YESAYA 6:6 - KITTA' MATANGKASA'

⁶ Nampa kalase'renna anjo apa anri'baka battu mae ri nakke angngerang bara pepe' naallea battu ri tampa' pakkoro'bangnganga, naalle siagang sipi'.

YESAYA 6:6 ပူးပေါင်းရင်းမြစ်များ

KALAPPASSANG 25:38

Apparekko pakkakasa' untu' antangkasi sumbuna anjo kanjolia nampa pa'dongkokanna bulaeng ti'no' todong nipare'.

YESAYA 6:2

Ri tammuliliNa nia' malaeka' ammenteng kamma pepe' a'rinraya, massing ta'annang ka'nyi'na. Rua ka'nyi'na antongkoki rupanna, rua antongkoki kalenna, na rua ka'nyi'na maraenga untu' anri'ba'.

YEREMIA 1:9

Le'baki anjo Napajonjomi limanNa Batara nampa Najama bawaku na Nakana, “Pilangngeri siagang pa'la'bangi anne kana-kana Kupaua.

YEHEZKIEL 10:2

Nampa Nakana Allata'ala ri anjo tau ammakeang lenanga, “Antamakko ri alla'na roda-roda niaka irawanganna anjo malaeka'-malaeka' akka'nyika siagang angngalleko sikangkang bara pepe'. Nampa pakioroki anjo bara pepeka mae ri kotaya.” Mannurukimi, siagang kuparhatikangi anjo tau ammakeang lenanga.

KAIMANGNGANG 16:12

musti naallei tampa' pepe'ka battu ri tampa' pakkoro'bangnganga nampa nabonei bara pepe' sa'genna rassi siagang ruang kangkang dupa alusuka, nampa naerang mange ri Kamara' Kaminang Matangkasaka.

PAMMILANGNGANG 16:46

nampa nakana Musa mae ri Harun, “Allei tampa' pepe'nu, bonei siagang bara pepe' battu ri tampa' pakkoro'bangnganga siagang bonei dupa irateanna. Erangi linta' mae ri ummaka siagang gaukangi upacara pammopporang dosaya untu' ke'nanga. Lintakko! A'rinrami larroNa Batara siagang appakkaramulami garringa.”

MATIUS 3:11

Inakke je'ne' kupake anje'nekko a'jari pammatei angkanaya ma'nassa toba' mako battu ri gau' dosa-dosanu; mingka labattua sallang ri bokoangangku, iami sallang lanje'nekko pepe' siagang RohNa Allata'ala. La'birangangi nainakke. Manna a'jari pabinting sapatuNa tena todong kusiratang.

LAMPA-LAMPANA 2:3

Nampa nia'mo nacini' ke'nanga lila-lila kamma pepe', allepa' mange-mange sa'genna a'dongko' massing-massing mae ri ke'nanga.

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

IBRANI 1:7

Ri sesena sikontu malaekaka, akkana kammai anne Allata'ala, “Napa'jari kammai anging malaeka'-malaeka'Na Allata'ala, siagang Napa'jari kammai pepe' palayang-palayanNa.”

IBRANI 13:10

Ikatte nia' tampa' pakkorobangnganta untu' assare koro'bang mae ri Allata'ala. Na anjo imang-imang allayania lalang ri KemaNa Batara, tena ha'na angkanrei anjo koro'bang niaka irate ri anjo tampa' koro'banga.