YESAYA 66:14 - KITTA' MATANGKASA'

¹⁴ Nucini'na anjo kammaya, larannu mako, siagang a'jari gassing mako nukkamale kamma ruku' lolo. Nalanakasia'mo sikamma atangKu karannuangKu siagang lanakasia'mi kalarroangKu sikamma musu-musungKu.”

YESAYA 66:14 ပူးပေါင်းရင်းမြစ်များ

EZRA 8:18

Lanri kabajikang pa'mai'Na Allata'ala, nakirimmi ke'nanga mae ri kambe iamintu Serebya, se're tu Lewi sannaka cara'de'na battu ri golongang Mahli. Nia' tommi naagang battu ana'-ana'na siagang siapa are sari'battanna. Yangasenna ke'nanga nia' 18 tau jaina.

EZRA 8:22

Angngalika' appala' tantara a'jarang mae ri karaenga untu' anjagai ikambe battu ri musua lalang pa'jappanga. Nasaba' le'ba'mi kupau ri ia angkana Nabarakkaki Allata'alana ikambe sikamma tau anynyombaya ri Ia siagang Nakabirisi na Nahukkung sikamma tau tenaya najarre' tappa'na mae ri Ia.

EZRA 8:31

Ri tanggala' sampulo anrua bulang makase're, a'lampami ikambe ambokoi Binanga Ahawa mange ri Yerusalem. Lalang ri pa'jappanna ikambe, nijagaimi ikambe ri Allata'alana ikambe battu ri bundu'na siagang pangngadanna musua.

PAMMUJI 107:42

Niciniki ri tau lambusuka na rannu, mingka tau ja'dalaka nitongkoki bawana.

PANGNGEBARANG 17:22

Rannu pa'maika napakkamalei tubua; pa'mai' susaya annepoki sumanga'.

PANGNGEBARANG 3:8

Anjo panggaukanga la'jari sanrapangi pa'balle mae ri kau, ia lampakabajiki batangkalennu siagang pa'mai' mailalannu.

YESAYA 10:5

Nakana Batara, “Cilakai Asyur! Asyur laKupake a'jari cambo' siagang palu-palu untu' antunrungi tau natabaya pangngalarroingKu.

YESAYA 13:5

Battui ke'nanga ri pa'rasangang-pa'rasangang bellaya di cappa'-cappa'na buttaya. Lalang larroNa Napakei Batara ke'nanga untu' ampanraki sikontu buttaya.

YESAYA 26:19

UmmatTa mateamo lattallasa' poleangi ammotere', sikamma maya'na ke'nanga lambangungi ammotere'. Tau le'bakamo nitarawang lalang ri buttaya lambangung poleangi siagang akkio' rannu. Rapang saliu' ampakkamalei buttaya, Kipattallasaki ummatTa salloamo le'ba'na mate.

YESAYA 26:20

Antama' mako ri balla'nu, he bansaku, nampa nutongko' pakke'bu'nu. Accokko mako untu' sinampekang, sa'genna ammari larroNa Batara.

YESAYA 30:27

KakoasanNa siagang kala'biranNa Batara niciniki battu bella. Pepeka siagang umbuna ampa'nassai kalarroanNa. A'bicarai siagang ke'nanga, siagang kana-kananNa attunui rapang pepe'.

YESAYA 33:20

Ciniki kota Sion, tampatta ampakalompoi pa'gaukang agamaya. Ciniki Yerusalem! Tamaka amanna anjo tampaka untu' nipammantangi, rapang kema le'baka nipalette', tenamo nalanibi'bu' patto'na siagang tenamo nalatappu' otere'na.

YESAYA 34:2

Larroi Batara mae ri sikontu bansaya siagang sikontu pasukanna ke'nanga. LaNahukkungi siagang laNaancuruki ke'nanga.

YESAYA 35:2

Parang lompoa la'bakkaki sanna' jaina, nakkelong siagang kelong-kelong rannu. Ga'gana kammai Moncong Libanon, kanang-kananna rapangi ka'bunna Karmel siagang Saron. Na tunggala' tau lancinikai koasaNa Batara, siagang kala'biranNa Allata'alata.

YESAYA 41:20

Na sikontu taua lanaciniki siagang lanaassengi angkana iNakke, Batara, anggaukangi anjo. Lanaparhatikangi siagang lanapahangi ke'nanga, Allata'ala matangkasa'na Israel ampa'jari anjo kammaya.”

YESAYA 42:13

Majui Batara a'bundu' rapang se're tubarani, rapang tantara lompo sumanga'na a'bundu'. Ammarrangi, akkio' ri pa'bundukang, na Napappicinikang kaporeanNa mae ri musua.

YESAYA 58:11

INakke tuli lampimpingko siagang lampakabassorokko ri butta kalotoroka; iNakke lanjagaiko sollannu tuli akkamale siagang kassa'. Larapangko koko anggannaka ri je'ne', rapang timbuseng je'ne' tenaya nale'ba' a'jari kalotoro'.

YESAYA 59:18

Napa'balassi sikamma musunNa situru' panggaukanna ke'nanga. Ba'lalo manna bansa-bansa niaka ri pulo-pulo bellaya tena todong nata'lappasa' battu ri hukkunganNa.

YESAYA 66:5

Pilangngeri apa Napaua Batara, he ikau mallaka siagang mannurukia mae ri Ia, “Lanri tamamminranu mae ri Nakke, nia' ri bansanu angkabirisiko, na taeroka ansileporangko. Nacau-cauko ke'nanga na nakana, ‘Lappassammi Napappicinikang Batara kala'biranNa, sollanna nacini' ikambe karannuannu.’ Mingka kalenna tonji ke'nanga anggappa siri'-siri'.

ZAKHARIA 10:7

Umma' Israel la'jari sangkamma tubarani makassaka, rapang tau angnginunga anggoro' larannui pa'mai'na ke'nanga. Jari-jarina ke'nanga battu ri jammanga mae ri jammang poleanga talanakaluppaiyai anne pammetang Kupassareanga. La'rannu-rannui ke'nanga lanri apa Kugaukanga mae ri ke'nanga.

MALEAKHI 3:18

Lanaciniki pole ummakKu passimmaraenna dalle'na tau bajika siagang tau ja'dalaka, tau anynyombaya ri Nakke siagang tau tenaya nanynyomba ri Nakke.”

YOHANES 16:22

Kamma tomminjo ri kau ngaseng: kamma-kamma anne susai nyawanu, mingka lasibuntulu' poleang jaki' sallang, jari la'jari rannumi nyawanu. Na tenanniakka tau lakkulle angngallei anjo karannuanga battu ri nyawanu.

IBRANI 10:27

Se're mami sadia untu' ikatte, iamintu andallekanga mae ri pangadelanNa Allata'ala siagang pepe' pangngalarroiNa, lantunuai sa'genna la'busu' tau mangngewaya ri Allata'ala!