YESAYA 55:3 - KITTA' MATANGKASA'

³ Pilangngeri, he bansaKu, battu mako mae ri Nakke, laKusareko katallassang sitojennaya. Lanri pangngamaseang siagang kajarrekang Kupa'janjianga ri Daud, appareKa' janji mannannungang siagang ikau ngaseng.

YESAYA 55:3 ပူးပေါင်းရင်းမြစ်များ

PA'JARIANG 17:7

LaKurupai janjingKu mae ri kau siagang mae ri turungannu sa'genna a'lapi'-lapisi', siagang anjo parjanjianga lamannannungangi. INakke la'jari Allata'alanu siagang Allata'alana turungannu.

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

2 SAMUEL 23:5

Kamma tomminjo jari-jariku batena Nabarakkaki Allata'ala, parjanjianNa ri nakke tena pamminraNa, mannannungang siagang sangkaki janjinNa, yangasenna bajiki atoro'na. Natanggongi Allata'ala pammetangku na Naturuki sikontu apa Nakaerokia pa'maikku.

2 SAMUEL 7:29

Lanri kammana anjo, kupalaki, poro mangngellaiKi' naKibarakkaki jari-jariku, sollanna tulusu' nakasia'na ke'nanga pangngamaseanTa sa'genna satunggu-tungguna. O, Batara Kaminang Tinggia, yangasenna anjo le'ba'mi Kipa'janjiang, jari tuli laKibarakkaki jari-jariku sa'genna satunggu-tungguna.”

2 PATTOTTORANG 6:42

O Karaeng Allata'ala, tea' laloKi' sorongbokoi anne karaeng le'baka Kipile. Kiu'rangi laloi pangngamaseanTa mae ri Daud atanTa.”

PAMMUJI 119:112

Cinna' mannuruki ri katantuanTa sa'genna kala'busang tallasakku.

PAMMUJI 119:175

Boli'ma' kamma attallasa', sollanna kumammuji ri Katte, poro nitulunga' ri sikamma katantuanTa.

PAMMUJI 78:1

Kelong pangngajara' battu ri Asaf. Pilangngeri pangngajarakku, he ikau bansaku, parhatikangi kana-kanangku.

PAMMUJI 89:28

Ia laKupa'jari ana' bura'ne toaKu, kaminang malompoa ri sikontu karaenga.

PAMMUJI 89:29

Latuli Kukamaseangi satunggu-tungguna, parjanjiangKu siagang ia tuli majarre'na.

KALAPPASSANG 15:26

Nakana Batara, “Mannuruki tojeng-tojeng mako mae ri Nakke, siagang gaukangi apa Kukanaya baji'; turuki sikamma parentaKu. Punna nugaukang anjo kammaya, tena nulaKuhukkung sangkamma garring le'baka Kupabattu mae ri tu Mesirka. INakkemi Batara ampamolleako.”

PANGNGEBARANG 4:20

Parhatikangi kana-kanangku, na'! Pilangngeri sikamma pappakaingakku.

PANGNGEBARANG 7:2

Turuki sikamma pappakaingakku sollanna numate'ne ri tallasa'nu. Pinawangi ajarang-ajarang bajikku sanrapang nukatutuinna lisere' mata kalennu.

YESAYA 51:4

Parhatikangi sa'rangKu, he bansaKu, pilangngeri kana-kanangKu, he ummakKu. Kupassareangi ajarangKu mae ri bansa-bansaya, hukkung-hukkungKu lansingari ke'nanga.

YESAYA 54:10

Manna pole ta'lengga sikamma monconga siagang sikamma buluka, talammariA' angkamaseangko. Tuli Kuta'gala' jarreki parjanjiang passiamakkangKu,” kananNa Batara mangngamaseanga ri kau.

YESAYA 54:8

Sinampe'jA' anggilingi rupangKu battu ri kau lanri sanna'na larroKu. Mingka Kukamaseangko siagang pangngamaseang mannannungang.” Kammaminjo kananNa Allata'ala Mappasalama'nu.

YESAYA 61:8

Nakana Batara, “INakke Kungai kaadelanga na Kukabirisi panjallakkanga siagang kaja'dallanga. LamajarreKa' assareko pahalanu, siagang appare' parjanjiang mannannungang siagang ikau.

YEREMIA 30:9

La'jari atako mae ri Nakke, Karaeng Allata'alanu, siagang mae ri se'rea jari-jarina Daud ia laKuangkaka a'jari karaeng.

YEREMIA 32:40

LapparekKa' parjanjiang mannannungang siagang ke'nanga. Tena Kulammari a'gau' baji' mae ri ke'nanga. LaKupa'jari mallaki ke'nanga siagang mappakalompoi ri Nakke lalang sikontu nyawana sollanna tena nabella ke'nanga ri Nakke.

YEREMIA 33:26

kammatommi anjo latuli Kuta'galaki parjanjiangKu siagang jari-jarina Yakub, siagang atangKu Daud. Nia' sitau battu ri jari-jarina Daud laKupile untu' ammarenta ri jari-jarina Abraham, Ishak, siagang Yakub. LamangngamaseangA' mae ri ummakKu, siagang Kupa'jari kalumanynyangi ammotere' ke'nanga.”

