YESAYA 50:2 - KITTA' MATANGKASA'

² Angngapa namanna sitau ummakKu tania' appiali, wattungKu battu angkioki ke'nanga? Maka a'mereki ke'nanga lanri nakapangi angkana takkulleA' allappassangi siagang ampasalamaki ke'nanga? Sikontutojenna, lanri parentaKu na'jari kalotoro' tamparanga, sikamma binangaya Kupa'jari parang lompo, sa'genna mate ngaseng jukuka na'rasa parru.

YESAYA 50:2 ပူးပေါင်းရင်းမြစ်များ

PA'JARIANG 18:14

Maka niakka apa tantamaya ri akkala' untu' Batara? Sangkamma Kupakkanaya sumpaeng, salapang bulang sallang labattua' pole mae anrinni. Na anjo wattua lamana'mi Sara sitau ana' bura'ne.”

2 PATTOTTORANG 32:15

Teako lappassangi karaennu amballe-balleiko siagang ampadongo'-dongokko! Teako tappaki mae ri ia. Nasaba' manna kemae tena le'bakai nia' rewatana se'rea bansa akkulle ampasalamaki bansana battu ri kakoasanna karaeng Asyur. Mattantuna anjo rewatanu tena todong nakkulle allappassangko!”

PAMMUJI 106:9

Lanri parentaNa na'jari kalotoro' Tamparang Alara', Ia angngerangi umma'Na a'jappa numalo ri tamparang, sanrapang numalo ri parang lompoa.

PAMMUJI 107:33

Sikamma binangaya Napinrai a'jari parang timbuseng je'neka Napa'jari butta kalotoro'.

KALAPPASSANG 14:21

Nampa napajonjomo limanna Musa ri tompo'na tamparanga, nampa appabattumo Batara anging battu raya ammiri' sanna' kancanna, sa'genna ammunduru'mo je'ne' tamparanga. La'busu' bangngi ammiri' anjo anginga, siagang napinrami anjo tamparanga a'jari butta kalotoro'.

KALAPPASSANG 14:29

Mingka ri wattunna a'limbang tamparang tu Israelka, a'jappai ke'nanga lalang ri butta kalotoro'na tamparanga, siagang je'ne' niaka ri kananna siagang ri kairinna a'jari kammai tembo' nai'.

KALAPPASSANG 7:18

Lamate ngasengi jukuka, siagang anne binangaya la'rasa bottoki, sa'genna takkullea bansa Mesir angnginungi je'ne'na.”

KALAPPASSANG 7:21

Mate ngasemmi sikamma juku' niaka lalang ri anjo binangaya. Sanna' botto'na rasanna, sa'genna takkulleamo tu Mesir angnginungi anjo je'neka. Nia'mo cera' ri sikontu butta Mesir.

PANGNGEBARANG 1:24

Le'ba' mako kukio' ngaseng, mingka taerokako siagang tena ngaseng nujampangi.

YESAYA 11:15

LaNakalotori Batara tamparang Tarrusu'na Suez. Lappareki anging bambang, ammirika sa'genna Binanga Efrat a'jarimi tuju kaloro' ca'di sike'deka je'ne'na, sikontu taua allimbangi natanapasuluka sandala'na.

YESAYA 19:5

Lanaungi je'ne'na Binanga Nil, sa'genna pila' sallo pila' kalotoro'.

YESAYA 23:11

Naangka'mi Batara limanNa irateanna tamparanga siagang Nagulummi sikamma kakaraenganga. Assaremi parenta sollanna niancuru' sikamma benteng pattahanganna Funisia.

YESAYA 36:20

Rewata kereanga le'ba' allappassangi pa'rasanganna battu ri kakoasangku? Kemae lakkulle Batara lampasalamaki Yerusalem!’ ”

YESAYA 41:28

Ri wattunna Kuboya ri alla'na rewata-rewataya, tena manna se're akkulle assare pitunju', tena akkulle appiali.

YESAYA 42:15

LaKupa'jari kalotoroki monconga siagang buluka, Kupa'jari kalumeng sikontu timbo-timboanna. Kupinrai ka'bung binangaya a'jari parang lompo, sikontu kollang lompoa Kupa'jari kalotoroki.

YESAYA 43:16

Le'baki appare' Batara se're oloang a'limbang tamparang, allalo ri je'ne' a'gamarrunga.

YESAYA 44:27

INakke angkana mae ri tamparanga: esakko! INakke ampa'jari kalotoroki sikamma binanganu.

