YESAYA 9:9 - KITTA' MATANGKASA'

⁹ “Rumbammi sikamma bangunang balla' batua, mingka lappare' poleangi ikambe balla' batu beru. Le'ba'mi nita'bang sikamma poko' kayu araya, mingka lanasambei ikambe siagang kayu camara Libanon kaminang bajika.”

YESAYA 9:9 ပူးပေါင်းရင်းမြစ်များ

1 KARAENG-KARAENG 22:25

Appialimi Mikha angkana, “Sinampe' nuciniki buttina, ri wattunnu antama' ri se'reang kamara' untu' accokko.”

PANGNGEBARANG 16:18

Kaborroanga angngerangi kapanrakang; katampoanga angngerangi karuntungang.

YESAYA 26:11

O, Batara, sadia maKi' langhukkungi musunTa, mingka tanaassengai kalenna ke'nanga. Lappassammi ke'nanga ammakkala' kacci anciniki pangngamaseanTa mae ri ummatTa. Lappassammi ke'nanga cappu' niancuru' ri hukkungang Kisadiakanga mae ri ke'nanga.

YESAYA 28:1

Cilakai kota nakalompoang pa'maika sikamma painunna Israel! La'jari toami kaga'ganna, rapang bunga kalumeng niaka ri simbolenna ke'nanga. Cilakai kota tinggia nai' battu ri tangngana ka'bung copponga, nakalompoanga pa'mai' sikamma tau sitangnga matea nasa'ring.

YESAYA 28:3

Kalompoang pa'mai'na anjo sikamma pamimping nasa'ringa lanionjo'-onjokangi.

YESAYA 46:12

PilangngeriA', he sikamma tau tampoa, ikau angkapangai angkanaya bella iji pammetanga.

YESAYA 48:4

Kuassengi angkanaya ikau sanna' terasa'na pa'mai'nu, terasaki ulunnu siagang kapala batuko.

YESAYA 7:2

Nalangngere'na karaeng Yehuda angkanaya antamami pasukang Siria a'jari agang ri daerana Israel, a'jari sanna'mi malla'na siagang bansana, sa'genna annekkere' rapang poko' kayu nige'gosoka ri anging.

YESAYA 9:8

Sikontu bansa Israel siagang pandudu' Samaria lanaassengi angkana Batara anggaukangi anjo kammaya. Kamma-kamma anne borroi siagang tinggi langgai ke'nanga. Nakana ke'nanga,

YEREMIA 32:24

Le'ba'mi nabangung tu Babel tembo'-tembo' angkurungai attammulili kotaya untu' angngallei, na kamma-kamma anne a'bakkami ke'nanga. Pa'bundukang, kacipurang, siagang garring la'jari saba' ri anne kotaya natu'guru' mae ri limanna musua. Kiciniki angkanaya sikontu apa Kipaua a'rupa ngasemmi.

YEHEZKIEL 30:19

Kammami anjo batena laKuhukkung Mesir, nampa naassemmo ke'nanga angkanaya iNakke Batara.”

YEHEZKIEL 33:33

Sikontu anjo apa nupaua lakajariang ngasengi, siagang punna narapiki wattunna, lanaassemmi ke'nanga angkanaya ikau na'bi ri tangnga-tangngana ke'nanga.”

YEHEZKIEL 7:27

Lappiraungi karaenga, tappu' panrannuangi ana' bura'nena karaenga siagang lannekkereki napakamma malla' ra'yaka. LaKuhukkungko situru' sikontu panggaukannu, kammayatompa Kuadeliko sangkamma batenu angngadeli parannu tau. Jari lanuassemmi angkanaya iNakke Batara.”

YEHEZKIEL 7:9

Tena nalaKukamaseangko yareka tena nalaKupammopporangko. LaKuhukkungko situru' sikontu panggaukang kodi le'baka nugaukang. Jari nuassemmi angkanaya iNakke Batara siagang iNakke anghukkungko.”

HOSEA 8:14

Ambangungi tu Israel siapa jaina balla' karaeng, mingka nakaluppai ke'nanga angkana inai ampa'jari kalenna. Natambai tu Yehuda kota-kota pattahanganna napila' jai, mingka lappaturungA' pepe' untu' antunui sa'genna cappu' sikamma balla' lompona siagang kota-kotana ke'nanga.”

MALEAKHI 1:4

Ebara' angkana anjo jari-jarina Esau, iamintu tu Edom angkanai, “Le'ba'mi niancuru' kota-kotana ikambe, mingka lanabangungi ikambe ammotere',” lappialimi Batara angkana, “Akkullei nabangung ke'nanga ammotere', mingka laKurumbangi. Laniarengi ke'nanga ‘Pa'rasangang Bassung’ siagang ‘Bansa natabaia pangngalarroinNa Batara sa'genna satunggu-tungguna.’ ”

MALEAKHI 3:13

Nakana Batara, “Teai sipato' bateKu nuhina lalang ri kana-kanannu.” “Mingka akkuta'nangko angkana, ‘Apa napau ikambe ri passabakkang iKatte?’

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.

1 PETRUS 5:5

Kammayatompa ikau sikamma tau rungkaya. Mappilangngeriko mae ri tau toaya. Musti nupakatunai kalennu; siagang musti silayaniko siagang tuna pa'mai'nu. Nasaba' nia' tattulisi' lalang ri Kittaka angkanaya, “Nabaliangi Allata'ala tau tampoa, mingka Nakamaseangi tau tunaya pa'mai'na.”