YESAYA 9:16 - KITTA' MATANGKASA'

¹⁶ Anjo bansaya a'bokomi siagang panra'mi; yangasenna ke'nanga a'bicara sala mami. Lanri kammana anjo tena manna sitau tau rungka Nipata'lappasa' ri Batara. Tena Nakamaseangi sikamma jandaya siagang ana'-ana' kukanga. Mingka tuli larroNa ija siagang tuli Nahukkunna ija Batara ke'nanga.

YESAYA 9:16 ပူးပေါင်းရင်းမြစ်များ

2 PATTOTTORANG 30:27

Imang-imanga siagang tu Lewi napappalakangi barakka' ra'yaka ri Batara, nampa Napilangngerimo Allata'ala battu ri pammantanganNa ri suruga anjo pappala' doanna ke'nanga na Natarima.

YESAYA 10:4

Ia mami sarennu iamintu nibunoa lalang bundu' yareka nieranga a'lampa a'jari tunitahang. Mingka tuli larroNa ija Batara siagang tuli Nahukkunna ija ke'nanga.

YESAYA 19:14

Batarami ampa'jari ke'nanga assarei pappakainga' appakalingu. Kale'bakkanna sala ngasemmi apa nagaukanga Mesir, ta'royong-royommi rapang tau nasa'ring, ta'laccirika rate ri langngena tonji.

YESAYA 3:12

UmmakKu lanijallakkangi ri tau nangaia a'gau' riba, siagang lanipaccoki ri tau nangaia ammacco' paranna tau. Lanipasala oloangi ummakKu ri sikamma pamimpinna sa'genna tanaassengamo ke'nanga oloang siratanga naolo.”

YESAYA 5:25

Larroi Batara mae ri bansaNa. Sadiami untu' anghukkungi ke'nanga. Lata'ge'gosoki sikamma monconga; maya'-maya'na tau matea latassiaraki rapang loro ri sikamma aganga. Mingka larro iji Batara siagang tuli laNagaukanna hukkunganNa.

YEREMIA 18:21

Mingka kamma-kamma anne, Batara, lappassammi mate cipuru' ana'-ana'na ke'nanga yareka mate lalang pa'bundukang. Lappassammi tubai'-bainena ke'nanga tappela' bura'nenna siagang ana'na; lappassammi tubura'-bura'nea mate naalle garring siagang turungkana mate lalang pa'bundukang.

YEREMIA 23:13

Kucini'mi dosana sikamma na'bi-na'bina Samaria. A'bicarai ke'nanga lalang arenna Rewata Baal, siagang napasala oloangi Israel, ummakKu.

YEREMIA 9:4

Musti tutui taua, manna pole ri aganga tonji siagang manna sari'battang polong parruka takkulle ngaseng nipatappa'. Nasaba', sangkamma Yakub kamma tomminjo ke'nanga, massing natipui sari'battanna. Tunggala' taua a'jappai mange-mange untu' appasiara' pitina siagang balle-balle.

AMOS 2:4

Nakana Batara, “Tu Yehuda a'mole-molei doraka, lanri kammana anjo ma'nassa laKuhukkungi ke'nanga. Nadakkai ke'nanga parenta-parentaKu siagang tanajampangiai ajarang-ajarangKu. Nipa'lingui ke'nanga ri rewata-rewata maraenga nasombaya boe-boena ke'nanga.

MIKHA 3:5

Bansaku nitipui ri na'bi-na'bi ambotoai apa bajika mae ri tau assarea doe', mingka namusui siagang nabalang parekangi tau tenaya nassare doe'. Ri na'bi-na'bi kammaya anjo, Nakana Batara,

MATIUS 15:14

Tea' mako jampangi anjo tu Farisia. Anjo ke'nanga sangnging pamimping-pamimping buta. Na punna tau buta ammimping tau buta, tena tatu'guru'na rua-rua naung ri solonganga.”

IBRANI 7:7

Memang takkulleai nisassali angkanaya la'bi rawangangangi tau nibarakkakia na ia tau ambarakkakiai.