YESAYA 8:10 - KITTA' MATANGKASA'

¹⁰ Apparekko rancana, mingka tena nia' anjari. Angngalle mako kaputusang, mingka tena matu-matunna, saba' ikambe Narurungangki' Allata'alana ikambe.

YESAYA 8:10 ပူးပေါင်းရင်းမြစ်များ

PA'JARIANG 21:22

Anjo wattua nia'mi battu Karaeng Abimelekh siagang Pikhol, panglima tantarana, nampa nakana ri Abraham, “Le'ba' mako Natulung Allata'ala ilalang sikontu apa nugaukanga.

2 SAMUEL 15:31

Ri wattunna nipauang Daud angkanaya amminawang tongi Ahitofel assikongkolo' siagang Absalom, appala' doammi Daud kamma anne, “O, Batara, poro tena lalo Kipa'jari kana-kananna Ahitofel!”

2 SAMUEL 17:23

Ri wattunna napahang Ahitofel angkanaya tena nituruki pangngunju'na, napatabami pa'lapa' keledaina nampa ammotere' mange ri kota kalenna. Le'ba'na napasilolongang kabusu' sikontu urusanna nagentummi kalenna, nampa nitarawang ri jera' kaluargana.

2 SAMUEL 17:4

Anjo kana-kana pangngunjuka natarima bajiki Absalom siagang sikontu pamimpinna Israel.

2 KARAENG-KARAENG 6:12

Nia'mo kalase'renna anjo perwiraya appiali angkana, “Tena manna sitau appakamma karaeng. Mingka Na'bi Elisa passabakkanna! Iami ampabattui mae ri karaeng Israel apa kipaua, manna pole nalalang ri kamara' katinroanta kipau.”

2 PATTOTTORANG 13:12

Ikatte pamimpinta iamintu Allata'ala KalenNa siagang sikamma imang niaka anrinni. Sadiami ke'nanga appasa'ra tarompe' untu' a'jari pammatei ri katte lamaju ambundukiko. He, tu Israel, teako angngewai ri Batara, Allata'alana boe-boenu! Takkulleako ammeta!”

AYUB 5:12

Napassalasai rancana akkala' kodia, Napiallei sikko' na Najakkala' tau cara'de' salaya, sa'genna tajaria sikontu usahana ke'nanga, na nitipumo ke'nanga ri akkala' salana tonji.

PAMMUJI 21:12

Punna appare' rancana ke'nanga langngewai karaenga, tala'jariai akkala' balle-ballena ke'nanga.

PAMMUJI 46:1

Pammujina golongang Korah. Untu' pamimpin pakelong. Lagu Alamot.

PAMMUJI 46:11

Nakana, “Pammari a'bunduka; assengi, angkana iNakke anne Allata'ala, iNakke malompo ri alla'na bansa-bansaya, malompo ri sikontu linoa.”

PAMMUJI 46:7

A'gunturu'mi Allata'ala, na ancuru' taba sikali linoa; gegere'mi bansa-bansaya, runtummi sikamma karaenga.

PAMMUJI 46:8

Batara Kaminang Makoasa anrurungangki', Allata'alana Yakub anjagaiki'.

PANGNGEBARANG 21:30

Tena kaporeang, tarang pikkirang, siagang kacara'dekang akkulle attahang ri dallekanNa Batara.

YESAYA 14:27

Le'ba'mi Natappuki Batara Kaminang Makoasaya untu' laNagaukang kammaya anjo. LaNapajonjoi limanNa untu' assare hukkungang, siagang tena manna sitau akkulle ampisangkai.

YESAYA 28:18

Parjanjiannu siagang kamateanga kammayatompa passitujuannu siagang lino tau matea lanipassala-salangi; sa'genna punna battu balaya, laancurukko nionjo'-onjokang.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

YESAYA 43:5

Teako mallakki, saba' iNakke alla'langiko. Battu lau' siagang battu raya Kusuroi ana' cucunnu battu asse're.

YESAYA 7:14

Kamma-kamma anne, KalenNa Batara lassare tanra mae ri kau: Nia' sallang sitau tulolo latianang siagang allassukang sitau ana' bura'ne, lanaarenga Imanuel.

YESAYA 8:8

Lanatujui ke'nanga Yehuda rapang a'ba narapika sa'genna kallong tinggina nammantang je'neka ri kere-keremae.” Narurungangki' Allata'ala! Takka'rangi ka'nyi'Na alla'langi pa'rasanganta.

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

YEREMIA 42:11

Teako mallakki mae ri anjo karaeng Babel. NiakKa' ri tangnga-tangnganu untu' antulungko siagang allappassangko battu ri kakoasanna.

YEREMIA 46:28

Jari teako mallakki, he ummakKu, labattuA' untu' ampasalamakko. Bansa-bansa, tampa'nu Kupasiara', laKupanraki kabusuki, mingka ikau tena Kupakammako. Memang, tena nulata'lappasa' battu ri hukkungang mingka hukkungangKu mae ri kau adeleki situru' katantuanga. INakke, Batara, anne akkana.”

PIRAUNG 3:37

Punna tena Nakaerokangi Batara apa-apaya mattantu tenana nakkulle rupataua anggaukangi apa-apaya.

YO"EL 3:9

Pa'la'bangi pabattu anne passalaka mae ri bansa-bansaya, angkanaya: Sadiako untu' a'bundu siagang ampa'lappoi kagassingannu! Pagioki sikamma tubaraninu siagang tuporea karenanna; passe'rei sikontu tantaraya, siagang maju mako!

HAGAI 1:13

Nampa napabattu Hagai mae ri ra'yaka pasanNa Batara angkanaya a'janji Batara ero' anjagai ke'nanga.

PAMMILANGNGANG 14:9

Teako angngewai mae ri Batara, siagang teako mallakki mae ri tau niaka ammantang anjoreng ri pa'rasanganga, nasaba' gampang sikali lanibeta. Anjo alla'langiai ke'nanga a'lampami ambokoi ke'nanga, siagang Batara anrurungangki'. Jari teako mallakki.”

MATIUS 1:23

“Nia' sallang se're tulolo latianang siagang allassukang sitau ana' bura'ne. Anjo anaka lanigallaraki Imanuel.” (Imanuel iamintu bicara tu Ibrani, battuanna “Niaki Allata'ala anrurungangki'”.)

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

ROMA 8:13

Nasaba' punna niturukiang ero'na sipa'-sipa' rupataua ma'nassa lamateko; mingka punna lanri koasaNa RohNa Allata'ala natuli nupamate panggaukang-panggaukang dosanu, ma'nassa lattallasakko.

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

PAOLE 20:1

“Punna a'lampako mange a'bundu' angngewai musu-musunnu, teako mallakki anciniki kareta bundu' siagang jaranna ke'nanga jaia, kammayatompa tantarana ke'nanga jaiangnganga na ikau. Karaeng Allata'alanu, iamintu le'baka allappassangko battu ri Mesir, Iatommi lantulungko.

YOSUA 1:5

Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.

1 YOHANES 4:4

Mingka sikamma ana'-anakku, ikau tau battu ngasengko ri Allata'ala assala'nu. Le'ba'mi nubeta na'bi-na'bi balle-ballea, nasaba' Roh niaka ri kau la'bi makoasangangi na roh niaka ri taunna ngaseng anne linoa.