YESAYA 60:9 - KITTA' MATANGKASA'

⁹ Iaminjo sikamma kappala' battua a'labu angngerangi umma'Na Batara ammotere' battu ri pa'rasangang bella. Angngerang tongi pera' siagang bulaeng untu' mammuji ri Karaeng Allata'alanu; mae ri Allata'alana Israel Kaminang matangkasaka, ampa'jariai umma'Na nipakalompo.

YESAYA 60:9 ပူးပေါင်းရင်းမြစ်များ

PA'JARIANG 9:27

Poro Natambai barakka'Na Allata'ala mae ri Yafet iamintu Natambai luara'na pammantanganna. Poro sipammantangngangi sossoranna siagang sossoranna Sem. Kanaan la'jari atai mae ri Yafet.”

1 KARAENG-KARAENG 10:1

Nalangngereki karaeng bainena pa'rasangang Syeba ri passala' kacara'dekanna Salomo. Jari battumi mange ri Yerusalem untu' anso'ri Salomo siagang pakkuta'nang sukkara'-sukkaraka.

1 KARAENG-KARAENG 10:22

Jai kappala' lompona Salomo assombalaka siagang kappala'-kappala'na Hiram. Tattallun taung sikali ammotereki anjo sikamma kappalaka angngerang bulaeng, pera', gading, dare' siagang jangang-jangang cenderawasih.

1 KARAENG-KARAENG 8:41

Punna nia' tu maraeng ri pa'rasangang bellaya allangngereki kalompoanTa siagang gau'-gau' appakalannasa', ia le'baka Kigaukang untu' ummatTa, nampa battu mae anrinni ri balla' passambayanganga anne untu' ampakala'birikKi' siagang appala' doang ri Katte,

PAMMUJI 48:7

Anjoreng annekkereki ke'nanga napakamma malla' siagang pa'risi', sanrapang baine eroka ammana',

PAMMUJI 72:10

Sikamma karaeng Tarsis siagang pulo-pulona langngerangi passare mae ri ia. Sikamma karaeng Arab siagang Etiopia battui angngerang passare.

PAMMUJI 97:1

Batarami Karaeng! Poro rannumi linoa, na ma'reja-reja pulo-puloa.

KALAPPASSANG 33:19

Appialimi Batara angkana, “LanumaloA' siagang sikontu kala'birangKu ri dallekannu, nampa Kupau areng matangkasakKu. INakkemi Batara, siagang laKupappicinikangi kalammoranna pa'maikKu siagang pangngamaseangKu mae ri sikamma tau le'baka Kupile.

PANGNGEBARANG 18:20

Sikamma kana-kana nipasuluka nia' ngaseng kasia'na.

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YESAYA 2:16

Sikamma kappala' lompoa siagang kaminang ga'gaya lanitallangngang ngasengi.

YESAYA 24:15

na tau niaka ri bageang iraya lamammuji mae ri Ia. Pandudu' niaka ri biring tamparanga lanapakala'biriki Batara, Allata'alana Israel.

YESAYA 42:10

Akkelongko kelong beru mae ri Batara, pujimi Batara, he sikontu linoa! Ammarrung mako, he tamparanga siagang sikontu bonena, sikamma pa'rasangang bellaya siagang sikontu pandudu'na!

YESAYA 42:4

tena naranggasela yareka tappu' minasa, sa'genna nipaenteng kaadelanga ri lino. Sikamma pa'rasangang bellaya nakkuki ri pangngajarranna.”

YESAYA 43:4

Nia' anggarannu ri matangKu, Kuanggarakko siagang Kukamaseangko; jari Kupassareangi rupataua a'jari sambennu, bansa-bansaya a'jari sambe nyawanu.

YESAYA 43:6

Kuparentakangi mae ri wara' siagang ri timboro', sollanna linta' ke'nanga nilappassang. Lappassammi ana'-ana' bura'nenu ammotere' battu bella, siagang ana'-ana' bainenu ammotere' battu ri cappa'-cappa'na buttaya.

YESAYA 46:13

LaKupa'reppeseki allo kalappassanga, talanipammonokami wattu kasalamakkang laKupassareanga. LaKupasalamaki Yerusalem, siagang Kusare Israel kalompoang.”

YESAYA 49:1

Pilangngeria', he sikamma pa'rasangang bellaya parhatikangi kana-kanangku. Nakio' memamma' Batara ri tenanapa kunilassukang, Napile memamma' bakukku nitianangngang.

YESAYA 49:22

Nakana Batara Kaminang Tinggia mae ri umma'Na, “LaKusarei pammatei bansa-bansaya na lanapoterang ana'-ana'nu; ana'-ana'nu bura'nea lanakalawingi, na ana'-ana'nu bainea lanapisangi rate ri salangganna.

YESAYA 51:5

A'reppese'mi kasalamakkang laKupassareanga; a'birimmi battu pammetangKu. KalengKu lammarenta mae ri bansa-bansaya. Sikamma pa'rasangang bellaya natayang-tayangA' siagang naminasai gau' malompoKu.

