YESAYA 57:7 - KITTA' MATANGKASA'

⁷ A'lampako mange ri coppo'-coppo'na monconga untu' assare koro'bang siagang ampassukkuki hawa napasunu.

YESAYA 57:7 ပူးပေါင်းရင်းမြစ်များ

YESAYA 57:3

Mingka ikau ngaseng tau dorakaya, battu mako mae untu' niadeli! Tena nubajikangngang na pabale'-bale' mataya, siagang tau nangaia a'gau' bawang kammayatompa baine pagau' salaya!

YESAYA 65:7

lanri dosana ke'nanga siagang dosana boe-boena ke'nanga. NahinA' ke'nanga lanri attunui kamanynyang untu' rewata-rewataya ri tampa' panynyombanna ke'nanga irate ri bulu'. LaKubalasaki situru' siagang panggaukanna ke'nanga ri wattu allaloa.”

YEREMIA 2:20

Nakana Batara, “Sallo mako taeroka anynyomba ri Nakke; taeroka mannuruki yareka mappilangngeri ri Nakke Irate ri tunggala' bulu' tinggia nai', siagang irawanganna poko' kayu lompoa anjorengko anynyomba ri rewata-rewata kacopponganga.

YEREMIA 3:2

Coba sako accini' nai' ri coppo'-coppo'na buluka! Tampa' kereanga mami tena le'ba' nubattui untu' a'gau' bawang? Sangkamma tu Arab ri parang lompoa, kammaminjo batenu ammempo ri biring aganga attayang tau lanuaganga attanring. Nurantassi anne pa'rasanganga lanri a'gau' bawannu siagang kaja'dallannu.

YEREMIA 3:6

Ri wattu pamarentahanna Karaeng Yosia, akkana kammai anne Batara ri nakke, “Le'ba'mi nucini' apa nagaukanga tu Israel, anjo rapang baine tenaya namajarre' pa'mai'na? NabokoiA' nampa nagaukang assundalaka irate ri tunggala' moncong tinggia siagang irawanganna poko' kayu lompoa.

YEHEZKIEL 16:16

Sipa'gang pakeannu nupakei untu' ambelo-beloi tampa' panynyombanga mae ri barhalaya. A'jariko baine pasundala' siagang nupassareangi kalennu mae ri sikamma tu bura'nea.

YEHEZKIEL 16:24

Nampa pole ri lapanganna kotaya siagang ri birinna tunggala' aganga appaentengko tampa'-tampa' untu' anynyomba ri barhalaya siagang untu' assundala'.

YEHEZKIEL 16:25

Nura'massi kaga'gannu. Nupappirarangi kalennu mae ri sikamma bura'ne allaloa, siagang tenammari-marinu a'gau' bawang.

YEHEZKIEL 23:17

Jari battumi ke'nanga nampa assikatinroang siagang ia. Kammami anjo nanira'massimo ri ke'nanga, sa'genna kale'bakkanna ero'mi nasa'ring takkoa' saba' lanrenamo ri ke'nanga.

YEHEZKIEL 23:41

Nampa ammempo ke'nanga irate ri katinroang ga'gaya. Ri dallekanna nia' mejang, rassi pappatala, kammayami dupa siagang minynya' zaitun Kupassareanga ri ke'nanga.

YEHEZKIEL 6:13

Sikamma maya'-maya'na latassiaraki ri alla'-alla'na barhalaya siagang ri tammulilina tampa'-tampa' koro'banga, ta'lapara' ri tunggala' bulu' tinggia, ri coppo'na monconga, irawanganna poko'-poko' kayu copponga leko'na siagang poko'-poko' kayu lompoa; bodona kana, kemae-kemae ke'nanga attunu koro'bang untu' barhalana ke'nanga. Jari tunggala' taua lanaassengi angkanaya iNakkemi Batara.