YESAYA 51:10

IKatte todong ampakalotoroki tamparanga, je'ne' tamparang lantanga. IKatte appare' oloang lalang ri anjo je'neka, sollanna akkulle a'limbang sikamma tau Kipasalamaka.

YESAYA 54:6

O, Israel, rapangko baine bunting beru si'naya pa'mai'na lanri nibokoi ri bura'nenna. Mingka Nakiokko ammotere' Allata'ala na Nakana,

YESAYA 59:1

Teako kapangngi angkana lamma dudui Batara untu' ampasalamakko, yareka tongolo' dudui untu' ampilangngeri pakkio'nu.

YESAYA 59:16

Lannasaki lanri tenana tau maju siagang tenana appattojeng. Jari Napakemi kakoasang KalenNa untu' ampasalamaki siagang assarei ke'nanga pammetang.

YESAYA 63:13

Kemae Batara anrenrengai ke'nanga a'jappa ilalang ri je'ne' lantanga? Rapang jarang allalo ri parang lompoa, tena le'bakai tatto'ro ke'nanga.”

YESAYA 64:6

Ikambe tau rantasa' ngasengi, ba'lalo manna gau' baji'na ikambe rantasa' ngasengi na ra'masa'. Lanynyaki ikambe lanri kaja'dallanna ikambe rapang leko' kayu kalumeng niri'bakang ri anging.

YESAYA 65:12

Lamate ngasengko passabakkang gau' katerassang. Saba' ri wattungKu akkio', tena nuppiali, siagang ri wattungKu a'bicara, tena nuppilangngeri. La'bi nungaiangngangi angngewaya ri Nakke siagang anggaukangi ja'dalaka.

YESAYA 66:4

Lanri kammana anjo laKugaukang tommi apa Kukaerokia naKupitujui ke'nanga sikamma bala nakamallakkanga ke'nanga. Saba' ri wattungKu akkio', tena tau appiali; ri wattungKu a'bicara, tena tau appilangngeri. La'bi nangaiangngangi ke'nanga angngewaya ri Nakke siagang anggaukangi ja'dalaka.”

YEREMIA 14:9

Angngapa Kisangkamma tau lingu; rapang tubarani tenaya nakkulle annulung? Mingka, mattantu niakKi' ri tangnga-tangngana ikambe, o Batara! Ikambe ummatTa, teaKi' bokoi!’ ”

YEREMIA 35:14

Yonadab napisangkai jari-jarina angnginung anggoro', nampa mannuruki ke'nanga ri anjo pappisangkana. Sa'genna anne alloa tena manna sitau battu ri ke'nanga angnginung anggoro'. Mingka iNakke, tena ammariKu a'bicara mae ri kau, mingka taerokako mappilangngeri ri Nakke.

YEREMIA 35:15

Tena ammariKu assuroi battu mae ri kau sikamma atangKu na'bi-na'bia, siagang napakainga' mako ke'nanga sollanna nupakabaji' panggaukannu na nupamari a'gau' ja'dalaka. Napakaingakko ke'nanga sollanna tena nunynyomba mae ri rewata-rewata maraenga siagang tena nupare' atai kalennu mae ri anjo rewata-rewataya, sollannu akkulle ammantang tuli anrinni ri pa'rasangang Kupassareanga mae ri kau siagang mae ri boe-boenu. Mingka taerokako amparhatikangi siagang taerokako mappilangngeri ri Nakke.

YEREMIA 5:1

He pandudu'na Yerusalem, jappaimi sikontu aganga lalang ri kotanu! Boyai kemae-kemae, siagang ikau tommo anciniki. Paressai ri paranna kotaya maka nia' se're tau lambusu' nyawana, attojeng-tojenga ero' majarre' tappa'na mae ri Allata'ala? Punna nia', laNapammopporangi Batara Yerusalem.

YEREMIA 7:13

MangKu pole a'mole-mole a'bicara mae ri kau, mingka taerokako mappilangngeri. Nugaukang ngasengi sikamma anjo dosaya, siagang taerokako appiali punna akkiokKa'.

YEREMIA 7:27

Nampa Nakana Batara, “Lanri kammana, he Yeremia, manna pole nupau ngaseng anjo sikammaya mae ri ummakKu, tena nalanapilangngeri ke'nanga kana-kanannu. Manna pole nukio' ke'nanga, mingka tena nalappiali ke'nanga.

