YESAYA 57:10 - KITTA' MATANGKASA'

¹⁰ Tena natappu' minasannu nuposoi kalennu amboyai rewata-rewataya. Nukapangi angkana akkullei ke'nanga assareko sumanga' beru, sa'genna tena nu'jari lamma.

YESAYA 57:10 ပူးပေါင်းရင်းမြစ်များ

YESAYA 47:13

Mangngangko lanri jaina pappakainga'. Suromi sikamma pacinika maju untu' ampasalamakko; le'ba'mi naparessa ke'nanga sikontu panyingkulu'na langika na napilajari sikamma bintoenga, na ri tunggala' bulang berua natappui angkana apa kajarianna sarennu.

YEREMIA 18:12

Mingka lappiali ke'nanga angkana, ‘Apa matu-matunna? Tuli lamannuruki ikambe ri ero' kalenna ikambe! Ikambe massing nagaukangi apa nakaerokia pa'mai'na ikambe ja'dalaka!’ ”

YEREMIA 2:25

He Israel, teako lari mange angngondangi rewata-rewataya, siagang teako ammarrangngi angkioki ke'nanga, kabokkaki sallang bangkennu nakalotoro' karro'-karro'nu napakamma turere. Angkanako, ‘Tena, tena oloku lakkulle ammotere' nasaba' kungaina rewata-rewataya, nakuero' amminawang ri ke'nanga.’ ”

YEREMIA 2:36

Linta' sikaliko a'lampa mange ri rewata-rewatana bansa maraenga untu' appala' tulung! Mattantu lanipakala'bai nyawanu ri tu Mesir, sangkamma batenu nipakala'ba nyawanu ri tu Asyur.

YEREMIA 3:3

Lanri kammana minjo natattahang je'neka battu ri langi', siagang tena battu-battuna bosia ri wattu baraka. Sanrapangko pasundala', siagang tena siri'nu.

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

YEREMIA 9:5

Yangasenna massing sitipu-tipui, tenamo a'bicara lambusu'. Biasami bawana a'balle-balle, tanakulleai ambokoi dosana. Tuli kapallakkang, tuli pannipuang nagaukanga tojeng ke'nanga, nasorongboko tojemmi ke'nanga Batara.

YEHEZKIEL 24:12

Mingka tena natappela' ngaseng taianna nakanre pepe'.

HABAKUK 2:13

Bansa-bansa nubetaya akkaresoi natena matu-matunna resona, siagang sikontu-kontuna apa napaentenga ke'nanga cappuki nakanre pepe'. Yangasenna anjo kammaya ero'Na Batara Kaminang Koasaya.

ROMA 7:9

Riolo tena nakuassengi anjo hukkung-hukkung agamaya ilalang tallasakku. Mingka ri wattunna ammumbamo anjo hukkung-hukkung agamaya, appakkaramulami attallasa' dosaya, nakumatemo inakke.