YESAYA 6:12 - KITTA' MATANGKASA'

¹² LaKubongkai rupataua a'lampa bella, sa'genna a'birimmo kosong pa'rasanganga.

YESAYA 6:12 ပူးပေါင်းရင်းမြစ်များ

2 KARAENG-KARAENG 25:11

Nampa ra'ya' niaka ija ri kotaya, iamintu sesa-sesa tau cara'deka anjama, tau kasi-asia siagang tau laria mae ri tu Babel, niengka' kabusuki ri Nebuzaradan mange ri Babel.

2 KARAENG-KARAENG 25:21

ri daera Hamat. Anjorengi ke'nanga nisessa nampa nibuno. Kammami anjo batena tu Yehuda niengka' battu ri pa'rasanganna ke'nanga nampa nierang mange ri butta pammelakkanga.

YESAYA 13:12

Sike'de' duduji tau lanipasalama', sike'dekangngang na bulaeng ti'noka.

YESAYA 26:15

Le'ba'mi Kipa'lappi-lappi jaina ummatTa, o Batara, Kipa'jari luara' daerana ikambe, lanri kammana anjo iKattemi nipakala'biri'.

YESAYA 5:9

Kulangngereki Batara Kaminang Makoasaya assumpa angkana, “Anne sikamma balla' lompoa siagang ga'gaya lakosong ngasengi tena bonena.

YEREMIA 12:7

Nakana Batara, “Tampa' pammantangangKu tenamo naKujampangi; pa'rasangang Kupatanga Kubokoimi, siagang ummakKu Kukamaseanga Kupassareammi ri limanna musu-musunna.

YEREMIA 15:4

LaKupa'jari sikontu bansaya ri lino sanna' malla'na anciniki ke'nanga. Kugaukang ngasengi anjo sikammaya lanri panggaukanna Manasye ana' bura'nena Hizkia ri Yerusalem ri wattunna ia a'jari karaeng ri Yehuda.”

YEREMIA 4:29

Nilangngere'mi sa'ra jaina pasukang a'jaranga siagang angngeranga pana, nasiposoimo taua ri palaria. Romanga napantamakki ke'nanga, bulu' batua naambi'. Sikontu kotaya a'jari sino ngaseng, tenamo tau ero' ammantang anjoreng.

YEREMIA 52:27

ri daera Hamat. Anjorengi nisessa ke'nanga, nampa nibuno. Kammami anjo niengka'na tu Yehuda battu ri pa'rasanganna ke'nanga nampa nierang mange ri butta pammelakkanga;

PIRAUNG 5:20

Angngapa Kisallo kamma ambokoi ikambe? Maka tuli latakkaluppa maKi' mae ri kambe?

ZEFANYA 1:3

sikontu rupataua siagang olo'-oloka kammayatompa jangang-janganga siagang juku'-jukuka. Tau ja'dalaka laKupaccappuki. Sikontu rupataua laKupanraki. Manna sitau tania' laKukellai attallasa'. INakke, Batara, anne akkana.

ROMA 11:15

Lanri nisorongbokona ke'nanga ri Allata'ala, na'jari baji'mo ammotere' passisambunganNa Allata'ala siagang linoa; jari la'biangampa pole punna nitarima ke'nanga ri Allata'ala! Tantu sangkamma le'ba'mi ke'nanga tau mate attallasa' poleanga ammotere'!

PAOLE 28:64

LaNapasisa'la'-sa'lakko Batara ri alla'na bansa-bansaya ri sikontu linoa. Anjoreng lanynyombako mae ri rewata-rewata nipareka battu ri batu siagang kayu, rewata-rewata tenaya nanuassengi siagang tenaya todong nanaassengi boe-boenu.