YESAYA 50:4 - KITTA' MATANGKASA'

⁴ Batara Kaminang Tinggia angngajarakka' a'bicara, sollanna akkulle kanangku ampakajarreki tau la'baya pa'mai'na. Tunggala' bari'basa' Napabangungi erokku untu' ampilangngeri ajaranNa mae ri nakke.

YESAYA 50:4 ပူးပေါင်းရင်းမြစ်များ

LUKAS 21:15

INakke lassareko kacara'dekang siagang kana-kana lanupaua. Sa'genna manna sitau ri musu-musunnu takkulle ambeta kanako yareka ampassalai apa-apa nupaua.

YEREMIA 1:9

Le'baki anjo Napajonjomi limanNa Batara nampa Najama bawaku na Nakana, “Pilangngeri siagang pa'la'bangi anne kana-kana Kupaua.

PANGNGEBARANG 25:11

Tangara' nipasuluka ri wattu coco' sikalia sanrapangi rappo bulaeng lalang ri panne pera'.

PANGNGEBARANG 15:23

Kana-kana nipasuluka ri wattu kaminang cocoka, langngerangi karannuang.

PAMMUJI 119:147

Ambangunga' bari'basa' na kuakkio' appala' tulung; manrannuanga' ri janjinTa.

PAMMUJI 143:8

Punna bari'basa', Kipiu'rangianga' pangngamaseanTa, saba' ri Kattemi panrannuangku. Kipicinikianga' oloang mustia kuolo, saba' ri Kattema' appala' doang.

PAMMUJI 5:3

Kijampangi pakkiokku na Kitulunga', o Karaengku siagang Allata'alaku.

LUKAS 4:22

Sanna' ngaseng baji'na kana-kana Napasuluka. Sa'genna lannasa'mo taua allangngereki, na nipakkontutojeng ri ke'nanga. Nakanamo ke'nanga, “Sai ana'na Yusuf anne Taua?”

MATIUS 13:54

nampa ammotere' mange ri pa'rasanganNa. Battuna mange anjoreng, mangemi ri sikamma balla' sambayanga angngajara'; na lannasa' ngasemmo taua allangngereki anjo apa Napangngajarranga. Nakanamo ke'nanga, “Battu kemaei anggappa pangngassengang kammaya anjo anne Taua? Battu kemaei anggappa koasa kammaya lompona Nakkulle anggaukangi gau'-gau' appakalannasaka?

MATIUS 11:28

Battu ngaseng mako mae ri Nakke ikau tau posoa siagang tau battalaka erangnganna; laKupakabajiki pakkasia'nu.

MATIUS 22:46

Manna sitau tenamo akkulle appiali ri Isa. Na appakkaramula anjo alloa tenamo manna sitau barani akkuta'nang apa-apa mamo ri Isa.

YOHANES 7:46

Appialimi anjo pangawalaka ngaseng nakana, “Edede, tenanniakkapa tau kamma Ia a'bicara!”

PAMMUJI 45:2

Kana-kana bajika assulu' tojemmi battu ri atingku, kupangngadakkangi kelongku mae ri karaenga. Sanrapang pulpenna se'rea tucara'de' annulisi', sadiai lilaku appau kana-kana baji'.

PAMMUJI 88:13

Niakka tau angngassengi gau' appakalannasatTa lalang ri sassanga, yareka kabajikanTa ri pa'rasanganna tau nikaluppaia?

PANGNGEBARANG 12:25

Ranggaselaya natepoki sumangaka, mingka kana-kana lammaya napakalompoi pa'maika.

YESAYA 8:16

Ikau ngaseng, ana'-ana' gurungku, musti nuboliki siagang nuparakai sikamma pasang Napassareanga Allata'ala mae ri nakke.

YESAYA 28:9

Akkunrarengi ke'nanga passala' ri nakke, nakana, “Nakana kalenna inai naajara'? Inai todong parallu pappakasingara' battu ri ia? Nakanaka ikatte anne ana' ca'di beru nisa'la susu?

YESAYA 28:19

Lanitujuko ri kacilakang situlusu'na, siagang musti nutanggong ngasengi anjo kammaya allo-allo, bari'basa', tangngaallo siagang bangngi. Lannekkerekko napakamma malla' punna nupahangi pappasanNa Allata'ala.

YESAYA 35:5

Anjo wattua tau butaya lakkullei accini', na tau tongoloka lakkullei allangngere'.

YESAYA 40:29

Napakajarreki tau posoa, Nasarei sumanga' tau tenaya kullena.

YESAYA 50:10

He ikau ngaseng ampakalompoai Batara, siagang ampilangngeriai kananna atanNa, nakulle sassangi agang nuoloa, siagang tena caya ansingariko; mingka tappa' laloko mae ri Batara; tanjengko mae ri Allata'alanu.

YESAYA 54:13

Sikontu pandudu'nu a'jari ana' gurungKu, lakala'biangi siagang lasalewangangi ke'nanga.

YEREMIA 31:25

Ia mangnganga laKupakabajiki pakkasia'na, siagang ia posoa lanri cipuru' laKupakabassoroki.

YEHEZKIEL 46:13

Nakana Batara, “Tunggala' allo ri wattu bari'basa', sikayu ana' gimbala' umuru' sitaunga siagang tenaya caca'na musti nipassareangi untu' koro'bang nitunu mae ri Batara.

PAOLE 18:17

Lanri kammana anjo Nakanamo Batara ri nakke, ‘Anjo pappala'na ke'nanga bajiki.

PAOLE 18:18

Battu ri bansana tonji ke'nanga laKukiring sitau na'bi sangkammaya ikau mae ri ke'nanga. LaKupaui mae ri ia apa mustia napau, nampa napabattu mae ri anjo bansaya sikontu apa Kuparentakanga.

AYUB 4:4

Kana-kanannu assarei sumanga', napabangungi tau tatto'roa, tau lausuka, na tau posoa.

PAMMUJI 40:7

Passarea siagang koro'bang nipatalaya tena Kingai, koro'bang nitunu siagang koro'bang pammopporang dosa tena Kituntuki. Mingka le'ba'ma' Kisare toli akkullea allangngereki sa'ranTa.