YESAYA 52:7 - KITTA' MATANGKASA'

⁷ Tamaka sannanna pa'maika anciniki kabattuanna tunisuroa; a'jappai allalo ri pa'monconganga siagang angngerang kabara' baji, kabara' salewangang, kabara' kasalamakkang mae ri Sion: nakana, “Allata'alanu Karaeng!”

YESAYA 52:7 ပူးပေါင်းရင်းမြစ်များ

PAMMUJI 59:13

Saba' dorakai ke'nanga lanri kana-kananna; boli'mi kamma nialle ke'nanga ri sikko' lalang katampoanna, lanri nangaina ke'nanga attunra siagang a'balle-balle.

PAMMUJI 68:11

Nampa ammantang ummatTa anjoreng; lalang kabajikanTa, o, Allata'ala, Kiparakai tu kasi-asia.

PAMMUJI 93:1

Batarami Karaeng; ammake kalompoang siagang kagassingang. Ammenteng kassa' linoa takkullea ta'lengga.

PAMMUJI 96:10

Kabarrangi mange ri bansa-bansaya angkana, “Anjo Batara Karaeng! Jarreki linoa takkulleai ta'lengga; Iami langngadeli bansa-bansaya siagang adele'.”

PAMMUJI 97:1

Batarami Karaeng! Poro rannumi linoa, na ma'reja-reja pulo-puloa.

PAMMUJI 98:2

Nakabarrang Batara pammetanNa; napa'nyatai kaadelanNa mae ri bansa-bansaya.

PAMMUJI 98:3

Nau'rangi pangngamaseanNa siagang pa'mai' tamamminraNa mae ri Israel umma'Na. Sikontu bansaya ri lino nacini'mi pammetanNa Allata'alata.

PAMMUJI 99:1

Batarami Karaeng; annekkereki bansa-bansaya. Ammempoi ri empoang kala'biranNa irate ri malaeka' akka'nyi', ta'goccangi buttaya.

KELONG MALA'BIRI' 2:8

Pilangngeri! Niaki battu tanringku! Rapangi ana' jonga yareka kijang. A'lumpa'-lumpa' ri moncong, a'lumpa'-lumpa' ri bulu'. Ciniki, niaki ammenteng ri bokona temboka, a'boya-boyai matanna; attoa' battu ri taralina jandelaya.

YESAYA 24:23

La'jari sassangi bulanga siagang tenamo naccaya mataalloa, lanri Batara Kaminang Makoasaya ammarenta salaku Karaeng. Ia lammarentai ri Yerusalem, irate ri Bulu' Sion, siagang Napappicinikangi kalompoanNa mae ri sikamma pamimpinna umma'Na.

YESAYA 33:22

Sikontu pakkakasa' niaka ri kappala'na ke'nanga tena ngaseng matu-matunna; sikamma sombala'na takkulleai nipaka'rang! Sikontu kakalumanynyanganna pasukang musua lanirampasaki, teai sipato' jaina, sa'genna manna tau pesoka anggappa ngaseng bageang. KalenNa Batara la'jari karaenta; Ia lammarenta, ampaentengi hukkunga siagang ampasalamakki' battu ri musua.

YESAYA 40:9

Naikko ri moncong tinggia, pa'la'bangi kabara' bajika mae ri Yerusalem! Akkiokko, pilompoi sa'rannu, pa'la'bangi kabara' bajika mae ri Sion! Paui mae ri kota-kotana Yehuda angkana labattui Allata'alana ke'nanga!

YESAYA 41:27

INakke, Batara, uru angkabarrangi mae ri Sion; iNakke akkiring tau angngerang kabara' baji' mae ri Yerusalem.

YESAYA 42:11

Sikamma parang lompoa siagang kota-kotaya, mammujiko ri Batara, baji'mi na mammuji ri Batara pandudu'na Kedar! Pandudu'na kota Sela, akkio' rannuko, akkio'-kiokko battu rate ri coppo'na monconga!

MIKHA 4:7

Nipa'jarimi ke'nanga rapang tau peso' siagang bella battu ri butta passolongang cera'na. Mingka, battu ri anjo sikamma tau tassesaya laKupakaramulai se're turungang beru. La'jari ke'nanga bansa lompo siagang kassa'. INakke lammarenta ri ke'nanga ri Bonto Sion sa'genna satunggu-tungguna.”

NAHUM 1:15

Ciniki, nia' sitau suro battu ri moncong-monconga, angngerang kabara' baji', iamintu kabara' pammetang. He bansa Yehuda, pakalompoi allo lomponu siagang bayaraki tinja'nu mae ri Allata'ala. Tenamo nalanijaja pa'rasangannu ri tau ja'dalaka. Le'ba'mi niancuru' taba sikali ke'nanga.

NAHUM 2:1

He Niniwe, pilangngeri! Nia'mi battu eroka ampanrakiko! Jagai tembo'-tembo' pattahangnganga! Jannangngi aganga! Sadiako untu' a'bundu'. (

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

MATIUS 25:34

Nampa laNakana anjo Karaenga mae ri anjo tau niaka ri sa'ri kananNa, ‘Mae ngaseng mako kau tu nibarakkakia ri ManggeKu. Antama' mako ri Tampa' le'baka nipasadiang memangko ri uru nia'na linoa.

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

MARKUS 13:10

Anjo Kabara' Baji' battua ri Allata'ala musti nipa'la'bangi rolong mae ri sikontu bansaya.

MARKUS 16:15

Nakanamo Isa ri ke'nanga, “A'lampamako mange ri sikontu linoa, siagang pa'la'bammi Kabara' Baji' battua ri Allata'ala, mange ri sikontu rupataua.

LUKAS 2:10

Mingka nakanamo anjo malaekaka, “Teako mallakki! Nasaba' kabara' baji' anne battu kupabattuangko; kabara' sannaka lanakarannuanna sikontu rupataua.

LUKAS 24:47

Kammayatompa, lalang arenNa anjo Karaeng Mappasalamaka, musti nibirittakangi mae ri sikontu bansaya angkanaya musti tobaki sikontu rupataua, kammayatompa Napammopporangi Allata'ala dosa-dosaya. Na anjo birittaya, musti nipabattui appakkaramula battu ri Yerusalem.

EFESUS 6:15

Paralluko tuli rella ambirittakangi Kabara' Bajika, angngeranga kasalewangang; pakemi anjo a'jari sanrapang pa'lapa' bangkennu.

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”

PAPPICINI' 14:6

Nampa nia' kucini' se're malaeka' maraengang anri'ba' tinggi rate ri langika. Anjo malaekaka angngerangi biritta iamintu ri sesena Kabara' Baji' mannannunganga, untu' nipabattu mae ri rupataua ri lino; iamintu mae ri sikontu bansaya, sukua, bahasaya siagang pa'rasanganga.