YESAYA 7:14 - KITTA' MATANGKASA'

¹⁴ Kamma-kamma anne, KalenNa Batara lassare tanra mae ri kau: Nia' sallang sitau tulolo latianang siagang allassukang sitau ana' bura'ne, lanaarenga Imanuel.

YESAYA 7:14 ပူးပေါင်းရင်းမြစ်များ

PA'JARIANG 16:11

Tasalloami nulallassukang ana' bura'ne; arengi sallang Ismael anjo anaka, nasaba' Nalangngere'namo Batara karru'nu.

PA'JARIANG 29:32

Attianammi Lea nampa allassukang sitau ana' bura'ne. Nakanamo Lea, “Nacini'mi Batara kasusaangku, nakamma-kamma anne lanangaima' bura'nengku.” Nampa naaremmo anjo anaka Ruben.

PA'JARIANG 3:15

Lasikabirisiko siagang anne bainea. Sossorannu siagang sossoranna latuli simusui. Laniancuruki ulunnu ri sossoranna, nalanukokko' kacunu'na ke'nanga.”

PA'JARIANG 30:6

Nakanamo Rahel, “Nagaukammi adeleka Allata'ala untu' kaparalluangku. Napilangngeri pappalakku na Nasarema' sitau ana' bura'ne.” Nampa naaremmo anjo anaka Dan.

PA'JARIANG 30:8

Nakanamo Rahel, “Usahama' sipakkulle-kulleku angngewai daengku, nakuammetamo.” Jari naaremmi anjo anaka Naftali.

PA'JARIANG 4:25

Anggappami pole Adam siagang bainenna sitau ana' bura'ne. Nakanamo Hawa, “Nasarema' Allata'ala ana' bura'ne a'jari sambenna Habel, le'baka nabuno Kain.” Lanri kammana minjo nanaaremmo Hawa anjo anaka Set.

1 KARAENG-KARAENG 13:3

Nakanamo pole anjo na'bia, “Anne tampa' pakkoro'bangnganga larumbangi, siagang au niaka rateanna latattumpai. Iaminjo buttina angkanaya ma'nassa Nasuroa' Batara.”

PAMMUJI 46:8

Batara Kaminang Makoasa anrurungangki', Allata'alana Yakub anjagaiki'.

YESAYA 38:7

Appialimi Yesaya angkana, “Iaminne pammatei Napassareanga Batara mae ri katte angkanaya Narupai janjinNa.

YESAYA 8:10

Apparekko rancana, mingka tena nia' anjari. Angngalle mako kaputusang, mingka tena matu-matunna, saba' ikambe Narurungangki' Allata'alana ikambe.

YESAYA 8:8

Lanatujui ke'nanga Yehuda rapang a'ba narapika sa'genna kallong tinggina nammantang je'neka ri kere-keremae.” Narurungangki' Allata'ala! Takka'rangi ka'nyi'Na alla'langi pa'rasanganta.

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

YEREMIA 23:6

Punna ammarentai, lasalamaki tu Yehuda, siagang tu Israel lattallasaki siagang amang. Anjo karaenga lanigallaraki ‘Batara Kasalamakkanta’.

YEREMIA 31:22

Siapapi sallonu tuli ranggasela, he bansa tenaya namajarre' ri Nakke? Appa'jariMa' apa beru ri lino, apa appakalannasaka – rapang baine nila'langngi ri bura'ne.”

YEREMIA 44:29

LappabattuA' cilaka mae ri kau ri tampaka anne untu' ampa'butti mae ri kau angkanaya anjo hukkungang Kurancanakanga untu' ikau, kajariang tojeng-tojengi.

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

MATIUS 1:23

“Nia' sallang se're tulolo latianang siagang allassukang sitau ana' bura'ne. Anjo anaka lanigallaraki Imanuel.” (Imanuel iamintu bicara tu Ibrani, battuanna “Niaki Allata'ala anrurungangki'”.)

LUKAS 1:31

Latianangko, siagang lammanakko sitau ana' bura'ne, na musti nuarengi Isa.

LUKAS 1:35

Appialimi malaekaka nakana, “Labattui RohNa Allata'ala mae ri kau, siagang laniaki koasaNa Allata'ala anrurungangko. Lanri kammana, anjo ana' lalassuka lanigallaraki Matangkasa', Ana'Na Allata'ala.

LUKAS 2:12

Na iaminne pammateina ri kau: Nia' lanubuntulu' se're ana' lolo nikalimbuki care-care, siagang nipatinro lalang ri pangnganreang olo'-oloka.”

LUKAS 20:44

Jari punna Daud angkana ‘Batara’, ri anjo Karaeng Mappasalamaka, antekamma nakkulle nikana sossoranna Daud?”

YOHANES 1:14

Ma'rupataumi anjo Kanaya, ammantangi ri tangnga-tangngata, na nicini'mo kala'biranNa. Natarimai anjo kala'biranga salaku Ana' sitau-tauNa Manggea. Tete ri KalenNami nanicini' Allata'ala, siagang pangngamaseanNa mae ri katte.

ROMA 9:5

Iami ke'nanga sossoranna boe-boeta. Battu ri bansanami ke'nanga assala' kabattuanNa Almasi, ri wattu battuNa a'jari ma'rupatau ri lino. Iami kaminang mala'biri' ri sikontuna taua. Nipujimi Allata'ala satunggu-tungguna! Aming.

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.

HAKING-HAKING 6:36

Nampa nakanamo Gideon ri Allata'ala, “Batara, iKatte le'ba' angkana erokKi' ampakea' untu' allappassangi umma' Israel.

1 SAMUEL 1:20

Tianammi anjo bainea, nallassukang sitau ana' bura'ne. Naaremmi Samuel anjo anaka, na nakana, “Le'ba'mi kupala' battu ri Batara.”

1 SAMUEL 4:21

Niaremmi anjo anaka Ikabod, na nakana, “Kahaderang kala'biranNa Allata'ala tappela'mi battu ri Israel” – ia napakkanaia iamintu angkanaya Patti ParjanjianNa Karaeng Allata'ala nirampasa'mi siagang matoanna kammayatompa bura'nenna matemi. Lanri kammana nanakanamo, “Kahaderang kala'biranNa Allata'ala tappela'mi battu ri Israel, lanri nirampasa'mi Patti ParjanjianNa Allata'ala.”