YESAYA 61:4 - KITTA' MATANGKASA'

⁴ Lanabangungi ke'nanga kota-kota salloamo runtung nappaenteng tampa'-tampa' salloamo sino.

YESAYA 61:4 ပူးပေါင်းရင်းမြစ်များ

EZRA 9:9

Ri wattunna ikambe nipare' ata, tena Kibokoi ikambe. IKatte ampagilingi nyawana sikamma karaeng Persia, sa'genna mangngamaseang ke'nanga mae ri kambe, nampa nasare ising ikambe untu' attallasa' siagang ambangungi ammotere' Balla' Passambayanganga mae ri Katte, ia a'jariamo rumbangngang ancuru'. Kijagai ikambe anrinni, ri Yehuda siagang Yerusalem.

PAMMUJI 46:8

Batara Kaminang Makoasa anrurungangki', Allata'alana Yakub anjagaiki'.

PAMMUJI 74:3

Kijappai sai tampa' le'bakamo a'jari runtungang; sikontu apa-apa niaka ri BallatTa le'ba'mi naancuru' musua.

YESAYA 52:9

Akkio' rannuko, he sikamma rumbanna Yerusalem, saba' Nasaleori Batara umma'Na na Napakabebasa' Yerusalem.

YESAYA 58:12

Kota salloamo rumbanna lanubangungi ammotere' irate ri pundasi sallona. Lanigallarakko ‘Bansa ambangungai ammotere' sikamma tembo' kallika siagang ampakabajikai sikamma balla' ancuruka.’ ”

MIKHA 7:11

He Yerusalem! Narapi'mi wattunna nubangung ammotere' tembo'-tembo'na kotanu. Anjo alloa lanipakaluaraki daeranu.

ZAKHARIA 1:17

Nasuro tonga' anjo malaekaka ampabattu tongi anne pasang angkanaya, “A'janji Batara Kaminang Koasaya angkanaya la'jari coppongi kota-kotaNa siagang angkanaya sikalipi pole laNatulung Yerusalem na Naani angkanaya Ia ampatangi.”