YESAYA 7:2 - KITTA' MATANGKASA'

² Nalangngere'na karaeng Yehuda angkanaya antamami pasukang Siria a'jari agang ri daerana Israel, a'jari sanna'mi malla'na siagang bansana, sa'genna annekkere' rapang poko' kayu nige'gosoka ri anging.

YESAYA 7:2 ပူးပေါင်းရင်းမြစ်များ

2 SAMUEL 7:16

Tuli lania'na jari-jarinu, siagang laKupa'jari kakaraengannu attahang sa'genna satunggu-tungguna. Nia' sitau jari-jarinu lammarenta salaku karaeng sa'genna satunggu-tungguna.’ ”

1 KARAENG-KARAENG 11:32

Se're suku lammantang ri Salomo, lanri atangKu Daud, siagang lanri Yerusalem, ia le'baka Kupile battu ri sikontu pa'rasangang Israel a'jari kotaKu.

1 KARAENG-KARAENG 12:16

Nacini'na ra'yaka angkanaya tena naero' karaenga ampilangngeri pappala'na ke'nanga, ammarrammi ke'nanga angkana, “Apa paralluna nipaduli Daud siagang turunganna! Tena apa-apa le'ba' nagaukang ke'nanga untu' ikatte. Ikau ra'ya' Israel umba kimmotere'. Lappassammi anjo Rehabeam naurusu' kalenna!” Jari ammotere'mi ra'ya' Israel,

1 KARAENG-KARAENG 13:2

Lanri parentaNa Batara, akkio'mi anjo na'bia mae ri anjo tampa' pakkoro'bangnganga angkana, “He tampa' pakkoro'bangngang, he tampa' pakkoro'bangngang! Kammai anne kananNa Batara, ‘Nia' sitau ana' laniareng Yosia lanilassukang lalang ri kaluargana Daud. Irateannu, he kau tampa' pakkoro'bangnganga, lanabuno sikontu imang-imang niaka tugasa' ri tampa'-tampa' passambayangang mae ri rewataya, siagang pole tau le'baka assare koro'bang irateannu. Na irateannu tommi lanitunu buku-bukunna rupataua.’ ”

2 PATTOTTORANG 25:10

Lanri kammana anjo nalappassammi Amazia anjo sikontu tantara nisewaya nampa nasuro ke'nanga ammotere' mange ri pa'rasanganna. Ammotere'mi ke'nanga, mingka teai sipato' larrona.

2 PATTOTTORANG 28:12

Nia' appa' pamimping battu ri Israel, iamintu Azarya ana'na Yohanam, Berekhya ana'na Mesilemot, Yehizkia ana'na Salum, siagang Amasa ana'na Hadlai, tena todong nasitujui panggaukanna anjo tantara ammotereka.

PAMMUJI 11:1

Untu' pamimping pakelong. Pammujina Daud. Ma'la'langa' ri Batara; tena matu-matunna makkana ri nakke, “Pasalamaki kalennu sanrapang jangang-jangang anri'baka mange ri moncong.

PANGNGEBARANG 28:1

Tau ja'dalaka lari nampa tena angngondangi, mingka tau lambusuka, barani sanrapang singa.

YESAYA 11:13

Tenamo nalangngiri mata kakaraenganna Israel mae ri Yehuda, siagang Yehuda tenamo nanamusui Israel.

YESAYA 22:22

Ia lakoasa nipatappa' irawanganna karaeng turunganna Daud. Ia lanna'gala' koncina kakaraenganga. Punna ia assungkei, tena tau akkulle antongkoki; punna natongkoki, tena tau akkulle assungkei.

YESAYA 37:27

Sikamma tau niaka ammantang anjoreng tena kullena; ta'bangkai ke'nanga lanri malla'na. Rapangi ke'nanga ruku' ri parang yareka ruku' attimboa irate ri pattongko'na ballaka, a'jari kalotoroka punna niiri' ri anging bambang battu raya.

YESAYA 37:35

LaKuallei siagang laKula'langi kota Yerusalem lanri kalompoang KalengKu, siagang lanri parjanjiangKu siagang atangKu Daud.’ ”

YESAYA 6:13

Ba'lalo lalanna sampuloa tau na nia' ija sitau ammantang ri anjo pa'rasanganga, anjo sitaua lanipanraki todong. Mingka rapang poko' kayu karama' punna nita'bangi nia' ija ammantang tonasa'na, kamma tomminjo lania' ija tassesa anjo bansaya, la'jaria pappokokanna umma' matangkasaka.”

YESAYA 7:13

Nampa nakanamo Na'bi Yesaya, “Punna kamma, pilangngeri he turunganna Daud! Tenaka nangganna' le'ba'na nuso'ri kasa'barranna rupataua, sa'genna nuso'ri todong kasa'barranNa Allata'alaku?

YESAYA 7:17

LaNapabattui Batara karaeng Asyur, nampa ikau siagang sikontu kaluarganu, kammayatompa ra'ya'nu, lanakasiaki allo-allo kasessang la'bi hebakkangngang nale'baka nukasia' baku' le'ba'na ta'bage kakaraengang Israel siagang Yehuda.

YESAYA 7:5

Assikongkolo'mi Siria siagang Israel na karaenna.

YESAYA 8:12

“Teako arengi passikongkolang apa nakanaya ke'nanga passikongkolang, siagang teako mallakki ri apa-apa nakamallakkanga ke'nanga.

YESAYA 9:9

“Rumbammi sikamma bangunang balla' batua, mingka lappare' poleangi ikambe balla' batu beru. Le'ba'mi nita'bang sikamma poko' kayu araya, mingka lanasambei ikambe siagang kayu camara Libanon kaminang bajika.”

HOSEA 12:1

Nakana Batara, “NakulilingiA' bansa Israel siagang bicara balle-ballena na gau' annipuna; bansa Yehuda tulusu' angngewana ri Nakke, Allata'ala Matangkasaka siagang majarreka.

MATIUS 2:3

Nalangngere'na Herodes anjo kabaraka, teaimi sipato' ta'bangkana. Kammayatompa sikontu tau niaka ri Yerusalem ta'bangka ngaseng tommi.