YESAYA 51:9 - KITTA' MATANGKASA'

⁹ Ammenteng maKi' o Batara, Kitulung laloi ikambe, pasalamaki ikambe lanri koasaTa. Ammenteng maKi' sangkamma ri jammang riolo ri wattunna Kilissarrang Rahab siagang Kicoka naga tamparanga sa'genna mate.

YESAYA 51:9 ပူးပေါင်းရင်းမြစ်များ

AYUB 26:12

Napadundui tamparang lompoa lanri koasaNa siagang Naballassi Rahab lanri kaporeanNa.

AYUB 9:13

Tena Natahangi Allata'ala larroNa siagang bambanna pa'mai'Na; manna sikamma pambantuna Rahab tundu' ngaseng todong mae ri Ia.

PAMMUJI 21:13

Lanapabuccuki ana' panana, sa'genna a'boko lari ke'nanga.

PAMMUJI 44:1

Pammujina golongang Korah. Kelong pangngajarang. Untu' pamimping pakelong.

PAMMUJI 44:2

O, Allata'ala, kalenna ikambe allangngereki, riwaya' nacaritaya boe-boena ikambe ri passala' gau' malompo le'baka Kigaukang ri jammang riolo.

PAMMUJI 44:23

Lanri iKatte natuli tattuju kamateanga mae ri kambe na nigau' sanrapang gimbala' lanisamballea.

PAMMUJI 44:24

Ambangung maKi', o, Batara! Angngapa Kitinro? Ammenteng maKi'! TeaKi' tollaki ikambe satunggu-tungguna.

PAMMUJI 59:4

Ciniki, naadanga' ke'nanga ero' ambunoa', asse'rei tau pallaka ambalianga'; nateai passabakkang le'ba'na kugaukang dosaya yareka passabakkang nia'na kudakkai, o, Batara.

PAMMUJI 7:6

boli'ma' kamma niondang siagang nijakkala' ri musu, nampa nibunoa' kuniboli' ri buttaya.

PAMMUJI 77:5

Takkullea' napatinro Batara punna bangngi, lussaki pa'maikku sa'gengku takkullea akkana.

PAMMUJI 78:65

Jari ambangummi Batara sangkamma tau ambangunga ri tinrona, sanrapang tau gassing ri le'ba'na angnginung anggoro'.

PAMMUJI 87:4

“Mesir siagang Babel laKupantamaki lalang ri dattara' bansa-bansa mannurukia ri Nakke. Ba'lalo Filistea, Tirus siagang Sudan antamaki bilanna pandudu' Yerusalem.”

PAMMUJI 89:10

IKatte makoasa ri tamparang lompoa bombanna, ampakasannangi bombang lompoa.

PAMMUJI 89:11

Rahab, naga tamparang, Kilicaki siagang Kibunoi, Kibetai sikontu musunTa siagang lima magassinTa.

PAMMUJI 93:1

Batarami Karaeng; ammake kalompoang siagang kagassingang. Ammenteng kassa' linoa takkullea ta'lengga.

KALAPPASSANG 6:6

LaKupa'jariko ummakKu, siagang iNakke a'jari Allata'alanu. Na lanuassemmo angkanaya iNakkemi anne Batara, Allata'alanu, le'baka allappassangko battu ri Mesir, ampare' atayako.

YESAYA 27:1

Anjo wattua lammakei Batara pa'dang tarang siagang kassa' untu' anghukkungi Lewiatan, iamintu ulara' ammekko'-mekkoka siagang akkalu'-kaluka, kammayatompa lambunoi naga tamparanga.

YESAYA 30:7

Sia-siaji bantuanna Mesir. Lanri kammana anjo nigallara'mi Mesir, ‘Naga tenaya bahayana’.”

YESAYA 51:17

Ambangungko, he Yerusalem, ambangung mako! Hukkungang Napabattua Batara lanri larroNa le'ba'mi nujappai sa'genna la'busu'.

YESAYA 51:5

A'reppese'mi kasalamakkang laKupassareanga; a'birimmi battu pammetangKu. KalengKu lammarenta mae ri bansa-bansaya. Sikamma pa'rasangang bellaya natayang-tayangA' siagang naminasai gau' malompoKu.

YESAYA 52:1

Ambangungko, he Yerusalem, ambangung mako! Pakajarreki pa'mai'nu! Pakei pakeang kalompoannu! He Yerusalem, kota matangkasaka, takkulleami allalo antama tau rantasaka ri pakke'bu' lomponu.