YESAYA 55:5

Lanukioki bansa-bansa maraenga, na battu linta' ke'nanga mae ri kau, lanri iNakke, Karaeng Allata'alanu, Allata'ala matangkasa'na Israel, lanri le'ba' mako Kupakalompo.”

YESAYA 57:17

Dosa lanri ngoana ke'nanga ampakanassuA', lanri kammana naKuhukkung siagang Kubokoi ke'nanga. Mingka terasa' dudui ulunna ke'nanga na tuli ero'na naturukiang.

YESAYA 60:4

Ciniki apa kajarianga ri tammulilinu; ra'ya' a'rappunga untu' ammotere' mae ri kau. Ana'-ana' bura'nenu niaki battu bella, ana'-ana' bainenu nikalawingi.

YESAYA 60:6

Nikatulungi pa'rasangannu ri unta jaia, battua ri Midian siagang Efa. Tu battua ri Syeba angngerangi bulaeng siagang kamanynyang, na napuji-puji gau'Na Batara.

YESAYA 66:12

Saba' Nakana Batara, “LaKusareko kasalewangang rapang binanga assolonga; kakalumanynyangnganna bansa-bansaya lanierangi mae ri kau rapang binanga allumpa-lumpaya je'ne'na. Rapangko ana' nipasusua siagang nikalawinga ri amma'na, siagang nisapu-sapua ulunna ri riwaanna.

YEREMIA 3:17

Anjo wattua kota Yerusalem laniarengi ‘Empoang Kala'biranNa Batara’, siagang sikontu bansaya la'rappungi ri anjo kotaya untu' anynyomba ri Nakke. Tenamo nalanaturuki ero' kalenna ke'nanga ja'dalaka siagang kapala batua anjo.

YEREMIA 30:19

Pandudu'na lanapujiA' siagang kelong-kelong, siagang akkio' a'rannu-rannu pa'mai'. LaKupa'jari ke'nanga nipakalompo siagang tenamo nanihinai, siagang jaina ke'nanga pila' laKutambai.

YEHEZKIEL 39:7

Mingka ri tangnga-tangngana tu Israel, laKupa'nyatai arengKu matangkasaka, siagang tenamo nalanira'massi arengKu. Jari naassemmi bansa-bansaya angkanaya iNakkemi Batara, iamintu Allata'ala matangkasaka ri Israel.”

MIKHA 4:13

Nakana Batara, “He pandudu'na Yerusalem, a'lampamako mange angngonjo'-onjokangi musunnu! LaKupakagassingko rapang sapi attanru' bassia siagang akkanuku tambagaya. Lanuancuruki jaia bansa, siagang kakalumanynyangngang wassele' narampasaka ke'nanga lanupassareangi mae ri Nakke, Batarana sikontu linoa.”

MIKHA 7:12

Sikamma taunnu lammotereki mae ri kau battu ri kere-keremae: battu raya ri Asyur, battu timboro' ri Mesir, battu ri daera Binanga Efrat, battu ri ba'leang tamparang siagang battu ri bulu'-bulu' bellaya.

ZEFANYA 2:11

LaNapa'jari Batara malla' ke'nanga. LaNaancuruki rewata-rewata niaka ri tompo'na buttaya. Nampa sikontu bansaya lanynyombai mae ri Batara, massing ri pa'rasanganna ke'nanga.

ZAKHARIA 14:14

Sikamma tu bura'nea ri Yehuda la'bunduki untu' ampartahangkangi Yerusalem. Lanaallei ke'nanga sikontu barang-baranna bansa-bansa niaka ri tammulilina a'jari barang nirampasa', kammaya bulaeng, pera' siagang pakeang a'gompo-gompoa.

LUKAS 2:32

Sanrapang singara', ansingaria oloanna bansa-bansa maraenga, untu' labattu mae ri Katte; singara' angngeranga kala'birang mae ri ummatTa Israel.”

YOHANES 17:26

Le'ba'mi Kupappiassengang arenTa mae ri ke'nanga; na kammaminjo tuli laKugaukang, sollanna tuli napariati ke'nanga pangngamaseanTa mae ri Nakke, naKuasse're siagang ke'nanga.”

LAMPA-LAMPANA 9:15

Mingka Nakanamo Batara ri Ananias, “A'lampamako! Nasaba' le'ba'mi Kupile anjo taua a'jari palayangKu; sollanna akkulle napabattu arengKu mae ri bansa-bansa maraenga, tenaya nantama' agama Yahudi, siagang ri sikamma karaenga, kammayatompa ri umma' Israel.

GALATIA 3:26

Lanri tappa' mako mae ri Isa Almasi, a'jari se'remi tallasa'nu mae ri Ia; na lanri kammana, a'jari mako ana'-ana'Na Allata'ala.

GALATIA 4:26

Mingka anjo Yerusalem, niaka ri suruga iamintu Yerusalem bebasaka, siagang iami anronta ikatte.

YOSUA 9:9

Appialimi ke'nanga angkana, “Battu ri pa'rasangang bella dudui ikambe karaeng, lanri nalangngere'namo ikambe ri passala'na Karaeng Allata'ala kisombaya. Nalangngere'mi ikambe sikontu apa Nagaukanga ri Mesir,