YESAYA 52:3 - KITTA' MATANGKASA'

³ Nakana Batara mae ri umma'Na, “Nibalukang bawang-bawangko riolo, jari kamma-kamma anne nilappassang bawang-bawang tongko.

YESAYA 52:3 ပူးပေါင်းရင်းမြစ်များ

PAMMUJI 44:12

Kibalang parekangi ikambe nisamballe sanrapang gimbala', siagang nipasisa'la'-sa'la' ri alla'na bansa-bansaya.

PAMMUJI 44:13

Kibalukangi ummatTa natena siapa anggaranna, siagang tena apa-apa passawallang Kigappa.

YESAYA 1:27

Adeleki Batara. Jari laNapasalamaki kota Yerusalem siagang sikamma taunna assesse' lalanga.

YESAYA 45:13

INakke ampagioki Karaeng Kores untu' anggaukangi erokKu siagang ampaentengi kaadelanga. INakke allappari sikontu agang naoloa. Lanabangungi ammotere' kotaKu Yerusalem siagang lanalappassangi ummakKu nitahanga, na tanisarea doe' pammuccu' yareka pa'bayara'.” Batara Kaminang Makoasaya anne le'ba' angkana.

YESAYA 50:1

Nakana Batara ri Israel, “He ummakKu, nukapangi angkana Kubongkako rapang se'rea bura'ne ambongkai bainenna? Punna kamma, kemae sura' talla'na? Nukapangi angkana Kubalukangko, rapang sitau mangge ambalukangi ana'na mae ri tau assingaraka pappiinrang? Tena! Nitahangko siagang nipelakko, lanri dosanu siagang kaja'dallang kalennu!

YESAYA 62:12

Lanigallaraki ke'nanga: ‘Umma' Matangkasa'’; ‘Umma' nipasalamaka ri Batara’. Yerusalem lanigallaraki ‘Kota ninyonyoka ri Batara’, ‘Kota tenayamo nanibokoi ri Batara’.

YESAYA 63:4

Le'ba'mi Kurancanakang allo pa'balassanga, siagang wattu kalappassanga mae ri ummakKu.

YEREMIA 15:13

Nakana Batara ri nakke, “LaKukiringi musua untu' angngengkaki kakalumanynyangnganna siagang pa'barang-baranganna ummakKu salaku hukkungang mae ri dosa-dosa le'baka nagaukang ke'nanga ri sikontu pa'rasanganga.

YEHEZKIEL 16:31

Ri tana lapanna kotaya siagang ri biring-biring aganga appaentengko tampa'-tampa' untu' anynyomba barhala siagang assundala'. Mingka ikau tena nusangkamma pasundala' samaraka parallua ri doe'.

YEHEZKIEL 34:27

Poko'-pokoka la'rappoi, koko-kokoa langngerangi wassele', siagang sikontu taua lammantangi siagang amang ri butta kalenna. Punna le'ba'mo Kutappu' rante passikko'na ummakKu siagang le'ba'mi Kulappassang battu ri tau amparekai ata ke'nanga, naassemmi ke'nanga angkanaya iNakke Batara.

KAIMANGNGANG 25:54

Punna takkulleai nipasulu' anjo taua lalang kalase'renna anjo caraya, ia siagang sikamma ana'na musti nipakabebasaki lalang Taung Pammoterang labattua.

1 PETRUS 1:18

Nuassengi apa le'baka nipa'bayarrang untu' kalappassannu battu ri katallassang tenaya matu-matunna nasossoranga boe-boenu mae ri kau. Ia pa'bayara'na teai apa-apa akkullea panra' sangkamma peraka yareka bulaenga,