YESAYA 53:11 - KITTA' MATANGKASA'

¹¹ Lanri kammana anjo Nakana Batara, “Punna le'baki sessa napakamma nipa'risi, lamate'nei siagang lasukku' baji'mi pakkasia'na. Anjo atangKu, napakasannangi atingKu, le'ba'mi natanggongi hukkunganna tau jaia; lanri ia naKupammopporang ke'nanga.

YESAYA 53:11 ပူးပေါင်းရင်းမြစ်များ

1 PETRUS 2:24

KalenNa Almasi ampisangi sikontu dosa-dosata irate ri kayu sallika, sollanta akkulle bebasa' battu ri kakoasanna dosaya, siagang nakiattallasa' situru' ero'Na Allata'ala. Loko'-loko'Nami Almasi ampamolleko ri garrinnu.

ROMA 4:24

passangalinna untu' ikatte ngaseng pole. Lanitarima tongki' a'jari tau nikarannuanga ri atinNa Allata'ala, lanri tappatta mae ri Allata'ala, le'baka ampattallasa' poleangi ammotere' Isa, Batarata, battu ri kamateanga.

YOHANES 17:3

Iaminne katallassang mannannungang; sollanna naassengKi' taua Bapa', angkanaya tena ruanTa Allata'ala sitojennaya. Kammayatompa nanaasseng tongi Isa Almasi, iamintu Kisuroa battu antama' ri lino Bapa'.

YESAYA 53:12

Rellai ampassareangi katallassanna nantama' ri bilanna tau ja'dalaka. Natanggongi dosana tau jaia nappala' doang sollanna nipammopporang ke'nanga. Jari Kusaremi tau jai a'jari hadia, siagang para anggappami bageang siagang sikamma tau annabaya.”

1 PETRUS 3:18

Nasaba' le'ba'mi sikali mate Almasi untu' satunggu-tungguna passabakkang dosana rupataua; Ia tena salanna mingka matemi untu' tau salaya. Nagaukammi Almasi kammaya anjo sollannu akkulle Narurungang ngaseng mae ri Allata'ala. Nibunomi tubuNa, mingka nipattallasa' poleammi ammotere' katallassang rohaniNa.

IBRANI 12:2

Parallui tuli tattuju paccinitta mae ri Isa, nasaba' Iami ampabangungi siagang amparakai tappatta battu ri pakkaramulanna sa'genna kala'busang. Attahangi Isa angkasiaki sessaya ri kayu sallika! TaNajampangiai angkanaya anjo matea ri kayu sallika sannaki appakasiri'na. Iaji bawang Nau'rangi karannuang laNakasiaka sallang. Nakamma-kamma anne ammempomi ri sa'ri kanang empoang kala'biranNa Allata'ala, ammarenta siagang Allata'ala.

1 YOHANES 2:1

Sikamma ana'-anakku! Iaji nakutulisi' anne suraka kakukellaiko sollanna tena nugaukangi dosaya. Mingka punna nia' a'gau' dosa, nia' akkulle angngalleiki' iamintu Isa Almasi, Ia adeleka; laNapappala' tulungangki' mae ri dallekanNa Manggea.

IBRANI 9:28

Kammatommi anjo Almasi. Sikaliji bawang nipassareang a'jari koro'bang, najai tau Natangkasi dosana. Labattu poleangi makapinruanna. Mingka teaimi untu' antanggongi dosaya; passangalinna untu' ampasalamaki sikamma tau antayangai kabattuanNa.

1 KORINTUS 6:11

Nia' siapa are jainu appanggaukang kamma anjo riolo. Mingka kamma-kamma anne le'ba' mako nitangkasi battu ri dosa-dosaya, sollannu a'jari umma' matangkasa'Na Allata'ala. Le'ba' mako assibajiki ammotere' siagang Allata'ala lanri tappa'nu mae ri Batara Isa Almasi siagang lanri koasa Roh battu ri Allata'alata.

YOHANES 16:21

Punna nia' sitau baine la'biring ammana', lasusai, nasaba' narapi'mi wattunna lasessa. Mingka kamma lassu'na ana'na, nakaluppaimi pa'risi'na anjo bainea napakamma rannu, lanri lassu'namo anjo ana'na antama' ri lino.

