YESAYA 66:11 - KITTA' MATANGKASA'

¹¹ Lanukasiaki kacopponganna rapang sitau ana' lolo anynyusu ri amma'na.

YESAYA 66:11 ပူးပေါင်းရင်းမြစ်များ

PAMMUJI 36:8

Tamaka lompona anggaranna pangngamaseanTa, o, Allata'ala, a'la'langi rupataua lalang ri la'lanna ka'nyitTa.

YESAYA 49:23

Sikamma karaenga larapangi mangge mae ri kau, na sikamma karaeng bainea a'jari amma' mae ri kau. La'su'juki ke'nanga ampakalompoko siagang napakatuna kalenna mae ri kau. Na lanuassemmo angkanaya iNakke anne Batara; tau manrannuanga ri Nakke tena nala'ba pa'mai'na.”

YESAYA 60:1

Ambangungko nai' siagang a'jariko singara', he Yerusalem, saba' nia'mi battu singara' kasalamakkannu; Allata'ala ansingariko siagang kala'biranNa.

YESAYA 60:16

Laniparakaiko ri bansa-bansaya siagang sikamma karaenga, rapang sitau amma' amparakai ana'na. Nanuassemmo angkana iNakke Batara, Mappasalama'nu, angkanaya Allata'alana Israel makassaka allappassangko.

YESAYA 60:2

Nikalimbuki buttaya ri sassang, nitongkoki bansa-bansaya ri le'leng pakka'; mingka ammumbai singara'Na Batara irateannu, caya kahaderanNa a'nyatai irateannu.

YESAYA 60:5

Lannasa' mako nucini'na anjo siagang accayami rupannu; dinging-dingingi siagang lompoi pa'mai'nu. Nierangi barang-baranna sikamma bansaya mae ri kau, nitambungiko ri kakalumanynyangang battu ba'leang tamparanga.

YESAYA 62:2

He Yerusalem, naciniki bansa-bansaya pammetannu, naparhatikangi sikamma karaenga kalompoannu. Lanisareko areng beru, na KalenNa Batara lassareko anjo arenga.

YO"EL 3:18

Ri anjo wattua sikamma monconga larassi koko anggoro'. Olo'-olo' niparakaia langnganrei ruku' ri bulu'-bulu' copponga. Sikamma binangaya ri Yehuda tena le'bakai lala'busu' je'ne'na. Se're binanga lassolong battu ri Balla'Na Batara, na nabasai Ka'bung Akasia siagang je'ne' nyamang.

1 PETRUS 2:2

Paralluko a'jari sanrapang ana' lolo beru lassuka, tuli turerea ero' angnginung je'ne' susu rohani tenaya bengkoro'na, sollannu akkulle a'bakka' siagang nipasalama'.