YESAYA 7:3 - KITTA' MATANGKASA'

³ Nakanamo Batara ri Yesaya, “Erangi ana'nu Syear Yasyub nampa a'lampako mange angngagangi sicini' Karaeng Ahas. Lanugappai antu ri cappa' solongang kollang bageang rateang, tampa'na sikamma pasassaya anjama.

YESAYA 7:3 ပူးပေါင်းရင်းမြစ်များ

2 KARAENG-KARAENG 16:1

Ri taung makasampulo antuju ammarentana Karaeng Pekah ana'na Remalya ri Israel, Ahas ana'na Yotam a'jari karaeng Yehuda.

2 KARAENG-KARAENG 18:17

Mingka anjo karaeng Asyur akkiringi battu ri Lakhis pasukang lompo untu' ambunduki Yerusalem. Anjo pasukanga nipimpingi ri tallu perwira tinggia pangka'na, iamintu sitau panglima, sitau paurusu' inungang, siagang sitau kapala pangawala'na karaenga. Ri wattunna battu ke'nanga mange anjoreng ri kotaya, angngallemi ke'nanga tampa' ri kokoa, iamintu niarenga Koko Penatu ri ampi'na solongang a'lo'loroka battu ri balang bageang iratea.

2 KARAENG-KARAENG 20:20

Pau-pau maraengannaya ri passala'na Karaeng Hizkia, ri passala'na jasa-jasa kabaranianna, siagang antekamma batena appare' kollang siagang solongang je'ne' untu' ampa'lo'loroki je'neka mange ri kotaya, yangasenna niaki nicata' lalang ri kitta' “Riwaya'na sikamma karaeng Yehuda.”

KALAPPASSANG 7:15

Lanri kammana, a'lampamako angngagangi sibuntulu' ammuko bari'basa', ri wattunna naung ri Binanga Nil. Erangi anjo takkang akkullea tappinra a'jari ulara', nampa nutayang kabattuanna ri biring binangaya.

YESAYA 10:21

Bansa Israel niaka sike'de' tassesa latobaki mae ri Allata'ala kaminang porea.

YESAYA 22:11

appare' mako kollang lalang ri kotaya nampa nupasse're je'ne' battua ri kollang salloa. Mingka tena ngaseng nuparhatikangi Allata'ala, Ia salloamo le'ba' anrancanakang ngasengi sikammaya anjo, siagang a'jaria passabakkang nakajariang anjo kammaya.

YESAYA 36:2

Le'baki anjo nasuromi perwira tinggi tantarana battu ri Lakhis mange ri Yerusalem nirurungang ri tantara jai, untu' antuntuki sollanna mangaku nibeta Karaeng Hizkia. Battui ke'nanga ri anjo kotaya, angngallemi tampa' ri koko niarenga Koko Pasassa, ri ampi'na solongang allo'loranga je'ne' battua ri kollang bageang rateang.

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

YESAYA 6:13

Ba'lalo lalanna sampuloa tau na nia' ija sitau ammantang ri anjo pa'rasanganga, anjo sitaua lanipanraki todong. Mingka rapang poko' kayu karama' punna nita'bangi nia' ija ammantang tonasa'na, kamma tomminjo lania' ija tassesa anjo bansaya, la'jaria pappokokanna umma' matangkasaka.”

YEREMIA 22:1

Nasuroa' Batara a'lampa mange ri balla' karaenna karaeng Yehuda, jari-jarina Daud, untu' ampabattui pasanNa Batara mae ri karaenga, mae ri sikamma pagawena, kammayatompa mae ri sikontu pandudu'na Yerusalem. Iaminne kana-kananNa Batara mae ri ke'nanga,

ROMA 9:27

Naterassimi nakana Na'bi Yesaya ri sesena bansa Israelka, “Manna pole nasangkamma kassika ri tamparanga jaina bansa Israelka, mingka sike'de'ji lasalama';