YEREMIA 38:20

Appialima' angkana, “Tena! Tena nalanipassareangki' mae ri ke'nanga karaeng. Kupala' dudui mae ri katte sollanna kituruki pasanNa Batara; yangasenna sallang la'jappa bajiki, siagang tena kilanibuno karaeng.

YEREMIA 50:5

Lanapakkuta'nangngangi ke'nanga oloang mangea ri Sion, nampa a'jappa mange anjoreng. Lappareki parjanjiang satunggu-tunggua ke'nanga siagang iNakke, siagang tuli laKuta'galaki anjo parjanjianga.

YEHEZKIEL 16:60

Mingka laKuu'rangi parjanjiang le'baka Kupare' siagang ikau ri wattu lolonu siagang apparekKa' parjanjiang siagang ikau ia tappakea satunggu-tungguna.

YEHEZKIEL 34:24

INakke, Batara, la'jari Allata'alana ke'nanga, siagang anjo karaeng sangkammaya atangKu Daud la'jari pamarenta mae ri ke'nanga. INakke, Batara anne akkana.

YEHEZKIEL 34:25

LapparekKa' parjanjiang siagang ke'nanga, ampattantui kaamangnganna ke'nanga. LaKubongkai sikontu olo'-olo' sekkeka battu ri sikontu pa'rasanganga, sa'genna akkulle sikamma gimbalakKu ammantang siagang amang ri sikamma paranga siagang attinro ri romanga.

YEHEZKIEL 37:26

LapparekKa' parjanjiang siagang ke'nanga untu' ampattantui kaamangnganna ke'nanga sa'genna satunggu-tungguna. LaKubarakkaki ke'nanga siagang laKutambai jaina ke'nanga. LaKubangungi ri pa'rasanganna ke'nanga BallakKu, lammentenga anjoreng satunggu-tungguna.

KAIMANGNGANG 18:5

Turuki paratorang-paratoranga siagang hukkung-hukkung Kupassareanga mae ri kau. Punna nugaukangi kammaya anjo, lasalamakko lalang tallasa'nu. INakkemi Batara.”

AMOS 5:4

Nakana Batara ri umma' Israel, “Ammotere' mako mae ri Nakke, na nulattallasa'.

AMOS 5:6

Ammotere' mako mae ri Batara, na nulattallasa'. Punna tammoterako mae ri Ia, labattui kontu pepe' a'le'lereka siagang antunui sa'genna cappu' sikontu tu Israel. Ri Betel tena manna sitau akkulle ambunoi anjo pepeka.

MATIUS 11:28

Battu ngaseng mako mae ri Nakke ikau tau posoa siagang tau battalaka erangnganna; laKupakabajiki pakkasia'nu.

MATIUS 13:16

Nakana pole Isa ri ana'-ana' gurunNa, “Ikau, teai sipato' upa'nu ngaseng. Nasaba' ikau accini' baji' ngaseng mako siagang allangngere' baji' ngaseng mako.

MATIUS 17:5

Lalang a'bicarana Petrus, nia'mo rammang accaya manaung irateanganna ke'nanga. Nania'mo sa'ra kalangngerang battu lalang ri anjo rammanga angkana, “Iaminne Ana' nikamaseangKu. Napakate'nei atingKu. Pilangngerimi kananNa!”

YOHANES 10:27

GimbalakKu napilangngeri sa'rangKu. Kuassengi ke'nanga, namminawangi ke'nanga ri Nakke.

YOHANES 6:37

Sikamma tau Napassareanga Manggea mae ri Nakke, labattui mae ri Nakke. Manna inai tena nalaKusorongboko punna battui mae ri Nakke.

YOHANES 7:37

Ri allo kala'busanna anjo passua'-suarranga, iamintu allo kaminang parallua, ammentemmi Isa lalang ri Balla'Na Batara. Nampa a'gora Nakana, “Inai-nai turere, musti battui ri Nakke angnginung.

YOHANES 8:47

Inai-nai battu ri Allata'ala, tantu napilangngeri kananNa Allata'ala. Mingka ikau ngaseng, teaiko tau battu ri Allata'ala. Iaminjo saba'na nanutea appilangngeri.”

LAMPA-LAMPANA 13:34

Nipattallasa' poleammi ammotere' ri Allata'ala battu ri kamateanga. Kamma-kamma anne tenamo nalaNakasia' pole nikanaya kamateang lalang ri jeraka. Ri anjo passalaka Nakanamo Allata'ala, ‘LaKusareKo janji matangkasa', attantua laKurupaina, le'ba' Kupa'janjianga mae ri Daud.’

ROMA 10:5

Natulisiki Musa angkanaya inai-nai assibajiki siagang Allata'ala situru' hukkung-hukkung agamaya, iami lattallasa' lanri mannurukinna mae ri anjo hukkung-hukkung agamaya.

IBRANI 13:20

Napattallasa' poleammi Allata'ala Batarata Isa battu ri kamateanga. Lanri iaminjo kamateanNa nakamma-kamma anne a'jarimi Pakalawaki Mala'biri' mae ri katte, sanrapanga gimbala'Na ngaseng. Ia tomminjo kamateanNa ampattantui parjanjiang mannannungang Napareka Allata'ala siagang ikatte.