YESAYA 7:18 - KITTA' MATANGKASA'

^18-19 Anjo wattua laNakioki Batara tu Mesir siagang tu Asyur, nampa battumo anjo ruaya bansa rapang katingalo siagang bani angkatulungi sikamma ka'bung lantanga siagang alla'-alla'na batu karanga. Lanatongko' ngasengi ke'nanga sikamma romang katintinga kammayatompa sikamma tampa' niaka ruku'na.

YESAYA 7:18 ပူးပေါင်းရင်းမြစ်များ

PAMMUJI 105:31

Lanri parentaNa Allata'ala battumi katingaloa, siagang sikamma lamuka angkatulungi anjo sikontu pa'rasanganga.

PAMMUJI 118:12

Sanrapangi cani' ke'nanga angkatulunga'; lanri koasaNa Batara, kubetai ke'nanga. Lalang sipakkida mataji bawang nibuno ke'nanga sanrapang pepe' angkanrei rompo' akkatintinga.

KALAPPASSANG 8:21

Punna taerokako, lappabattuA' katingalo mae ri kau, mae ri sikamma pagawenu siagang ra'yaka. Sikamma balla'na tu Mesir, ba'lalo sikontu pa'rasanganga larassi siagang katingalo.

KALAPPASSANG 8:24

Napabattumi Batara katingaloa, sannaka jaina, mange ri balla' karaenga, siagang ri balla'na sikamma pagawena karaenga. Sanna'mi sessana sikontu pa'rasangang Mesir napakamma anjo katingaloa.

YESAYA 13:5

Battui ke'nanga ri pa'rasangang-pa'rasangang bellaya di cappa'-cappa'na buttaya. Lalang larroNa Napakei Batara ke'nanga untu' ampanraki sikontu buttaya.

YESAYA 31:1

Cilakai tau a'lampaya mange ri Mesir appala' bantuang! Napattoangi ke'nanga kagassinganna tantarana tu Mesir siagang pasukang padongko' jaranna, kammayatompa kassa'na ngaseng jaranna siagang jaina kareta bundu'na. Mingka tena natappa' ke'nanga ri Batara, Allata'ala matangkasa'na Israel, siagang tena nappala' bantuanNa.

YESAYA 5:26

LaNakioki Batara bansa bellaya na labattu ke'nanga linta'!

YESAYA 7:17

LaNapabattui Batara karaeng Asyur, nampa ikau siagang sikontu kaluarganu, kammayatompa ra'ya'nu, lanakasiaki allo-allo kasessang la'bi hebakkangngang nale'baka nukasia' baku' le'ba'na ta'bage kakaraengang Israel siagang Yehuda.

ZAKHARIA 10:8

LaKukioki ummakKu siagang Kupa'rappungi ke'nanga a'jari se're. LaKupakabebasaki ke'nanga siagang laKupa'jari jai sangkamma riolo jaina.

PAOLE 1:44

Nampa assulu'mo tu Amori niaka ammantang ri anjo daera monconga untu' angngewako. Anjo ke'nanga teai sipato' jaina, sanrapangi bania jaina. Naondang mako sa'genna mae ri Horma bellana, nampa nibetako ri ke'nanga ri daera moncong Edom.

PAOLE 28:49

Nia' se'reang bansa tenaya nuassengi bicaranna laNapabattu Batara battu ri cappa'na buttaya anne untu' angngewako. Rapang jangang-jangang rajawali labattui antamberoko.

PAOLE 7:20

Ba'lalo lappa'niaki Karaeng Allata'alanu karicuang ri tangnga-tangngana ke'nanga, sa'genna manna tau laria siagang accokkoa lapanra' ngaseng tonji.

YOSUA 24:12

Ri wattunnu maju ambunduki ke'nanga, Kupa'jari lingui ke'nanga siagang Kupa'jari mallaki ke'nanga, sa'genna larimo anjo ruaya karaeng tu Amori napakamma malla'. Teai pa'dannu siagang teai todong pananu assareko pammetang.