YESAYA 52:4 - KITTA' MATANGKASA'

⁴ Riolo a'lampako mange ri Mesir nampa ammantangko anjoreng a'jari tau annompang. Nampa napaccokko Asyur natena pasabakkanna.

YESAYA 52:4 ပူးပေါင်းရင်းမြစ်များ

PA'JARIANG 46:6

Naerang tommi ke'nanga sikamma olo'-olo'na siagang sikontu pa'barang-barangngang nagappaya ke'nanga ri Kanaan, nampa a'lampa mange ri Mesir. Naerang ngasemmi Yakub sikontu turunganna,

PA'JARIANG 46:7

sikontu ana' cucunna bura'ne siagang baine.

AYUB 2:3

Akkuta'nammi Batara angkana, “Apaka le'ba'mi nuparhatikang atangKu Ayub? Ri sikontu linoa, tena tau sangkamma baji' pa'mai'na siagang majarre'na tappa'na. Anynyombai mae ri Nakke, siagang tena sikali na'gau' kodi. Tuli majarre'na tappa'na mae ri Nakke, manna pole le'ba'Ma' nunyonyo' ampitujui bala, manna natena passabakkanna.”

PAMMUJI 25:3

Tu ta'baleka ri Katte lanipakasiriki, mingka tu tappaka ri Katte tena nalanipassalasa.

PAMMUJI 44:12

Kibalang parekangi ikambe nisamballe sanrapang gimbala', siagang nipasisa'la'-sa'la' ri alla'na bansa-bansaya.

PAMMUJI 69:4

Akkio'-kiokka' sa'gengku mangngang nakalotoro'mo karro'-karrokku. Paccemi matangku antayangi pannulunNa Allata'alaku.

YESAYA 14:25

Tu Asyur niaka ri Israel pa'rasangangKu, laKupanraki, na ia niaka ri moncong-moncongKu laKuonjo'-onjokangi. LaKupakabebasaki bansaKu battu ri panjallakkanga siagang battu ri erangngang battala' napassakanga bansa Asyur.

YEREMIA 50:17

Nakana Batara, “Tu Israel rapangi pa'rappungang gimbala' niondanga siagang nipasimbung-simbunga ri singa. Uru-uruna nibunduki ke'nanga ri karaeng Asyur, nampa Nebukadnezar Karaeng Babel angngallei buku-bukunna ke'nanga.

YOHANES 15:25

Mingka musti kamma memang tommi anjo, sollanna a'rupamo apa tattulisika lalang ri Kitta' Hukkunna ke'nanga, iamintu: ‘NakabirisiA' ke'nanga, natena passabakkang.’