YESAYA 51:2 - KITTA' MATANGKASA'

² U'rangi boe-boenu Abraham siagang Sara; wattunna Kukio' Abraham natena ana'na; nampa Kubarakkaki siagang Kusarei turungang jai.

YESAYA 51:2 ပူးပေါင်းရင်းမြစ်များ

PA'JARIANG 22:17

laKubarakkakiko alla'bi-la'bi siagang laKupa'jari jai turungannu sanrapang bintoenga jaina ri langi' siagang sanrapang kassika jaina ri biring tamparanga. Sikamma ana'-cucunnu lanabeta ngasengi sikamma musunna ke'nanga.

PA'JARIANG 24:1

Sanna' sikalimi toana Abraham, siagang nibarakkakimi ri Batara ilalang ri sikontu-kontua passala'.

PA'JARIANG 24:35

Sanna' nibarakkakinna karaengku ri Batara, siagang nipa'jarimi sanna' kalumanynyanna. Nisaremi ri Batara sanna' jaina gimbala', bembe, sapi, unta, keledai, kammayatompa pera', bulaeng, siagang pole suro-suro bura'ne siagang baine.

YESAYA 29:22

Lanri kammana anjo, Batara, iamintu Allata'alana Israel le'baka ampakabebasaki Abraham, kamma-kamma anne Nakana, “Ikau bansaKu, tenamo nalanihinako pole siagang tenamo nalapi'lasa' rupannu lanri siri'-siri'.

YESAYA 41:8

Mingka ikau, he Israel, atangKu, umma' Kupilea, ikau turunganna Abraham, sahabakKu.

YESAYA 43:27

Dorakami boe-boenu riolo dudua, sikamma pamimpinnu angngewai ri Nakke,

YESAYA 48:1

Pilangngeri, he turunganna Yakub, turunganna Yehuda ammakea areng Israel, nukana numangakui Allata'alana Israel, siagang assumpako lalang arenNa Batara. Mingka tena nannarrusu' kana-kanannu antama' ri atinnu.

YESAYA 60:22

Ba'lalo manna kaluarga ca'dia siagang tunaya la'jari bansa lompo siagang kassa'. INakke Batara langngalle tindakang linta', ri wattu kaminang bajika.”

YESAYA 63:16

Sai iKatte manggena ikambe? Abraham siagang Yakub tanaassengai ikambe. Mingka iKatte o Batara, iKatte Manggena ikambe, Mappasalama'na ikambe battu riolo dudu.

YEHEZKIEL 33:24

“He tau, anjo sikamma tau ammantanga ri rumbanna kota-kotaya ri butta Israel nakanai, ‘Abraham anggappai anne sikontu buttaya, padahala' ia poro kale-kalennaji bawang. Ikatte anne jaiki', jari anne buttaya ikatte pata.’ ”

PAOLE 1:10

lanri pila' Napa'jari jai mako Karaeng Allata'alanu, rapang bintoenga ri langika jaina.

PAOLE 26:5

Nampa, ri dallekanNa Batara, musti nupaui anne kana-kana kammaya: ‘O, Batara, anjo boe-boeku tau a'lampa battu ri Aram. Naerangi kaluargana mange ri Mesir untu' ammantang anjoreng, a'jari tau battu-battu. Ri wattunna a'lampa ke'nanga mange anjoreng, sike'de'ji bilanna ke'nanga, mingka ri boko a'jari bansa lompomi siagang bansa kassa'mi ke'nanga.

YOSUA 24:3

Nampa Kualle Abraham, anjo boe-boenu, battu ri anjo pa'rasangang ba'leanna Binanga Efrat, nampa Kusuro alla'bang anjappai sikontu pa'rasangang Kanaan. Kusarei jai turungang. Uru-uruna Kupassareangi Ishak mae ri ia,