YESAYA 51:6 - KITTA' MATANGKASA'

⁶ Parhatikangi langika siagang ciniki buttaya; langika lalanynyaki rapang umbu na buttaya la'jari toai rapang baju toa, sikontu pandudu'na lamate ngasengi rapang lamu'. Mingka kasalamakkang Kupassareanga tuli nia'na satunggu-tungguna, siagang tena kale'bakkanna pammetangKu.

YESAYA 51:6 ပူးပေါင်းရင်းမြစ်များ

PAMMUJI 103:17

Mingka tuli Nakamaseangi Batara tu mappilangngeria, tulusu' a'jarina kabajikanNa ri sikontu turungang,

PAMMUJI 111:3

Malompoi siagang nipuji jama-jamanNa Batara, kaadelanNa sa'genna satunggu-tungguna.

YESAYA 13:13

LaKupannekkereki langika siagang lata'ge'gosoki buttaya battu ri tampa'na ri wattunna Kupappicinikang larroKu, Batara Kaminang Makoasaya.

YESAYA 33:6

siagang assarei kaamangngang umma'Na. Pa'barang-barangngang ampasalamakai ke'nanga iamintu kacara'dekang siagang pangngassengang kammayatompa mappakalompo ri Batara.

YESAYA 34:4

Mataalloa, bulanga siagang sikamma bintoenga laancuruki. Langika lanigulungi sanrapang gulungang karattasa'. Latu'guruki sikamma bintoenga rapang leko'-leko' kayu runanga battu ri poko' kayua.

YESAYA 40:26

Ciniki langika, siagang parhatikangi! Inaika ampa'jari sikamma bintoenga? Ia angngatoroki ke'nanga rapang pasukang, Naassengi angkana siapa jaina ke'nanga, nampa massing Nasare areng. Tena manna se're tappela', lanri lompona koasaNa Batara!

YESAYA 45:17

Mingka Israel Nipasalamaki ri Batara; lattahangi kasalamakkanna. Ikau ngaseng tena nulanipakasiri' siagang lanihina sa'genna satunggu-tungguna.’ ”

YESAYA 50:9

Tojeng, Batara Kaminang Tinggia angngalleanga', inai barani ampa'nyatai angkana sala'? Sikontu tau antudua' lalanynya' ngasengi rapang kaeng toa nikanrea ri kacoa'.

YESAYA 51:8

Lapanraki ke'nanga siagang lalanynyaki, rapang pakeang nakanre kacoa' siagang kaeng bulu gimbala' nikanre ri taisang. Mingka kasalamakkang Kupassareanga tuli nia'na satunggu-tungguna, a'jari pammetangKu sa'genna sikontu turungang.”

YESAYA 54:10

Manna pole ta'lengga sikamma monconga siagang sikamma buluka, talammariA' angkamaseangko. Tuli Kuta'gala' jarreki parjanjiang passiamakkangKu,” kananNa Batara mangngamaseanga ri kau.

YESAYA 54:9

“Sangkamma ri jammanna Nuh a'janjiA' angkanaya talanialleami linoa ri je'ne' a'ba, kamma tomminjo anne kamma a'janjiA' angkanaya talalarroaMa' yareka tenamo naKuancangko.

DANIEL 9:24

Pintuju tattujupulo taung iamintu wattu le'baka Napattantu Allata'ala untu' ampakabebasaki bansanu siagang anjo kota matangkasa'nu battu ri dosa-dosaya siagang kaja'dallanga. Sikontu dosaya lanipammopporangi siagang lanipaentengi kaadelang tamattappuka, sa'genna a'rupa anjo paccinika siagang botoa, kammayatompa anjo Balla' Matangkasa'Na Batara lanipangngadakkangi ammotere' mae ri Batara.

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

YOHANES 5:24

Ma'nassa kontutojengi anne kana-kanangKu: Inai-nai amparhatikangi kana-kanangKu, siagang tappaki mae ri Ia assuroA' battu, ma'nassa nagappami katallassang mannannunganga. Tenamo nalanihukkung; ta'lappasa'mi battu ri kamateanga nanagappa katallassanga.

PAOLE 4:19

Teako dorakai lanri anynyombanu yareka nupa'matu-matuna kalennu mae ri apa niaka nucini' ri langika, kammaya: mataallo, bulang siagang bintoenga. Bansa maraenga Nabalang parekangi Karaeng Allata'alanu ansombai anjo barang-barang kammaya.

2 TESALONIKA 2:16

Poro KalenNa Batarata Isa Almasi, siagang Allata'ala Manggeta ansaleoriko siagang ampakajarre' ngasengi atinnu, sollanna akkulle nugaukang siagang nubirittakang apa bajika. Nasaba' Nakamaseangki' Allata'ala, siagang lanri lammoro' pa'mai'Na naNasareki' kabaraniang tojenga siagang panrannuang bajika.

IBRANI 5:9

Jari ri le'ba'namo nipa'jari Tumappasalama', a'jarimi patteteang kasalamakkang mannannungang mae ri sikamma tau mannurukia ri Ia;

IBRANI 9:12

Sikaliji Almasi antama' ri anjo Kamara' Kaminang Matangkasaka ilalang ri anjo kemaya sa'genna satunggu-tungguna. Anjo wattua tena Nangngerang cera' bembe laki, yareka cera' sapi rungka untu' lanipangngadakkang; passangalinna cera' KalenNa Naerang, na lanri kammanami anjo naNalappassang maki' battu ri dosa-dosaya sa'genna satunggu-tungguna.

IBRANI 9:15

Lanri kammanami anjo, na'jarimo tete Almasi untu' passijanjiang beru, sollanna akkulle natarima sikamma tau le'baka Nakio' Allata'ala untu' annarima barakka'-barakka' mannannungang le'baka Napa'janjiang Allata'ala. Yangasenna anjo kammaya akkullei kajariang lanri nia'na le'ba' mate, iamintu Almasi; na battu ri iaminjo kamateanNa Nakkullemo Nalappassang rupataua battu ri sikamma kasalang le'baka nagaukang ke'nanga, ri wattu tappakena ija passijanjiang uru-urua.

PAPPICINI' 20:11

Le'baki anjo nia'mo kucini' se're empoang kala'birang; lompoi siagang keboki tanja'na anjo empoang kala'biranga siagang nia' tommi rate patanNa empoang ammempo. Lanynya'mi langika siagang buttaya battu ri dallekanNa, sa'genna tenamo nakacinikang.