YEREMIA 8:6

Kupilangngerimi baji'-baji', mingka tena nu'bicara ri siratannaya. Tena manna sitau battu ri kau assesse' lalang lanri panggaukang ja'dala'na. Tena nia' angkana, ‘Apa kasalangku?’ Yangasengko poro amminawangko ri oloang pangngainnu rapang jarang a'bakkaya antama' ri pa'bundukanga.

DANIEL 3:15

Jari, kamma-kamma anne apaka sadia jako su'ju' siagang anynyomba mae ri anjo patunga punna assa'ra musika? Punna taerokako, lakupasambila silalonnako antama' ri pepe' a'rinra-rinraya. Siagang rewata battu kemae lakkulle ampasalamakko battu ri kakoasangku?”

DANIEL 3:29

Lanri kammana anjo kuparentakangi angkanaya sikamma tau battua ri bansa-bansaya, ri suku bansaya yareka bahasaya, ia le'baka appasulu' kana-kana anghinai Allata'ala nasombaya Sadrakh, Mesakh siagang Abednego, lanikere'-kereki siagang lanirumbangi balla'na a'jari tambungang loro. Nasaba' tena rewata akkulle anggaukangi anjo apa le'baka Nagaukang Allata'ala.”

DANIEL 6:20

Ri wattu subua ambangummi nai' karaenga nampa karo-karo a'lampa mange ri leang singaya.

DANIEL 6:27

Kuparentakangi mae ri sikontu tau niaka ri daera kakaraengangku sollanna malla' siagang napakalompo Allata'ala nasombaya Daniel! Iami Allata'ala mattallasaka satunggu-tungguna, sa'genna kala'busang jammang ammarenta. Tena olona lapanra' kakaraenganNa. Tena la'busu'na kakoasanNa.

HOSEA 11:2

Mingka pila' Kukioki anjo anakKu pila' napakabellai kalenna battu ri Nakke. Angngerangi koro'bang siagang attunui dupa untu' Rewata Baal siagang rewata-rewata maraengannaya.

HOSEA 11:7

siagang terasa'na nyawana ero' ambokoiA'. Jari lanijallakkangi ke'nanga, mingka tena lakkulle allappassangi ke'nanga manna pole nammarrang ke'nanga appala' tulung.”

NAHUM 1:4

Naga'garaki tamparanga na'jari kalotoro', Napaccappuki je'ne'na sikontu binangaya. Bulu' Karmel siagang sikamma paranga ri Basan a'jari kalotoroki na kalumeng sikamma bungaya ri Libanon.

HABAKUK 3:8

O Batara, maka lanri tamparang kutadeng na nai' larroTa? Maka binanga-binangaya ampakanassuKi'? Kibaei rammanga a'jari jarang siagang kareta bundu', ri wattu Kisarena pammetang ummatTa.

PAMMILANGNGANG 11:23

Appialimi Batara angkana, “Apaka nukana nia' sanggana kakoasangKu? Lanuciniki angkanaya anjo apa Kupaua ma'nassa lakajariang tojengi yareka tena!”

MARKUS 4:39

Ambangummi Isa, nampa naga'gara' anjo anginga, siagang Nakana ri anjo tamparanga, “Ammariko siagang sannangko!” Ammarimi anginga, siagang a'jari sannang sikalimi tamparanga.

YOHANES 1:11

Battui ri pa'rasangang KalenNa mingka tanitarimayai ri bansaNa.

YOHANES 3:19

Iaminne passala'na nanituntuki: Battumi anjo singaraka antama' ri anne linoa, mingka nangaiangangi rupataua sassanga kala singaraka, lanri ja'dala'na ngaseng panggaukanna ke'nanga.

YOSUA 3:16

ammantang memammi silalonna a'lo'loro' je'ne'na anjo binangaya. Bellai, irate ri bageang ulunna anjo binangaya, asse'remi je'ne'na ri Adam, iamintu se'reang kota niaka ammantang ri ba'leanna kota Sartan. Anjo je'ne' a'lo'loroka mange ri Tamparang Matea ammantang taba sikali, sa'genna akkullemo bansa Israel a'limbang irate ri butta kalotoroka assidallekanga siagang kota Yerikho. Anjo sikamma imang-imang ambulekai anjo Patti Parjanjianga tuli ammentenna ri tangnga-tangngana binangaya sa'genna battu ngaseng anta'le sikontu umma' Israel.