YESAYA 52:10

Napappicinikang Batara kakoasanNa ri dallekang matanna sikontu bansaya. Nanasa'bi sikontu buttaya kasalamakkang battua ri Allata'alata.

YESAYA 53:1

Appiali anjo bansaya nakana, “Inai tappa' ri apa le'baka nalangngere' ikambe? Inai le'ba' nipa'nyatang koasaNa Batara?

YESAYA 62:8

Le'ba'mi a'janji Batara ammake sumpa nalaNagaukang lalang koasaNa: “Tenamo nalaKupassareang gandunnu mae ri musua; tenamo nalanainung bansa maraenga anggoro'nu wassele' karesoannu siagang kaposoannu.

YEHEZKIEL 29:3

Nasuroa' Batara Kaminang Tinggia ampabattui mae ri karaeng Mesir anne pasanga, angkana, “INakke anne musunnu, he buaya lompo niaka attinro ri tangngana binangaya. Lompoi bawanu accarita angkanaya anjo Binanga Nil ikau pata siagang angkanaya ikau ampareki.

MIKHA 7:15

Appa'nia' maKi' gau' malompo untu' ikambe, o Batara, sangkamma le'baka Kigaukang riolo ri wattunna Kierang ikambe assulu' battu ri Mesir.

HABAKUK 3:13

A'dakkaKi' maju untu' allappassangi ummatTa siagang untu' ampasalamaki karaeng nipileTa. Kitunrung sa'genna tu'guru' pamimpinna tau dorakaya, Kibarrasa' sa'genna la'busu' sikontu tau amminawanga ri ia.

ZAKHARIA 10:11

Punna a'limbang ke'nanga ri tamparang kasukkarang, iNakke, Batara antunrungi sikamma bombanga; na'jari kalotoro' taba sikali dapara' rawana Binanga Nil. Bansa Asyur tampoa lanipakatunai, siagang Mesir porea latappelaki kakoasanna.

ZAKHARIA 2:13

A'mereki ngaseng mako ri dallekanNa Batara! Nasaba' ammentemmi battu ri tampa' pammantanganNa ri suruga.

LUKAS 1:51

Lima makoasaNa mappasimbung tau borro, na mangngaco ri ero' sala.

YOHANES 12:38

Jari a'rupami apa le'baka napau Na'bi Yesaya angkanaya, “O Batara, inaika tappa' ri kabara' napabattua ikambe? Inaimi lanipicinikiang kakoasanTa Batara?”

LAMPA-LAMPANA 7:7

Mingka laKuhukkungi anjo bansa ampa'jari atayai ke'nanga, nampa assulu' ke'nanga battu anjoreng ri pa'rasanganga. Nampa lanynyombai ke'nanga mae ri Nakke anrinni ri tampaka.’

PAOLE 4:34

Le'bakika nia' rewata barani angngalle se'reang bansa battu ri bansa-bansaya nampa napa'jari ke'nanga umma' kalenna, sangkamma Nagaukanga Karaeng Allata'alanu untu' ikau ri Mesir? Kalennu anciniki antekamma bateNa Allata'ala appabattu kagassingang lompo, angngeranga bala siagang pa'bundukang, anggaukangai gau'-gau' appakalannasaka siagang apa-apa hebaka.

PAPPICINI' 11:17

Nakana ke'nanga, “Batara, Allata'ala Kaminang Koasaya, Ia niaka, siagang niakamo! Appala' sukkuruki ikambe mae ri Katte lanri Kipakemi kakoasang lompoTa, siagang appakkaramula maKi ammarenta!

PAPPICINI' 12:9

Nipela'mi anjo naga lompoa assulukang! Iami anjo ulara' toaya niarenga Billisi' yareka Roh Ja'dalaka, antipuai sikontu linoa. Nipela'mi naung ri linoa siagang sikontu malaeka'na.

HAKING-HAKING 6:13

Appialimi Gideon angkana, “Kipammopporanga' Batara! Punna kontutojeng angkanaya nirurungangi ikambe ri Batara, angngapa nania' ngaseng anne kammaya antujui ikambe? Kemaeji anjo sikontu le'baka Nagaukang Batara riolo, siagang nacaritaya boe-boena ikambe antekamma bateNa Batara ampasuluki ke'nanga battu ri Mesir? Kamma-kamma anne nibokoimi ikambe ri Batara. Nabalang parekammaki' nikoasai ri bansa Midian.”