MATIUS 20:28

Sangkamma minjo Ana' Ma'rupataua; niaki battu teai sollanna nanilayani, passangalinna sollanna na'jari palayang. NaNapassareang nyawaNa, sollanna nakkulle Napasalama' tau jaia.”

YESAYA 53:8

Nitahangi siagang niadeli, nampa nierang mange nihukkung mate. Tena anjampangi sarenna; matei lanri dosana bansata.

YESAYA 45:25

Mingka turunganna Yakub lanipasalamaki, na lamammuji ke'nanga ri Nakke, Bataraya.

YESAYA 42:1

Nakana Batara, “Iaminne atangKu Kururunganga, tunipileKu appakasannanga ri atingKu. Le'ba'mi Kusare koasaKu, untu' angngerang kaadelang mae ri tunggala' bansaya.

2 YOHANES 1:3

Poro nisareki' barakka', pangngamaseang kammayatompa kasalewangang battu ri Allata'ala Manggea, siagang battu ri Isa Almasi Ana'Na anjo Manggea. Poro nitarima ngasengi anjo siagang ati maci'nong kammayatompa lalang pangngamaseang.

2 YOHANES 1:1

Battu ri nakke, pamimping jama'aka; kupappitarimangi anne suraka mae ri Amma' Napilea Allata'ala, siagang mae ri ana'-ana'na Amma' sannaka kukarimangnginna. Teai inakke bawang, mingka sikontu pole tau angngassengai Allata'ala tojenga, Nakarimangngi ngaseng tongko.

2 PETRUS 3:18

Poro pila' nukasia' lalo passare lammoro'Na Batara, Karaeng Mappasalamatta iamintu Isa Almasi, siagang poro pila' tappa' laloko mae ri Ia. Poro Iami nipuji, ri kamma-kammaya anne sa'genna satunggu-tungguna! Aming. Sallangku, Petrus

GALATIA 4:19

Sikamma ana'-anakku kukarimangngia! Kamma-kamma anne lussa'mi sedeng nyawaku lanri ikau ngaseng. Pa'risikka' kusa'ring, sanrapang baine eroka allassukang ana'. Punna tenapa nanutarima ri kalennu sipa'-sipa' battua ri Almasi, tuli lakupisa'ringinna anne pa'risika!

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.

ROMA 5:9

Kamma-kamma anne assibajiki maki' ammotere' siagang Allata'ala lanri kamateanNa Isa Almasi; lanri kammana, mattantu tommi lanipasalamatta battu ri pangngalarroinNa Allata'ala lanri Isa Almasi.

YOHANES 12:24

Annaba tojeng-tojengi anne kanangKu: Punna tanilamunga silisereka gandung antama' ri buttaya nampa mate, tuli lammantanna a'jari silisere' anjo gandunga. Mingka punna mate anjo lisere' gandunga, nampami akkulle assare wassele' a'jari jaiangang gandung.

YESAYA 49:3

Nakana ri nakke, “Ikaumi atangKu; lanipakala'birikKa' lanri ikau.”

YESAYA 52:13

Nakana Batara, “Sikontutojenna la'jari apa nagaukanga atangKu; lanipakalompoi siagang lanipakatinggi.

DANIEL 12:3

Sikamma pamimping cara'deka laccayai sangkamma cayana langika. Siagang sikamma tau le'baka angngajara' tau jai untu' anggaukangi apa bajika siagang adeleka, laccayai sangkamma bintoenga untu' satunggu-tungguna.”

DANIEL 9:24

Pintuju tattujupulo taung iamintu wattu le'baka Napattantu Allata'ala untu' ampakabebasaki bansanu siagang anjo kota matangkasa'nu battu ri dosa-dosaya siagang kaja'dallanga. Sikontu dosaya lanipammopporangi siagang lanipaentengi kaadelang tamattappuka, sa'genna a'rupa anjo paccinika siagang botoa, kammayatompa anjo Balla' Matangkasa'Na Batara lanipangngadakkangi ammotere' mae ri Batara.