YESAYA 9:4 - KITTA' MATANGKASA'

⁴ A'lappe'-lappeki sa'ra sapatuna tantaraya na bajunna rassi cera', lala'busu' nikanre ri pepe'.

YESAYA 9:4 ပူးပေါင်းရင်းမြစ်များ

PA'JARIANG 27:40

Lattallasakko lanri battu ri pa'dannu, mingka la'jari suronako andi'nu, mingka punna angngewako, lata'lappasakko battu ri kakoasanna.”

PAMMUJI 125:3

Tau ja'dalaka tena natulusu' lakoasa ri butta pisakana tau lambusuka, sollanna tena namminawang tau bajika a'gau' ja'dala'.

PAMMUJI 81:6

Napa'jari se're katantuang mae ri bansa Israel, ri wattunna maju angngewai Mesir. Allangngereka' bicara tenaya nakuassengi, angkana,

YESAYA 10:16

Lanri tu Asyur napattampoangi kalenna, laNapabattui Batara Kaminang Makoasaya garringa, untu' anghukkungi sikamma perwira porena ke'nanga. Ia ke'nanga lanatabai rammusu' lompo, rapang pepe' akkanrea tulusu' ambambangi ke'nanga.

YESAYA 10:5

Nakana Batara, “Cilakai Asyur! Asyur laKupake a'jari cambo' siagang palu-palu untu' antunrungi tau natabaya pangngalarroingKu.

YESAYA 14:25

Tu Asyur niaka ri Israel pa'rasangangKu, laKupanraki, na ia niaka ri moncong-moncongKu laKuonjo'-onjokangi. LaKupakabebasaki bansaKu battu ri panjallakkanga siagang battu ri erangngang battala' napassakanga bansa Asyur.

YESAYA 16:4

Saremi ikambe ising annumpang ri pa'rasangannu. La'langimi ikambe mae ri tau eroka ampanraki ikambe.” (Panjallakkanga siagang pammanrakia nia' kala'busanna, siagang sikamma tau angngancurukai siagang tau anjallakkangai pa'rasangang Israel lalanynyaki.

YESAYA 47:6

Riolo larroA' mae ri ummakKu, tenamo naKukana iNakke ampatangi. Nampa Kupassareang ke'nanga mae ri kau, nampa tena nukamaseangi ke'nanga, ba'lalo manna tau toa-toaya nujallakkang nukapallaki todong.

YESAYA 49:26

LaKupa'jari sikamma musunnu palla' ero' ammuno, sa'genna para ia sibuno-buno. Nalanaasseng sikontu umma' rupataua, angkanaya iNakke, Batara, Mappasalama'nu; Kaminang Kassaka, Allata'alana Yakub, Mappasulu'nu.”

YESAYA 51:13

Maka lanukaluppai Batara Mapa'jarinu angka'rangai langika siagang ampadongkokai dasara'na buttaya? Angngapa nunnekkere' sila'busu' allo mae ri jallo'na lapung tumanjallakkanga sadiaya ero' angngancurukko? Sikontutojenna anjo jallo'na ke'nanga talania' pakkullena mae ri kau.

YESAYA 52:2

Ambangungko battu ri limbu'buka, he Yerusalem, pa'be'beseki limbu'bu' niaka ri kalennu. He pandudu'na Sion nitahanga, la'gasi rante niaka ansikkoki kallonnu!

YESAYA 54:14

Nibangungko irate ri kaadelang, nipakabellako battu ri mallaka siagang panjallakkanga.

YESAYA 9:5

Nia' sitau ana' lassu' untu' ikatte; nisareki' sitau ana' bura'ne. Ia la'jari pamimpinta. Laniarengi: “Tumappakainga' Cara'de'”, “Allata'ala Pore”, “Mangge Mannannungang”, “Karaeng Passiamakkang”.

YEREMIA 30:8

Nakana pole Batara Kaminang Koasaya ri umma'Na, “Punna battu sallang anjo alloa, laKutepoki anjo lembarang Kupatabaya ri salanggannu, siagang Kulappassangi passikko'nu. Tenamo nula'jari ata pole mae ri bansa maraenga.

YEREMIA 48:17

He ikau ngaseng pa'rasangang-pa'rasangang singngampi'na Moab angngassengai masahoro'na, susa mako untu' Moab. Akkana mako, ‘Tenamo koasana Moab, lanynya'mi kalompoanna siagang kagassinganna!’

KAIMANGNGANG 26:13

INakke, Karaeng Allata'alanu, angngerangko assulu' battu ri butta Mesir sollanna tenamo nu'jari ata. Le'ba'mi Kutepoki kakoasang anjallakkangako, siagang Kupa'jari mako tau maradeka.”

NAHUM 1:13

Kamma-kamma anne laKupa'le'ba'mi koasana Asyur mae ri kau ngaseng, siagang Kutappu' rante ansikkokai kalennu.”