YESAYA 56:3 - KITTA' MATANGKASA'

³ Bansa maraeng asse'rea mae ri umma'Na Batara takkulleai angkana, “Tena Napa'bianga' Batara anynyomba ri Ia siagang umma'Na.” Tau tamanaka takkulleai appikkiri' angkana, “Inakke takkullea' a'jari anggota umma'Na Batara, saba' takkulleama' anggappa katurunang.”

YESAYA 56:3 ပူးပေါင်းရင်းမြစ်များ

2 PATTOTTORANG 6:32

Punna nia' bansa maraeng ri pa'rasangang bellaya allangngereki passala' kalompoanTa siagang kakoasanTa, siagang angkanaya tuli sadiaKi' untu' annulung, nampa battu mae ri anne BallatTa untu' appala' doang mae ri Katte,

ESTER 9:27

a'jari passabakkang nappare'mo ke'nanga paratorang untu' kalenna tonji ke'nanga, untu' turunganna ke'nanga, kammayatompa untu' sikamma tau lantamaya bansa Yahudi. Manuru' anjo paratoranga, tunggala' taungi musti napakalompo anjo ruaya allo le'baka napattantu Mordekhai.

YESAYA 14:1

LaNakamaseangi Batara Israel umma'Na, siagang Napilemi ke'nanga a'jari taunNa. LaNaboliki ammotere' ke'nanga ri pa'rasangang kalenna. Bansa maraenga labattu nampa asse're siagang ke'nanga.

YESAYA 39:7

Battu ri ana' cucunnu nia' lanialle siagang nipa'jari pagawe balla' lompo untu' allayani karaeng Babel.’ ”

YESAYA 56:5

laniu'rangimi arennu lalang ri BallakKu siagang ri alla'na bansaKu. Anjo bajikangngangi nanikanaya nia' ana'-ana' bura'ne siagang baine. Kusareko areng mannannungang tenaya nalanikaluppai.”

YESAYA 56:6

Nakana Batara mae ri sikamma bansa maraenga antamayamo ri bilanna umma'Na Batara, mangngaia ri Batara siagang anynyombaya mae ri Ia, ampakalompoai allo Pammari-marianga siagang majarreka ri parjanjianNa,

YEREMIA 50:5

Lanapakkuta'nangngangi ke'nanga oloang mangea ri Sion, nampa a'jappa mange anjoreng. Lappareki parjanjiang satunggu-tunggua ke'nanga siagang iNakke, siagang tuli laKuta'galaki anjo parjanjianga.

KAIMANGNGANG 21:20

ia a'bukkuka yareka dattuluka, ia pa'risika matanna yareka natabaya garring bukkuleng siagang le'baka assulu' lisere' katauanna.

KAIMANGNGANG 25:45

Akkulle tongko ammalli ana'-ana' battu ri bansa maraeng ammantang tuliamo ri alla'nu. Ana'-ana'na bansa maraenga ia lassuka ri pa'rasangannu akkullei a'jari ikau pata

ZEFANYA 2:11

LaNapa'jari Batara malla' ke'nanga. LaNaancuruki rewata-rewata niaka ri tompo'na buttaya. Nampa sikontu bansaya lanynyombai mae ri Batara, massing ri pa'rasanganna ke'nanga.

PAMMILANGNGANG 18:4

Musti anjamai ke'nanga siagang ikau, kammayatompa nagaukangi tugasa' niaka passisambunganna siagang sikamma palayananga lalang ri KemaKu; mingka tenaya nanisarei ha' untu' anjo jama-jamanga, tena nipa'biangi anjama siagang ikau.

PAMMILANGNGANG 18:7

Mingka ikauji bawang siagang sikamma ana'nu akkulle anggaukangi tugasa' imanga, lalang sikontu jama-jamang niaka passisambunganna siagang tampa' pakkoro'bangnganga kammayatompa apa-apa niaka lalang ri Kamara' Kaminang Matangkasaka. Iaminjo tanggong jawa'nu, lanri le'ba' mako Kusare empoang salaku imang. Sikamma tau tenaya ha'na lanihukkungi punna nareppesi anjo barang-barang matangkasaka.”

LAMPA-LAMPANA 10:34

Nakanamo Petrus, “Kamma-kamma anne ma'nassa nupahang tojemmi angkanaya Napasangkamma ngasengi Allata'ala sikamma rupataua.

LAMPA-LAMPANA 17:4

Nia'mo siapa are tau a'jari tappa', nampa amminawang ri Paulus siagang Silas; kammayatompa jai todong tu Yunani mallaka ri Allata'ala, siagang bai'-baine nibilang tutoaya, a'jari tappa' todong.

LAMPA-LAMPANA 18:7

Le'baki anjo, a'lampami Paulus ambokoi ke'nanga nampa mange ammantang ri ba'leanna anjo balla' sambayanga. Anjo ballaka, teai balla' tu Yahudi, mingka tau anynyombai ri Allata'ala tau ammantanga anjoreng. Anjo patanna balla' niarengi Titus Yustus.

ROMA 15:16

Napa'jarima' palayanNa Isa Almasi, sollangku nisuro mae ri bansa pantaranganna bansa Yahudia, iamintu bansa-bansa maraenga. Nipa'jarima' imang sollanna kubirittakang Kabara' Baji' battua ri Allata'ala mae ri ke'nanga, sollanna akkulle ke'nanga nitarima a'jari koro'bang mae ri Allata'ala. Kuminasai ke'nanga nanitangkasi ri RohNa Allata'ala, sollanna akkulle a'jari koro'bang matangkasa' mae ri Allata'ala.

1 KORINTUS 6:17

Mingka inai-nai ampa'jari se'rei kalenna siagang Batara, assileo'mi RohNa Batara siagang rohna anjo taua.

EFESUS 2:12

Anjo wattua tena nusse're siagang Almasi; a'jariko tau maraeng, tenaya nantama' ri umma' Napilea Allata'ala. Tena nuntama' ri janji le'baka Napare' Allata'ala siagang umma'Na. Tena panrannuannu siagang tena Allata'alanu ammantang ri anne linoa.

EFESUS 2:22

Lanri asse'remi katallassannu lalang ri Almasi, kamma-kamma anne nipasibangung tommako siagang tau maraenga, a'jari se're balla' untu' Allata'ala; anjoremmi ammantang Allata'ala siagang RohNa.

PAOLE 23:9

“Ri wattunnu sitabang a'bundu', musti nuliliangi sikamma apa akkullea ampa'jari ra'masakko.

1 PETRUS 1:1

Natarimai sikamma sari'battangku, umma' Napilea Allata'ala, niaka tassiara' ri bori' bellaya, iamintu ri daera-daera Pontus, Galatia, Kapadokia, Asia, siagang Bitinia. Anne suraka battu ri nakke, Petrus, tunisuroNa Isa Almasi; kuminasai ri Allata'ala sollannu Nasare ngaseng alla'bi-la'bi barakka' siagang kasalewangang. Nipileiko a'jari Umma'Na Allata'ala situru' ero' laNagaukanga Allata'ala Manggea. Siagang nipa'jari mako matangkasa' ri RohNa Allata'ala sollannu a'jari Umma' KalenNa Allata'ala, siagang sollannu mappilangngeri ri Isa Almasi siagang nitangkasi ri cera'Na.