YESAYA 9:3 - KITTA' MATANGKASA'

³ Le'ba'mi Kialle erangngang battala'na siagang lembarang battala'na ri salangganna. Nibetai anjo bansa nangaia anjallakkang ampaccokai ummatTa. Sanrapang ri jammang allaloa ri wattu Kibetana tantara Midian.

YESAYA 9:3 ပူးပေါင်းရင်းမြစ်များ

NEHEMIA 9:23

Kipa'jari turunganna ke'nanga sanrapang bintoeng ri langi' jaina, Kisarei butta ke'nanga untu' napammantangngi, butta le'baka Kipa'janjiang ri boena ke'nanga.

AYUB 12:23

Na'jari bansa-bansaya a'bakka' siagang kala'biang, nampa Napanraki ke'nanga sa'genna ancuru'.

PAMMUJI 107:38

Nisarei ri Batara ke'nanga jai ana', siagang olo'-olo' piarana ke'nanga pila' a'bija-bijai.

PAMMUJI 119:162

JanjinTa ampakarannua', sanrapang tau ammuntuluka pa'barang-barangngang.

PAMMUJI 4:7

Jai tau makkuta'nang, “Inai lambarakkakiki'?” Poro mangngellaiKi' ri anne kambe, o Batara.

YESAYA 10:26

INakke, Batara Kaminang Makoasaya, lancamboki ke'nanga siagang cambo', kamma le'ba'na Kupangngajari tu Midian ri bulu' batu Oreb. LaKuhukkungi Asyur, sangkamma le'ba'na Kuhukkung Mesir.

YESAYA 12:1

Lania' sallang se're wattu nukkelong: “O, Batara, appala' sukkurukka' mae ri Katte lanri Kisaleoringku. Riolo larroKi' mae ri nakke, mingka kamma-kamma anne ammarimi larroTa.

YESAYA 14:5

Napa'le'ba'mi Batara pamarentahanna sikamma pamarenta ja'dalaka,

YESAYA 25:9

Anjo wattua lanakana taua, “Sikontutojenna, Iami Allata'alata; Iami nitayanga, sollanta Napasalama'. Tojeng, Iaminne Batara; Iami nitayanga. Anne kamma akkio' rannu maki', saba' le'ba' maki' Napasalama'.”

YESAYA 26:15

Le'ba'mi Kipa'lappi-lappi jaina ummatTa, o Batara, Kipa'jari luara' daerana ikambe, lanri kammana anjo iKattemi nipakala'biri'.

YESAYA 35:10

Sikamma tau Nipakabebasaka ri Batara lammotereki; antamaki ke'nanga ri Yerusalem akkio' rannu, corai rupanna ke'nanga lanri karannuang mannannunganga. Larannui siagang lama'reja-rejai ke'nanga; lanynya'mi susaya siagang kunrarenga.

YESAYA 35:2

Parang lompoa la'bakkaki sanna' jaina, nakkelong siagang kelong-kelong rannu. Ga'gana kammai Moncong Libanon, kanang-kananna rapangi ka'bunna Karmel siagang Saron. Na tunggala' tau lancinikai koasaNa Batara, siagang kala'biranNa Allata'alata.

YESAYA 54:1

O, Yerusalem, riolo rapangko baine tamanang tenaya nakkulle ammana'. Mingka kamma-kamma anne akkio' rannu mako, siagang akkelong mako matte'ne pa'mai'! Saba' teai sipato' jaina ana'nu, la'biangngangi na ana' baine tenaya nibokoi ri bura'nenna.

YESAYA 55:12

Lanubokoi Babel siagang rannu, siagang niantarakko assulu' siagang salama'. Monconga siagang buluka larannui siagang lakkio' rannui, latempa-tempai sikamma poko' kayua ri kokoa.

YESAYA 61:10

Nakana Yerusalem, “Rannui pa'maikku lanri Batara, mate'nei atingku lanri Allata'ala. Rapang bunting bura'ne siagang baine ammake belo-belo ga'ga ngaseng, kammaminjo Napatabaya Batara ri nakke baju kasalamakkang siagang pammetang.

YESAYA 61:7

Lanri le'ba' mako nipakasiri' a'lappi tallu, siagang ra'masaka kammayatompa tunaya a'jari bageannu, na nunggappamo warisi' a'lappi rua ri pa'rasangannu, na nupatang karannuang mannannunganga.

