YESAYA 54:1 - KITTA' MATANGKASA'

¹ O, Yerusalem, riolo rapangko baine tamanang tenaya nakkulle ammana'. Mingka kamma-kamma anne akkio' rannu mako, siagang akkelong mako matte'ne pa'mai'! Saba' teai sipato' jaina ana'nu, la'biangngangi na ana' baine tenaya nibokoi ri bura'nenna.

YESAYA 54:1 ပူးပေါင်းရင်းမြစ်များ

PA'JARIANG 21:6

Nakanamo Sara, “Napa'jarima' ammakkala', lanri rannuku. Sikontu tau allangngerekai anne passalaka larannu ngasengi ammakkala' siagang inakke.”

PAMMUJI 113:9

Nasarei ana' sikamma baine tamananga, napa'jari amma' mate'ne siagang nipakalompo ri balla'na. Pujimi Batara!

KELONG MALA'BIRI' 8:8

Nia' sitau baine andi'na ikambe ca'di iji susunna. Apa musti nagaukang ikambe mae ri ia punna nia' battu ampassuroi?

YESAYA 12:6

Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

YESAYA 24:14

Sikamma tau salamaka lakkelong rannui. Tau niaka ri bageang ilau' lanakabarrangi kalompoanNa Batara,

YESAYA 44:23

Akkio' rannuko, he langi', ma'rannu-rannuko, he bone kambunna buttaya! Akkio' rannuko, he sikamma monconga! siagang romanga na sikamma poko' niaka lalang! Saba' Napappicinikammi Batara kala'biranNa lanri le'ba'na Napasulu' Israel umma'Na.

YESAYA 49:13

Akkelongko he langika, akkio' rannuko he buttaya, he sikamma monconga, akkio' rannuko! Saba' niaki battu Batara ansaleori umma'Na, Nakamaseangi umma'Na nijallakkanga.

YESAYA 49:19

Pa'rasangannu rosoka siagang sino sikalia kamma-kamma anne a'jari seppa' dudumi mae ri tau eroka ampammantangngi. Na tau eroka ampanrakiko, a'lampami bella battu ri kau.

YESAYA 49:20

Ana'-ana' lassuka ri pa'rasangang maraeng lanakana ri kau, ‘Anne pa'rasanganga seppa' dudui ri nakke, sarea' tampa' sollangku akkulle ammantang anrinni.’

YESAYA 62:4

Arennu teaimi ‘Nibokoia’, pa'rasangannu teaimi ‘Ia Sinoa’. Lanigallarakko, ‘Nisayanga ri Allata'ala’, na pa'rasangannu niarengi, ‘Le'bakamo A'nikka,’ saba' mangngellai Batara mae ri kau, Ia rapangi bura'nenna pa'rasangannu.

YESAYA 66:7

Kota matangkasakKu rapangi sitau baine allassukanga ri tenanapa nakasiaki pa'risika; allassukanga sitau ana' bura'ne ri tenanapa nakasiaki nikanaya pa'risi' punna ammana'.

ZEFANYA 3:14

He Israel, rannu mako nukkelong! He Yerusalem, pakarannumi sikontu atinnu!

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

GALATIA 4:27

Nasaba' nia' tattulisi' lalang ri Kittaka angkanaya, “Pakarannumi pa'mai'nu ikau baine tamananga, tenaya nale'ba' allassukang ana'! Assannang-sannang mako siagang ma'reja-reja mako ikau tau tale'baka ampisa'ringi pa'risi'na pammanakkanga! Nasaba' baine nibokoia ri tu bura'nenna lanisarei la'bi jaiangang ana', na ia baine niaka tuli a'rurung siagang tu bura'nenna.”

1 SAMUEL 2:5

Tubassoroka riolo lanri kala'bianna ri kanre-kanreang, anne kamma a'jari tungnganre gaji poro untu' anggappa kanre. Tucipuruka riolo, anne kamma sukku'mi, angganna'mi ri kanre. Tutamananga, anne kamma lompomi pa'mai'na, tujumi ana' le'ba' nalassukang! Mingka amma' jaia ana'na, nibokoi, niboli' ta'ronang-ronang.