YESAYA 61:6 - KITTA' MATANGKASA'

⁶ Lanigallarakko atanNa Allata'ala siagang niarengko imanNa Batarata. Lanukasiaki kakalumanynyanganna bansa-bansaya na lompo pa'mai'nu lanri barang-baranna ke'nanga.

YESAYA 61:6 ပူးပေါင်းရင်းမြစ်များ

KALAPPASSANG 19:6

poro untu' KalengKu bawang, nampa ikau lanulayaniA' salaku imang-imang.”

YESAYA 23:18

Passawallang siagang gaji nagappaya talanabolikai, mingka lanapassareangi mae ri Batara. Sikamma tau anynyombaya mae ri Batara lanapakei anjo doeka untu' ammalli care-care siagang kanre naparalluanga ke'nanga.

YESAYA 54:3

Lapila' katambangi luara'nu mae ri kanang siagang mae ri kairi, pandudu'nu lanaempoi buttana bansa-bansaya siagang lanapammantangngi kota-kota sinoa kamma-kamma anne.

YESAYA 56:6

Nakana Batara mae ri sikamma bansa maraenga antamayamo ri bilanna umma'Na Batara, mangngaia ri Batara siagang anynyombaya mae ri Ia, ampakalompoai allo Pammari-marianga siagang majarreka ri parjanjianNa,

YESAYA 66:12

Saba' Nakana Batara, “LaKusareko kasalewangang rapang binanga assolonga; kakalumanynyangnganna bansa-bansaya lanierangi mae ri kau rapang binanga allumpa-lumpaya je'ne'na. Rapangko ana' nipasusua siagang nikalawinga ri amma'na, siagang nisapu-sapua ulunna ri riwaanna.

YESAYA 66:21

Nia' siapa are jaina battu ri ke'nanga laKupa'jari imang siagang tu Lewi.

YEREMIA 33:18

tuli lania' imang-imang battu ri suku Lewi allayaniA' siagang assare ri Nakke koro'bang olo'-olo', gandung, siagang passare nitunua.”

YEHEZKIEL 14:11

Yangasenna anjo kammaya Kugaukangi sollanna tu Israel tenamo napakabellai pole kalenna battu ri Nakke siagang tenamo nara'massi pole kalenna lanri dosa. Lanri kammana anjo la'jarimi ke'nanga ummakKu na iNakke a'jari Allata'alana ke'nanga.” INakke, Batara Kaminang Tinggia anne akkana.

ROMA 12:1

Sikamma sari'battangku! Sanna' baji'Na Allata'ala mae ri katte. Iaminjo saba'na nakupala' dudu ri kau ngaseng sollanna nupassareang sikontu batangkalennu a'jari koro'bang attallasa', siagang matangkasaka, kammayatompa nikarannuanga ri atinNa Allata'ala. Mustina kammaminjo caranu anynyomba mae ri Allata'ala.

1 KORINTUS 3:5

Sikontutojenna inai anjo Apolos? Siagang inai anjo Paulus? Ikambe anne poro palayanNa jaki' bawang Allata'ala, ia le'baka ampimpingko sollannu tappa' mae ri Almasi. Ikambe poro nigaukannaji bawang jama-jamang Napassuroanga Batara mae ri kambe.

1 KORINTUS 4:1

Alle rapammi angkanaya ikambe anne palayang-palayanNaki' Almasi; ikambemi nisare tugasa' ambirittakangi sikamma rancanaNa Allata'ala, tenayapa naassengi anne linoa.

2 KORINTUS 11:23

PalayanNai Almasi ke'nanga? Kammama' kapang nilangngere' tau kala'busang akkala'; mingka inakke palayang memanga', iamintu palayang bajikanganga na yangasenna anjo ke'nanga! Inakke terassangangi bateku anjama. A'mole-moleanganga' nipantama' ri tarungkua. Jaiangangi passessa kukasia' siagang a'mole-molema' sike'de' mate.

2 KORINTUS 6:4

Jari ilalang ri sikontu apa nagaukanga ikambe napa'nyatami ikambe angkanaya ikambe anne atanNaki' Allata'ala. A'rupa-rupami kasukkarang le'ba' nakasia' ikambe siagang sa'bara':

PAOLE 18:2

Takkulleai ke'nanga nia' buttana, sangkamma suku-suku maraenga; ia natarimaya ke'nanga salaku imang-imanNa Batara iamintu bageang battu ri passare napassareanga bansa Israel mae ri Batara, sangkamma Napa'janjianga Batara.

1 PETRUS 2:5

Ikau sanrapang ngasengko batu-batu mattallasaka. Lanri kammana paralluko ampassareangi kalennu untu' nipake ambangung Balla' rohaniNa Allata'ala. Lalang kammana anjo a'jari mako imang-imang mae ri Allata'ala lalang ri katallassannu; siagang tete ri Isa Almasi angngerang mako koro'bang rohani mae ri Allata'ala, iamintu koro'bang nitarima bajika ri atinNa Allata'ala.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.

PAPPICINI' 1:6

Nampa Napa'jariki' se're bansa imang-imang, allayania mae ri Allata'ala, ManggeNa. Iaminjo Isa Almasi malompoa siagang makoasaya sa'genna satunggu-tungguna. Aming!

PAPPICINI' 20:6

Maupaki sikamma tau nipattallasa' poleanga todong ri anjo wattu bungasaka. Iami ke'nanga siratang a'jari taunNa Allata'ala. Tenamo nakoasa kamateang makaruaya mae ri ke'nanga. La'jarimi ke'nanga imang-imanNa Allata'ala siagang imang-imanNa Almasi; na lammarentamo ke'nanga siagang Ia sa'genna sisa'bu taung sallona.

PAPPICINI' 5:10

Kipa'jarimi ke'nanga se're bansa nisa'laka iamintu bansa imang-imang sollanna nalayani ke'nanga Allata'alata, nammarenta irateanganna linoa.”