YESAYA 66:4 - KITTA' MATANGKASA'

⁴ Lanri kammana anjo laKugaukang tommi apa Kukaerokia naKupitujui ke'nanga sikamma bala nakamallakkanga ke'nanga. Saba' ri wattungKu akkio', tena tau appiali; ri wattungKu a'bicara, tena tau appilangngeri. La'bi nangaiangngangi ke'nanga angngewaya ri Nakke siagang anggaukangi ja'dalaka.”

YESAYA 66:4 ပူးပေါင်းရင်းမြစ်များ

2 KARAENG-KARAENG 21:2

Dorakai Manasye ri Batara, lanri naturuki kabiasang ja'dala'na bansa-bansa nabongkaya Batara battu ri Kanaan ri wattu napantamakkinna tu Israel anjo pa'rasanganga.

2 KARAENG-KARAENG 21:6

Ana' kalenna napassareang a'jari koro'bang nitunu. Nagaukang tongi Manasye gau'-gau' sanroa, a'jari paciniki, ammakei pangngissengang, siagang appalaki pangngunju' mae ri roh-roh tanicinika. Sanna' dorakana mae ri Batara sa'genna napanai'mo larroNa Batara.

PAMMUJI 81:12

Mingka ummakKu taerokai mappilangngeri ri Nakke, taeroka Israel mannuruki ri Nakke.

PANGNGEBARANG 1:24

Le'ba' mako kukio' ngaseng, mingka taerokako siagang tena ngaseng nujampangi.

PANGNGEBARANG 10:24

Tau te'nea pa'mai'na lanagappai apa nakaerokia; tau ja'dalaka nagappai apa kaminang nakamallakkanga.

YESAYA 50:2

Angngapa namanna sitau ummakKu tania' appiali, wattungKu battu angkioki ke'nanga? Maka a'mereki ke'nanga lanri nakapangi angkana takkulleA' allappassangi siagang ampasalamaki ke'nanga? Sikontutojenna, lanri parentaKu na'jari kalotoro' tamparanga, sikamma binangaya Kupa'jari parang lompo, sa'genna mate ngaseng jukuka na'rasa parru.

YESAYA 59:15

Tenamo tau lambusu', siagang inai ampakabellai kalenna battu ri kaja'dallanga, ia kalenna lanipanraki ri kaja'dallang.” Nacini' ngasemmi Batara, siagang tenamo Nasannang pa'mai'Na lanri tenamo kaadelang.

YESAYA 59:7

Tulusu' nurancanakangi ja'dalaka, siagang erokko akkaro-karo anggaukangi. Tena nubata-bata ammuno tau tenaya salana. Kemae-kemae lampanu, tuli ammolikko karuntungang siagang kapanrakang.

YESAYA 65:12

Lamate ngasengko passabakkang gau' katerassang. Saba' ri wattungKu akkio', tena nuppiali, siagang ri wattungKu a'bicara, tena nuppilangngeri. La'bi nungaiangngangi angngewaya ri Nakke siagang anggaukangi ja'dalaka.

YESAYA 65:2

Tuli sadiaKu ero' antarimai ummakKu, mingka nangai ke'nanga angngewa. Anjo bansaya nagaukangi ja'dalaka siagang ero' kalenna naturukiang.

YESAYA 65:3

Tulusu' napakanassuKu ke'nanga lanri assarena koro'bang ri koko-kokoa mae ri rewata-rewataya siagang attunui kamanynyang ri tampa'-tampa' pakkoro'bangnganna ke'nanga.

YESAYA 65:7

lanri dosana ke'nanga siagang dosana boe-boena ke'nanga. NahinA' ke'nanga lanri attunui kamanynyang untu' rewata-rewataya ri tampa' panynyombanna ke'nanga irate ri bulu'. LaKubalasaki situru' siagang panggaukanna ke'nanga ri wattu allaloa.”

YEREMIA 35:17

Lanri kammana anjo, naiNakke, Batara Kaminang Koasaya, iamintu Allata'alana Israel, lappabattuA' mae ri kau – tu Yehuda siagang Yerusalem – sikontu bala le'baka Kupattantu untu' ikau ngaseng, sangkamma le'baka Kupau. Anjo kammaya Kugaukangi lanri tenana nuero' mappilangngeri punna a'bicarA' mae ri kau, siagang lanri tenana nuero' appiali ri wattunnu Kukio'.”

YEREMIA 7:13

MangKu pole a'mole-mole a'bicara mae ri kau, mingka taerokako mappilangngeri. Nugaukang ngasengi sikamma anjo dosaya, siagang taerokako appiali punna akkiokKa'.

YEREMIA 7:30

Nagaukammi tu Yehuda kaja'dallanga. Anjo barhala-barhalana ke'nanga tenaya Kungai naboliki ke'nanga lalang ri BallakKu, sa'genna nara'massi BallakKu.

YEHEZKIEL 11:8

Mallakko ri pa'dang? LappabattuA' tau angngerang pa'dang untu' ambundukiko.

YEHEZKIEL 14:4

Lanri kammana anjo, paui mae ri ke'nanga angkanaya iNakke, Batara Kaminang Tinggia appasang kamma anne, ‘Sikamma tu Israel ampappirannuangai kalenna mae ri barhalaya siagang naturukiangi kalenna ta'loposo' antama' ri dosaya, nampa battu untu' appala' pappitangara' ri se'rea na'bi, KalengKu lappiali mae ri ke'nanga siagang piali siratannaya mae ri barhala-barhala kammaya anjo jaina!.

YEHEZKIEL 20:25

Nampa Kupassareang mae ri ke'nanga hukkung-hukkung tenaya nabaji' siagang parenta-parenta tenaya nakkulle assare katallassang.

MATIUS 24:24

Nasaba' lania' sallang battu siapa are tumappasalama' patipu, siagang na'bi-na'bi patipu. Lanappicinikangi ke'nanga gau'-gau' teai sipatoka lompona siagang appakalanna'-lannasaka, sollanna akkulle, manna umma'Na Allata'ala lanatipu todong.

1 SAMUEL 8:19

Mingka taerokai anjo bansaya anjampangi kananna Samuel. Ba'lalo nakana ke'nanga, “Boli'mi kamma! Manna pole antekamma eroki ikambe karaeng.