YESAYA 65:14

Sikontutojenna lakkio' rannui ke'nanga, mingka ikau angngarrukko napakamma si'na.

YESAYA 65:18

Rannu mako siagang atte'ne pa'mai' mako satunggu-tungguna lanri apa Kupa'jaria. LaKupa'jari Yerusalem beru rassia karannuang, siagang pandudu'na atte'ne-te'ne pa'maiki.

YESAYA 66:10

Rannu mako siagang Yerusalem, he sikontu tau mangngaia ri ia. Ikau susaya lanri ia, kamma-kamma anne akkulleko a'rannu-rannu.

YEREMIA 31:7

Nakana Batara, “Akkelongko a'rannu-rannu untu' Israel, ummakKu – bansa makase'rea ri sikontu bansaya Akkelongko kelong-kelong pammuji, siagang kabarrangi, angkana: ‘Le'ba'mi Napasalama' Batara niaka tassesa battu ri umma'Na.’

HOSEA 4:7

Pila' katambangko jainu, pila' doraka tommako mae ri Nakke, he ikau sikamma imanga! Lanri kammana anjo laKupinrai pattallassannu: Tenamo nulanipakalompo, passangalinna lanihina mako.

KAIMANGNGANG 26:13

INakke, Karaeng Allata'alanu, angngerangko assulu' battu ri butta Mesir sollanna tenamo nu'jari ata. Le'ba'mi Kutepoki kakoasang anjallakkangako, siagang Kupa'jari mako tau maradeka.”

ZAKHARIA 10:8

LaKukioki ummakKu siagang Kupa'rappungi ke'nanga a'jari se're. LaKupakabebasaki ke'nanga siagang laKupa'jari jai sangkamma riolo jaina.

ZAKHARIA 2:11

Anjo wattua jai bansa labattu mae ri Batara untu' a'jari umma'Na. Ia lammantang ri tangnga-tangnganu, siagang lanuassengi angkanaya Batara assuroa' battu mae ri kau ngaseng.

ZAKHARIA 8:23

Ri anjo allo-allo kammaya, sampulo tau bansa maraeng labattu mange ri se're tu Yahudi na nakana, ‘Ero' tongi ikambe upa' sangkamma ikau ngaseng; nasaba' nalangngereki ikambe angkanaya Nabarakkaki ngasengko Allata'ala.’ ” Kammaminjo kana le'baka Napau Batara Kaminang Koasaya.

LUKAS 11:22

Mingka punna nia' tau kassakkangang battu angngewai siagang ambetai, lanialleang ngasemmi anjo sanjata napattoanga, nampa nialle passa ngaseng todong nampa nipa'bage-bageang pa'barang-baranganna.

LAMPA-LAMPANA 8:8

Sanna'mi rannuna tau niaka ri Samaria.

FILIPI 4:4

Poro tuli rannu ngasengi pa'mai'nu, lanri le'ba'numo asse're siagang Batara. Sikalipi pole kukana: rannu mako!

1 PETRUS 1:8

Mangngamaseangko ri Ia, manna pole tanucinika riolo. Siagang tappakko ri Ia manna pole tanucinika kamma-kamma anne. Iaminjo saba'na nanurannu, siagang nanukasia' karannuang mala'birika siagang sukkaraka nicarita.

HAKING-HAKING 5:3

Pilangngerimi ikau karaenga siagang ana' karaenga kumakkelong ri Batara, Allata'alana tu Israel.

HAKING-HAKING 7:22

Ri wattunna napasa'ra tarompe'na Gideon siagang sikontu taunna, napasibundu'mi siagang Batara anjo tantara musua para ia. Larimi ke'nanga mange ri Zerera sa'genna Bet-Sita na kota Abel-Mehola rampi'na Tabat bellana.

HAKING-HAKING 8:12

Na anjo ruaya karaeng, iamintu Zebah siagang Salmuna, larimi mingka niondangi ri Gideon, nanajakkala' ke'nanga. Sa'genna lussa' ngasemmo tantarana ke'nanga.

1 SAMUEL 30:16

Jari niantara'mi ke'nanga mange ri tampa'na anjo garombolanga. Anjo wattua anjo garombolanga tassia'-siaraki ri sikontu anjo tampaka, sitabangi angnganre, angnginung siagang assua'-suara' lompo lanri jaina barang narampasa' naerang ke'nanga battu ri pa'rasangang Filistin siagang Yehuda.