YESAYA 51:18 - KITTA' MATANGKASA'

¹⁸ Battu ri pandudu'nu tena anrurungangko, battu ri tummantannu tena angnguluko.

YESAYA 51:18 ပူးပေါင်းရင်းမြစ်များ

AYUB 8:20

Mingka Allata'ala tale'bakai Nabokoi tau jarreka tappa'na, tale'baka tongi Natulung tau dorakaya.

PAMMUJI 142:4

Ri wattu sike'de' mami kutappu' minasa, Kiassengi angkana apa musti kugaukang. Ri oloang mustia kulaloi, a'mere'-mereki musua attannang sikko' untu' inakke.

PAMMUJI 88:18

Sikabusu'na alloa sanrapangi a'ba pangngalarroinTa angkulilingia', antammulilia' battu ri kere-keremae.

YESAYA 41:13

Saba' iNakke Batara, Allata'alanu, anta'galaki lima kanannu; kukana, ‘Teako mallakki, iNakke lantulungko.’ ”

YESAYA 45:1

Batara le'ba' angngangkaki Kores a'jari karaeng; ia nisuro ambetai sikamma bansa-bansaya siagang antepoki kakoasanna sikamma karaenga. Batara lassungkeangi sikamma pakke'bu' lompona kotaya, tena manna se're lammantang tattongko'. Nakana Batara ri ia,

YESAYA 49:21

Jari lanukana lalang ri pa'mai'nu, ‘Inaika allassukangi anjo ana'-anaka untu' inakke? Sai inakke tappela' ngasemmi ana'-anakku, na kutakkulleamo pole ammana'? Inakke nilalinga' mae ri butta pammelakkanga na kunipakabella siagang niboli' kale-kalengku. Battu kemae ngasengi anjo sikamma ana'-anaka, siagang inai ampakalompoi ke'nanga?’ ”

YESAYA 54:11

Nakana Batara, “He Yerusalem, kota cilakaya, tena kullenu siagang tena panynyaleorinnu. LaKupadongkoki ammotere' sikamma dasara'nu, batu-batu ka'jalaka ballinna Kupake.

YEREMIA 10:20

Panra'mi kemana ikambe, siagang tappu' ngasemmi sikamma otere'na. Tenamo akkulle ambangung kema siagang ampatabai kaeng-kaenna, lanri a'lampa ngasemmi ana'-anaka.”

YEREMIA 31:32

Mingka anjo parjanjianga tena nasangkamma parjanjiang Kupareka siagang boe-boena ke'nanga ri wattunna Kururungang assulu' ke'nanga battu ri Mesir. Manna pole Kurapang bura'nenna ke'nanga, mingka nadakkai ke'nanga parjanjiangKu siagang ke'nanga.

YEHEZKIEL 34:6

Jari pitilampa-lampaimi sikamma gimbalakKu ri bulu'-bulu' tinggia siagang sikamma monconga. Tassiaraki ke'nanga mange ri sikontu buttaya, tena manna sitau amparhatikangi yareka amboyai ke'nanga.

AMOS 5:2

Tu'guru'mi Israel anjo tuloloa ija, talambangungami ammotere'! Irate ri butta kalenna nibalang parekang, tena ambantui ammenteng nai'.

MATIUS 15:14

Tea' mako jampangi anjo tu Farisia. Anjo ke'nanga sangnging pamimping-pamimping buta. Na punna tau buta ammimping tau buta, tena tatu'guru'na rua-rua naung ri solonganga.”

MATIUS 9:36

Na ri wattunna Nacini' ngaseng Isa anjo tau jaia, tu'guru'mi pangngamaseanNa. Lanri sanrapangi ke'nanga gimbala' tappelaka siagang dodonga lanri tenana pakalawakinna.

MARKUS 8:23

Jari Nata'gala'mi Isa limanna anjo tau butaya naNarenreng assulu' battu ri anjo kotaya. Nampa Napi'rui Isa matanna anjo taua. Napadongkoki limanNa ri matanna anjo taua, nampa akkuta'nang ri ia Nakana, “Akkulle mako accini' apa-apa kamma-kamma anne?”

LAMPA-LAMPANA 13:11

Kamma-kamma anne lanuciniki, naNahukkungko Batara! La'jari butako siapa are sallona, sa'genna takkullea nucini' matanna alloa.” Anjo wattua nia' memammo silalonna nakasia' Elimas kamma rammang le'leng antongkoki matanna. Sa'genna angngasala'mi mange-mange, a'boya tau akkullea anrenrengi.

LAMPA-LAMPANA 9:8

Ammentemmi Saulus naero' nasungke matanna, mingka takkulleami accini' apa-apa. Jari nita'gala'mi limanna ri ke'nanga, nampa nirenreng antama' ri Damsyik.

IBRANI 8:9

Tasangkammayai passijanjiang Kupareka siagang boe-boena ke'nanga ri wattunna Kururungang ke'nanga assulu' battu ri butta Mesir. Allessoki ke'nanga ri passijanjiang Kupareka siagang ke'nanga, lanri kammanami anjo nataKujampangia ke'nanga.