YESAYA 60:2 - KITTA' MATANGKASA'

² Nikalimbuki buttaya ri sassang, nitongkoki bansa-bansaya ri le'leng pakka'; mingka ammumbai singara'Na Batara irateannu, caya kahaderanNa a'nyatai irateannu.

YESAYA 60:2 ပူးပေါင်းရင်းမြစ်များ

1 KARAENG-KARAENG 8:11

Anjo saliuka accillaki napakamma kalompoang kahaderanNa Batara, sa'genna takkulleamo ammotere' antama' sikamma imanga untu' anjamai jama-jamanna ke'nanga.

PAMMUJI 102:16

KoasaNa Batara lanikamallakkangi ri sikontu bansa-bansa; kalompoanna lanikangalikangi ri sikontu karaenga,

PAMMUJI 80:1

Untu' pamimping pakelong. Situru' lagu: Bunga Bakung. Pammuji kasa'bianna Asaf.

YESAYA 2:5

He, turunganna Yakub, umba ki'jappa lalang singara'Na Batara!

YESAYA 4:5

Nampa irateanna Bulu' Sion siagang sikamma tau niaka a'rappung anjoreng, laNapa'niaki Batara rammanga ri wattu allo, siagang umbu na pepe' a'rinra ri wattunna bangngi. KalenNa Allata'ala lalang koasaNa lalla'langi siagang lanjagai sikontu anjo kotaya.

YESAYA 58:10

Sarei kanre tau cipuruka siagang tulungi sikamma tau nijallakkanga. Punna nugaukang anjo kammaya, la'jari singara'mi sikamma sassanga ri tammulilinu, rapang singara'na alloa.

YESAYA 58:8

Na lammumbamo singaraka mae ri kau rapang ammumbana alloa, siagang lammollemi linta' sikamma bokka'nu. LaKururungangko untu' ampasalamakko. LahaderekKa' untu' anjagaiko battu ri tammulilinu.

YESAYA 62:1

Lanri Yerusalem kula'bicara, lanri Sion kutala'mereki, sa'genna nipasalama' naccaya pammetanna rapang sulo ri wattu bangngi.

YESAYA 66:11

Lanukasiaki kacopponganna rapang sitau ana' lolo anynyusu ri amma'na.

YESAYA 8:22

yareka naung, tena apa-apa lanacini' ke'nanga pantaranganna kasukkarrang siagang sassang kammayatompa bayang-bayang appakamallaka. Lanipelaki ke'nanga mae ri anjo tampa' sassanga.

YEREMIA 13:16

Musti nupakalompoi Karaeng Allata'alanu lalang tenanapa Napabattui sassanga, siagang tatto'ro bangkennu ri pa'monconganga, lalang anjo singara' numinasaia taNapinrayapi a'jari sassang.

YEHEZKIEL 10:4

Caya accilla', iamintu pammatei kahaderanNa Batara, tassioroki battu ri anjo sikamma malaeka' akka'nyika siagang a'letteki mange ri pakke'bu' antamaya ri Balla'Na Batara, sa'genna a'jari singara' sikali paranglakkenna.

KAIMANGNGANG 9:23

Nampa antama' Musa siagang Harun ri KemaNa Batara. Le'baki anjo assulu'mi ke'nanga nampa nabarakkaki ummaka. Nampa nacini' sikontu umma' Israel caya kahaderanNa Batara.

MALEAKHI 4:2

Mingka ikau tau mannurukia ri Nakke, lammumbai koasangKu mappasalamaka rapang mataallo, nasioro'na angngerangi pappakamolle ri garring. Lata'lappasakko siagang larannuko rapang ana' sapi beru assuluka battu ri barana.

PAMMILANGNGANG 16:19

Nampa napasse're Korah sikontu ummaka; nampa ammenteng ke'nanga assidallekang siagang Musa na Harun ri pakke'bu' KemaNa Batara. Ti'ring nia'mo nacini' sikontu umma' caya sioro'Na Batara.

MATIUS 15:14

Tea' mako jampangi anjo tu Farisia. Anjo ke'nanga sangnging pamimping-pamimping buta. Na punna tau buta ammimping tau buta, tena tatu'guru'na rua-rua naung ri solonganga.”

MATIUS 23:19

Teai sipato' butanu ngaseng! Kereanga paralluangang? Koro'banga, yareka tampa' koro'banga ampa'jariai matangkasa' anjo koro'banga?

MATIUS 23:24

Ma'nassa pamimping buta ngasengko! Nubongkai katingalo lalanga ri je'ne' inunnu, na unta sikayu nua'lu'!

YOHANES 1:1

Ri pakaramulana, ri tenanapa nipa'jari linoa, nia' memammi Kanaya. Nia'mi anjo Kanaya siagang Allata'ala na anjo Kanaya iatonji Allata'ala.

YOHANES 1:14

Ma'rupataumi anjo Kanaya, ammantangi ri tangnga-tangngata, na nicini'mo kala'biranNa. Natarimai anjo kala'biranga salaku Ana' sitau-tauNa Manggea. Tete ri KalenNami nanicini' Allata'ala, siagang pangngamaseanNa mae ri katte.

YOHANES 1:18

Tenanniakka le'ba' anciniki Allata'ala, pantaranganna Ana' sitau-tauNa Manggea, sangkammaya siagang Manggea, na majarreka ri KalenNa. Iami ampa'nyatai Manggea ri Katte.

YOHANES 8:55

mingka tena nanuassengi. Mingka iNakke Kuassengi. Ebara'na Kukana tena naKuassengi, a'jari tu paballe-balleMa', sangkamma ikau ngaseng. Mingka iNakke Kuassengi siagang Kuturuki kananNa.

LAMPA-LAMPANA 14:16

Ri jammang allaloa Nacini'-ciniki Allata'ala bansa-bansaya anggaukangi ri tallasa'na apa-apa ero' kalenna.

LAMPA-LAMPANA 17:23

Nasaba' ri wattungku a'jappa-jappa akkuliling ri kota-kotanu, nakuparhatikang sikamma tampa' passambayangannu, nia' tommo kucini' se're tampa' biasaya nupake assare koro'bang. Anjoreng ri tampaka nia' tattulisi' angkanaya, ‘Mae ri Allata'ala Tenaya Naniassengi.’ Na kamma-kamma anne, iaminjo Allata'ala nusombaya mingka tanuassengai, Iaminjo Allata'ala kukabarranga ri kau ngaseng.

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

2 KORINTUS 3:18

Kamma-kamma anne tenamo nanitongkoki bongong rupanta. Sanrapang maki' tau angngeranga caya malompoNa Batara Isa. Na lanri kammana minjo nakituli pila' nipinramo a'jari sangkamma KalenNa; pila' sallo pila' accaya maki'. Anjo caya malompoa, caya battu ri RohNa Batara.

KOLOSE 1:13

Le'ba' maki' Nalappassang battu ri kakoasanna masassanga, nampa napalettekki' antama' ri pamarentahanNa Ana'Na Nakamaseanga.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.