YESAYA 8:13 - KITTA' MATANGKASA'

¹³ U'rangi angkanaya iNakke, Batara Kaminang Makoasaya, tangkasakKa'. INakkeji bawang musti nukamallakkang.

YESAYA 8:13 ပူးပေါင်းရင်းမြစ်များ

LUKAS 12:5

Baji'mi punna Kupauangko inai musti nukamallakkang. Iamintu, malla' mako ri Allata'ala. Nasaba' Iami akkulle ambunoko, siagang punna le'ba' mako Nabuno, akkulle tongko' Napantama' ri naraka! Tappa' mako, angkanaya Iaji bawang siratang nukamallakkang.

PAPPICINI' 15:4

Inai tamallakka ri Katte, Batara? Inai taeroka ampa'la'bangi kalompoanTa? IKatteji bawang matangkasaka. Sikontu bansaya labattui anynyomba ri Katte, nasaba' nacini' ngasemmi sikontu taua kaadelang le'baka Kigaukang.”

MATIUS 10:28

Teako mallakki ri tau akkullea ammuno tubu, mingka tenaya koasaNa ammuno nyawa. Mingka musti mallakko mae ri Allata'ala, niaka koasana ammuno tubu siagang nyawa lalang ri naraka.

PAMMUJI 76:7

Sikontu jaranga siagang tuma'baena tu'guru' ngasemmi na mate ri pangga'garatTa, o, Allata'alana Yakub!

MALEAKHI 2:5

Lalang ri anjo parjanjianga Kupa'janjiangi mae ri ke'nanga katallassang amanga siagang salewanganga, siagang Kusuroi ke'nanga ampakalompoA'. Anjo wattua memang napakalompoA' ke'nanga siagang mallaki ri Nakke.

YESAYA 29:23

Saba' punna nucini' sikamma ana'nu Kupassareanga mae ri kau, lanuakuiMa' angkana iNakkemi Allata'ala matangkasa'na Israel. LanupakalompoMa' siagang lamalla' mako mae ri Nakke.

PA'JARIANG 31:53

Allata'ala napakalompoa Abraham siagang manggeku Nahor la'jari haking mae ri katte.” Nampa assumpamo Yakub lanri Allata'ala nasombaya Ishak, manggena, untu' anrupai anjo janjinna.

ROMA 4:20

Tuli tappaki siagang tena nabata-bata mae ri janjinNa Allata'ala. Ba'lalo, a'jari pila' jarre'mi nasaba' tappa'na; sa'genna mammuji-mujimi ri Allata'ala.

PAMMILANGNGANG 27:14

nasaba' ri parang lompo Zin le'bakko sipa'rua angngewai parentaKu. Ri wattunna a'moro-moro sikontu ra'yaka mae ri Nakke ri Meriba, tena nanupa'nyatai kakoasangKu ri dallekanna ke'nanga ri passala'na anjo je'neka.” (Anjo passalaka anjorengi kajariang ri timbuseng je'ne' Meriba, ri Kades, ri parang lompo Zin.)

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.

KALAPPASSANG 20:20

Appialimi Musa angkana, “Teako mallakki. Nabattu Allata'ala kaero'nuji Naso'ri sollanna nutuli mannuruki mae ri Ia, siagang tena nudoraka.”

PAOLE 14:23

Ri dallekanNa Karaeng Allata'alanu, ri tampa' le'baka Napile, untu' tampa' panynyombang musti nukanrei passare bage sampulona gandunnu, je'ne' anggoro'nu, minynya' zaitunnu, kammayatompa ana' sapi, ana' gimbala' siagang ana' bembenu bungasa' lassuka. Gaukangi anjo kammaya sollannu tuli akkulle appilajara' ampakala'biriki Karaeng Allata'alanu satunggu-tungguna.

YESAYA 5:16

Mingka Nagaukangi Batara Kaminang Koasaya katojenganga, untu' ampappicinikangi kalompoanNa. Naadeli bansaNa untu' ampappicinikangi katangkassanNa.

YEHEZKIEL 38:16

Nampa nubunduki ummakKu Israel rapang anging lompo antujui buttaya. Punna narapi' sallang wattunna, laKukiringko mange angngempoi buttaKu. Lanri tindakangKu tete ri kau, he Gog, lanaassemMa' bansa-bansaya angkanaya inaiA' anne, iamintu Allata'ala matangkasaka.

KAIMANGNGANG 22:32

Teako ra'massi areng matangkasakKu. Sikontu bansa Israel musti anynyombai mae ri Nakke Kaminang Matangkasaka. INakke Batara siagang ampa'jariako tangkasa'.

1 SAMUEL 11:7

Sanna'mi larrona. Na naallemo ruang kayu sapi nampa napolong na nakere' a'jari jai kere'na. Nampa nakiring anjo kerek-kerekanga mae ri sikontu pa'rasangang Israel, na naparentakang angkana, “Inai-nai tena namaju ampinawangi Saul siagang Samuel a'bundu', lanikerek-kere' tongi sapi-sapinna kamma anne!” Malla'mi bansa Israel ri apa akkullea Nagaukang Batara. Jari yangasenna taua, sadia ngasemmi untu' maju sipa'rurungang a'bundu'.