YESAYA 7:13 - KITTA' MATANGKASA'

¹³ Nampa nakanamo Na'bi Yesaya, “Punna kamma, pilangngeri he turunganna Daud! Tenaka nangganna' le'ba'na nuso'ri kasa'barranna rupataua, sa'genna nuso'ri todong kasa'barranNa Allata'alaku?

YESAYA 7:13 ပူးပေါင်းရင်းမြစ်များ

PA'JARIANG 30:15

Appialimi Lea angkana, “Tanggannakapika nuallena bura'nengku? Kamma-kamma anne ba'lalo erokko pole angngallei ruku' pa'balle nagappaya anakku.” Nakanamo Rahel, “Punna nusarea' anjo ruku' pa'ballena ana'nu, akkulleko sikatinroang siagang Yakub anne bangngia.”

2 PATTOTTORANG 21:7

mingka taerokai Batara amputtai karaeng jari-jarina Daud, lanri le'baki a'janji angkanaya jari-jarina Daud tuli lammarenta.

PAMMUJI 45:5

Maju mako siagang gammara' mange ri kalompoanga parjuangkangi katojenganga siagang kaadelang bajika; re'bu'mi pammetang lompoa siagang kagassingannu!

YESAYA 1:24

Lanri kammana anjo Nakanamo Batara Kaminang Koasaya, Allata'alana Israel: “He, musu-musungKu, la'balasakA' mae ri kau, sa'genna tenamo nanususaiA' pole.

YESAYA 22:22

Ia lakoasa nipatappa' irawanganna karaeng turunganna Daud. Ia lanna'gala' koncina kakaraenganga. Punna ia assungkei, tena tau akkulle antongkoki; punna natongkoki, tena tau akkulle assungkei.

YESAYA 25:1

Batara, iKatte Allata'alaku, kupakala'birikKi' siagang kupuji arenTa. Saba' sikamma bate pa'jariTa tamaka appakalannasa'na; le'ba' Kirancana memangi battu riolo, naKimmajarre' anggaukangi.

YESAYA 43:24

Tena nummalli dupa mabau' untu' iNakke, tena nupassukkuki pa'maikKu siagang janna koro'bang nupolonga. Kabalekanna iNakke ba'lalo nubattalli siagang dosa-dosanu, nususaiA' siagang sikamma kasalannu.

YESAYA 63:10

Mingka angngewai ke'nanga siagang napakasi'na pa'mai'Na Batara. Jari ta'bale'mi a'jari musunNa ke'nanga KalenNa a'bundu' ambaliangi ke'nanga.

YESAYA 7:12

Appialimi Ahas angkana, “Tena kuppala' tanra. Tena kuero' anso'ri Batara.”

YESAYA 7:2

Nalangngere'na karaeng Yehuda angkanaya antamami pasukang Siria a'jari agang ri daerana Israel, a'jari sanna'mi malla'na siagang bansana, sa'genna annekkere' rapang poko' kayu nige'gosoka ri anging.

YEREMIA 44:22

Tenamo Natahangi Batara ancinikko assare koro'bang mae ri rewata-rewata maraenga. Anjo panggaukannu ja'dalaki siagang tunai. Doraka mako mae ri Batara siagang tenamo numannuruki ri parenta-parentaNa. Lanri kammana anjo, kamma-kamma memang anne ancuru'mi pa'rasangannu sa'genna tenamo nakkulle nipammantangngi, siagang arenna nipakemi a'jari kana pattunra. Tau ancinikai a'jari sanna'mi malla'na.”

YEREMIA 6:11

Anjo larroTa mae ri ke'nanga a'bara tongi lalang ri kalengku, Batara! Sukkaraki lakuparrangngi.” Nampa Nakana Batara, “Pa'betteseki anjo larroa mae ri ana'-ana' niaka ri sikamma agang lompoa siagang mae ri sikamma tau rungka sitabanga a'rappung. Lanijakkalaki sikamma bura'nea siagang bainea, kammayatompa sikamma tau toa duduamo umuru'na tena todong nalata'lappasa'.

YEHEZKIEL 16:20

Nampa nupassareangi ana'-anatta, bura'ne siagang baine a'jari koro'bang mae ri barhala-barhalaya. Maka tanggannakkapi angkanaya tena namajarre' pa'mai'nu mae ri Nakke?

YEHEZKIEL 16:47

Sanggami pakkasia'nu ampinawangi ke'nanga siagang ampalembai anjo panggaukang appakaringi'-ringi'na ke'nanga? Tenapa! Tasalloami nula'bi panrakkangngang pole nake'nanga.

YEHEZKIEL 34:18

Battu ri kau nia' tena nasangga nasa'ring pa'mai'na punna poro ruku' kaminang bajika nacappu', mingka naonjo'-onjokang tompi ruku' tenaya nakanrei ke'nanga! Angnginungi ke'nanga je'ne' ci'nong nampa napuccakki je'ne' tenaya nainungi ke'nanga!

YEHEZKIEL 6:9

anjorengi ke'nanga lattallasa' ri pa'rasangang pammelakkanga. Nampa lamangngu'rangi ke'nanga mae ri Nakke, kammayatompa lanapahangi angkanaya iNakke anghukkungi siagang ampakatunai ke'nanga, lanri tenana namajarre' pa'mai'na ke'nanga mae ri Nakke. Le'ba'Ma' nabokoi ke'nanga nampa napilei barhalaya salaku sambengKu. Nampa lalanre kalenna ke'nanga mae ri kalenna lanri anjo sikontu kaja'dallang siagang kakodiang le'baka nagaukang ke'nanga.

AMOS 3:13

Nakana Batara Kaminang Makoasaya siagang Kaminang Tinggia, “Parhatikangi kamma-kamma anne, siagang pakaingaki jari-jarina Yakub.

MALEAKHI 2:17

Nupakalanrei Allata'ala lanri bicarannu. Mingka akkuta'nangko angkana, “Antekamma batena ikambe ampakalanrei Batara?” Iamintu lalang nukanana, “Sikontu tau a'gau' kodia nibilang bajiki ri Batara, siagang mangngellai mae ri ke'nanga.” Yareka akkuta'nangko angkana, “Kemae anjo Allata'ala nikanaya adele'?”

PAMMILANGNGANG 16:13

Maka tagannakkapi nueranna ikambe assulu' battu ri butta Mesir copponga untu' ambunoi ikambe anrinni ri parang lompoa? Apaka musti ammarenta tongko mae ri kambe?

PAMMILANGNGANG 16:9

Nukanaka passala' ca'di-ca'di angkanaya laNapileko Allata'ala battu ri tangnga-tangngana tu Israel sollannu akkulle a'reppese' mae ri Ia, siagang anggaukangi tugasaka ri KemaNa, kammayatompa anjamaya untu' bansa Israel siagang allayani ke'nanga?

LUKAS 1:69

Nasaremaki' tu Mappasalama' makoasaya, ikatte atanNa, sossoranna Daud.

LAMPA-LAMPANA 7:51

Teai sipato' kapala batunu ngaseng, siagang teai sipato' sukkara'nu mannuruki ri Allata'ala! Teai sipato' tongolo'na tolinnu mae ri kana-kananNa Allata'ala! Sangkamma le'ba' ngasengko siagang boe-boenu; tuli erokko angngewa ri RohNa Allata'ala!

IBRANI 3:10

Iaminjo saba'na naKularro siagang Kukana mae ri ke'nanga, ‘Tuli mamminra-minrana ke'nanga, siagang tuli teana anturuki parentaKu.’