YESAYA 54:9 - KITTA' MATANGKASA'

⁹ “Sangkamma ri jammanna Nuh a'janjiA' angkanaya talanialleami linoa ri je'ne' a'ba, kamma tomminjo anne kamma a'janjiA' angkanaya talalarroaMa' yareka tenamo naKuancangko.

YESAYA 54:9 ပူးပေါင်းရင်းမြစ်များ

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

AYUB 11:16

ba'lalo pa'risi'nu tenamo nanuu'rangi; sanrapang a'ba naungamo, nikaluppaimi ri taua.

PAMMUJI 104:9

Kipattantui pa'baeng-baeng takkullea nalaloi, sollanna tena nammotere' ammantang ri bontoa.

YESAYA 12:1

Lania' sallang se're wattu nukkelong: “O, Batara, appala' sukkurukka' mae ri Katte lanri Kisaleoringku. Riolo larroKi' mae ri nakke, mingka kamma-kamma anne ammarimi larroTa.

YESAYA 49:18

Ciniki siagang parhatikangi niaka ri tammulilinu, a'rappungammi ra'ya'nu battu mae ri kau. Lanri iNakke, Allata'ala mattallasaka, Kukana, tojeng, lalompoi pa'mai'nu lanri pandudu'nu, rapang bunting baine lompoa pa'mai'na lanri belo-belona.

YESAYA 51:22

Kammaminne kananNa Bataranu, Karaeng Allata'alanu angngalleangako, “Ia passessa Kupabattua mae ri kau lalang larroKu, laKuallei ammotere' battu ri kau. Lanaungi larroKu, siagang tea' mako tanggongi pole.

YESAYA 51:6

Parhatikangi langika siagang ciniki buttaya; langika lalanynyaki rapang umbu na buttaya la'jari toai rapang baju toa, sikontu pandudu'na lamate ngasengi rapang lamu'. Mingka kasalamakkang Kupassareanga tuli nia'na satunggu-tungguna, siagang tena kale'bakkanna pammetangKu.

YESAYA 51:8

Lapanraki ke'nanga siagang lalanynyaki, rapang pakeang nakanre kacoa' siagang kaeng bulu gimbala' nikanre ri taisang. Mingka kasalamakkang Kupassareanga tuli nia'na satunggu-tungguna, a'jari pammetangKu sa'genna sikontu turungang.”

YESAYA 55:11

kamma tomminjo kana Kupaua talammoterai sia-sia, mingka akkullei nagaukang apa Kukaerokia, siagang nagappa sikamma apa Kupakkanaya.

YESAYA 62:8

Le'ba'mi a'janji Batara ammake sumpa nalaNagaukang lalang koasaNa: “Tenamo nalaKupassareang gandunnu mae ri musua; tenamo nalanainung bansa maraenga anggoro'nu wassele' karesoannu siagang kaposoannu.

YEREMIA 31:37

Ebara' angkana nia' se're wattu nakkulle niukkuru' langika, siagang akkulle nisalidiki dapara'na rawa buttaya, iaminjo wattua nalaKusorongboko Israel lanri sikontu panggaukang ja'dala'na ke'nanga. INakke, Batara, anne akkana.”

YEHEZKIEL 16:42

Le'bappi anjo sikammaya nampa naung larroKu, siagang la'jari sannamMa' ammotere'. Tenamo Kulalarro pole siagang akkimburu.

YEHEZKIEL 39:20

Ri mejangKu akkullei ke'nanga nabassori battanna siagang sikontu tau a'jaranga siagang jaranna, kammayatompa sikontu pasukang tu baranina. INakke, Batara Kaminang Tinggia, anne akkana.”

YEHEZKIEL 39:29

LaKupantamaki RohKu antama ri bansa Israel, siagang tenamo nalanibokoi pole ke'nanga. INakke, Batara Kaminang Tinggia, anne akkana.”