Yehuda. Nakana Batara,

YAKOBUS 5:9

Teako ta'liwakki larronu siagang teako sisalakangi, sollanna tena Nahukkungko Allata'ala. U'rangi! A'reppese'mi hakinga! A'birimmi battu!

PAPPICINI' 6:17

Battumi anjo allo sannaka heba'na; kamma-kamma anne napassulu' ngasemmi larrona ke'nanga, siagang tenamo manna sitau akkulle attahang ri dallekanna ke'nanga!”