YESAYA 7:4 - KITTA' MATANGKASA'

⁴ Pauangi anjo karaenga angkana musti sadia-sadiai, mingka tuli sannangi. Teami mallakki yareka lingui. Anjo larrona Karaeng Pekah siagang Karaeng Rezin siagang anjo tantarana tu Siria, tena nalompoangngang bahayana na ruaya cappa' kayu tunuang a'rumbua.

YESAYA 7:4 ပူးပေါင်းရင်းမြစ်များ

2 KARAENG-KARAENG 15:27

Ri taung makalimampulo anrua ammarentana Karaeng Uzia ri Yehuda, ia tomminjo wattua na'jari Karaeng Pekah ana'na Remalya ri Israel. Ammarentai ri Samaria 20 taung sallona.

2 PATTOTTORANG 20:17

Tena nuparallu a'bundu' lalang ri anne pa'bundukanga. A'lampamako mange ri tampa' le'baka nipattantuangko siagang attayang mako anjoreng. Lanuciniki antekamma bateNa Batara assareko pammetang. He pandudu' Yehuda siagang Yerusalem, teako lussakki yareka teako mallakki. Antama' mako ri anjo pa'bundukanga, na Nasareko Batara pammetang!”

YESAYA 10:24

Nakana Batara Kaminang Makoasaya mae ri umma'Na ammantanga ri Sion, “Teako mallakki mae ri tu Asyur, manna pole najallakkangko siagang nasessako ke'nanga kamma nagaukanga tu Mesir riolo.

YESAYA 30:15

Nakana Batara Kaminang Tinggia, Allata'ala matangkasa'na Israel mae ri umma'Na, “Toba' mako siagang sannang mako, nulanipasalama'. Tappa' mako mae ri Nakke na nupakasannang pa'mai'nu, naKupakajarrekko.” Mingka taerokako!

YESAYA 30:7

Sia-siaji bantuanna Mesir. Lanri kammana anjo nigallara'mi Mesir, ‘Naga tenaya bahayana’.”

YESAYA 35:4

Paui mae ri tau ca'dia pa'mai'na angkana, “Pakajarreki pa'mai'nu, teako mallakki, battui Allata'alanu untu' anghukkungi musunnu, battui untu' ampasalamakko.”

YESAYA 37:6

nasuromi Na'bi Yesaya sikamma anjo tunisuroa ampabattui pialinna angkanaya, “Nakana Batara, teaki' mallaki karaeng, allangngereki kana-kana napabattua anjo ata-atanna karaeng Asyur, angkanaya takkulleaki' Nipata'lappasa' ri Batara.

YESAYA 41:14

Nakana Batara, “Teako mallakki, Israel, manna nuca'di siagang lamma. INakke Batara antulungko, kaminang Matangkasaka, Allata'alana Israel, Mappasalama'nu.

YESAYA 7:1

Anjo lapung Karaeng Ahas, iami ana' bura'nena Yotam, cucunna Uzia. Ri wattunna ia ammarenta ri Yehuda, kajariammi bunduka. Rezin karaeng Siria, siagang Pekah ana' bura'nena Remalya karaeng Israel, battui ambunduki Yerusalem. Mingka takkulleai nabeta ke'nanga anjo kotaya.

YESAYA 7:8

lanri anjo Siria tena nakassakkangngang na ibukotana iamintu Damsyik, kammayatompa anjo Damsyik tena nakassakkangngang na Karaeng Rezin. Nampa lalanna annampulo allima taung, lata'bage-bagei Israel sa'genna takkulleami attahang a'jari se're bansa.

YESAYA 7:9

Anjo Israel tena nakassakkangngang na Samaria, iamintu ibukotana, kammayatompa anjo Samaria tena nakassakkangngang na Karaeng Pekah. Punna tena nuttojeng-tojeng tappa' mae ri Nakke, mattantu tena nukkulle lattahang.”

YESAYA 8:4

Saba' ri tenanapa nalompo-lompo antu anaka nakkulle angkana ‘Bapa'’ siagang ‘Amma'’, sikontu kakalumanynyangnganna Damsyik siagang sikontu barang narampasaka tu Samaria lanilalingi ri karaeng Asyur.”

YESAYA 8:6

“Anne bansaya natollaki je'ne' ci'nong battua ri pangka Binangana Syiloah, na sannang ri Karaeng Rezin siagang Karaeng Pekah.

PIRAUNG 3:26

Jari, bajiki kisannang attayang sa'genna battu Batara untu' antulungki';

AMOS 4:11

Sipa'gang battu ri kau laKupanrakiko sangkamma Kupanrakinna kota Sodom siagang Gomora. Ia niaka ija attallasa' battu ri kau rapangi cappa' kayu tunuang niallea battu ri pepeka. Mingka manna nakamma tena tongijapa nummotere' mae ri Nakke.

HABAKUK 2:3

Cataki anjo, nasaba' kamma-kamma anne teaipi wattunna. Mingka tasalloai nabattu anjo wattua, siagang apa le'baka Kupa'nyata mae ri kau tena ta'rupana. Manna pole nasallo ijapa cinikanna, mingka tayang mami! Anjo wattua ma'nassa labattui siagang tena nalanipaunduru'.

ZAKHARIA 3:2

Nakana malaeka'Na Batara mae ri Setanga, “Poro nihukkung laloko ri Batara, Setang! Poro nihukkung laloko ri Batara mangngarimangngia ri Yerusalem. Anne taua sanrapangi polong kayu nibesoka battu ri pepe' a'rinraya.”

MATIUS 10:28

Teako mallakki ri tau akkullea ammuno tubu, mingka tenaya koasaNa ammuno nyawa. Mingka musti mallakko mae ri Allata'ala, niaka koasana ammuno tubu siagang nyawa lalang ri naraka.

MATIUS 24:6

Lanulangngereki sallang sa'ra bunduka, kammayatompa kabara' pa'bundukanga. Mingka teako mallakki. Nasaba' anjo sikammaya lakajariang ngaseng memang tongi; mingka teaipi anjo wattua nabattu allo kiamaka.

PAOLE 20:3

‘Sikamma sari'battangku, pilangngeri anne! Anne alloa erokko maju a'bundu'. Teako mallakki yareka teako ca'di pa'maikki, yareka teako lingui.

1 SAMUEL 17:32

Nakanamo Daud ri Saul, “Karaeng, tena niparallu malla' ri anjo tu Filistin! Sadiai atanta untu' angngewai.”