YESAYA 53:7 - KITTA' MATANGKASA'

⁷ Ia nigau' nikapallakki, mingka sa'baraki ampisa'ringi. Tamakkana-kanayai rapang ana' gimbala' nieranga mange ri pammolongang yareka anrong gimbala' nicukkuruka bulunna.

YESAYA 53:7 ပူးပေါင်းရင်းမြစ်များ

PAMMUJI 38:14

Mingka sanrapanga' tau tongolo' tamallangngera, sanrapanga' tau pepe tamakkanaya.

PAMMUJI 38:15

Tojeng, sanrapanga' tau tamallangngere', lanri kammanami natena kugeakki.

PAMMUJI 44:22

mattantu laNaassengi Allata'ala, saba' Naassengi rahasiana atinna ikambe.

YESAYA 50:6

Kutannangngangi dongkokku tau eroka amba'jia'; na pilisikku mae ri tau eroka ambi'buki janggokku. Tena nakugilingi rupangku ri wattungku nihina siagang nipi'rui.

YESAYA 53:6

Ikatte sala oloang ngaseng maki' rapang gimbala' massing naboya kalennai oloanna. Iami Napitujui Batara sikontu kaja'dallanta ngaseng.

YEREMIA 11:19

Rapanga' gimbala' tenaya ranggaselana nierang mange ri pamolonganga. Takuassengai angkanaya inakke nataba rancana ja'dala'na ke'nanga. Nakana ke'nanga, “Umba nanita'bangi anne poko' kayua lalang akkullena ija a'rappo; nipanraki sollanna nikaluppaimo arenna ri taua.”

MATIUS 26:63

Mingka tena Nakkana-kana Isa. Nakanamo pole imang lompoa ri Ia, “Nasaba' Allata'ala mattallasaka, paumi ri kambe, maka Ikau tojeng mintu Karaeng Mappasalamaka, Ana'naya Allata'ala?”

MARKUS 14:61

Mingka a'merekiji Isa. Tena sikali Naero' appiali. Jari sikalipi pole akkuta'nang anjo imang lompoa nakana, “Maka iKaumi Karaeng Mappasalamaka, Ana'Na Allata'ala Kaminang Matangkasaka?”

MARKUS 15:5

Mingka tena sikalimo Nappiali Isa. Sa'genna a'jari lannasa'mi Pilatus.

LUKAS 23:9

Jari jaimi pakkuta'nang napakkuta'nangang mae ri Isa. Mingka tena sikali Naero' Isa appiali.

YOHANES 1:29

Ammukona, nia'mi Isa nacini' Yohanes battu mae ri ia. Nakanamo Yohanes, “Cini'mi, Iaminjo Ana' Gimbala'Na Allata'ala, antangkasiai dosana bonena linoa.

YOHANES 19:9

Jari ammotere'mi pole antama' ri balla' lompoa. Na ri wattunna nierammo Isa antama', akkuta'nammi Pilatus ri Ia, nakana, “Battu kemae assala'Nu?” Mingka tappialiai Isa.

1 PETRUS 2:23

Ri wattunna nipali'boi, tena Na'balasa' appali'bo. Ri wattunna sessa, tena Na'garatta'; poro Nabuangammi anjo parkaraya mae ri Allata'ala, Haking adeleka, sikamma kara-kara antujuai.

PAPPICINI' 5:6

Nampa nia' kucini' sikayu Ana' Gimbala' ammenteng ri tangnga-tangngana anjo empoang kala'biranga nikulilingi ri anjo appaka anu attallasa' siagang sikontu anjo pamimpinga. Anjo Ana' Gimbalaka sangkammai le'ba' nisamballe nicini'. Nia' tuju tanru'na siagang tuju matanna: iamintu tujua roh battu ri Allata'ala, nisuroa battu mange ri sikontu linoa.