YESAYA 5:30 - KITTA' MATANGKASA'

³⁰ Anjo wattua nia' kalangngerang sa'ra pakkio' bundu' ri sikontu pa'rasangang Israel, kamma sarrinna arrunna bombang tamparanga. Ciniki, sassangi sikontu anjo pa'rasanganga, rassi kasukkarang. Singaraka a'jari sassang makkapu'.

YESAYA 5:30 ပူးပေါင်းရင်းမြစ်များ

KATO'BA 12:2

Punna battu anjo wattua tenamo nasingara' paccini'nu, sa'genna tenami singara'na alloa, bulanga siagang bintoenga. Rammang le'leng angngeranga bosi, tuli narurungangko kamma napakamallakko.

YESAYA 13:10

Tunggala' bintoenga siagang pa'rappungang bintoenga lammari accaya; lasassangi mataalloa ri wattunna ammumba, siagang tenamo nalaccaya bulanga.

YESAYA 13:4

Pilangngeri sa'ra gegereka ri monconga, kamma nilangngere' sammang tau jai asse're. Pilangngeri gegere'na sikamma kakaraengang siagang bansa-bansa a'rappunganga. Naparessai Batara Kaminang Makoasaya pasukang bunduka.

YESAYA 17:12

Para gegere'mi sikamma bansa kassaka; ammarrummi sa'ranna rapang arrunna bombang lompoa.

YESAYA 30:6

Kammaminne pappasanNa Batara ri passala'na sikamma olo'-olo' niaka ammantang ri butta bageang timboro', “Sikamma tunisuroa napilurangngimi keledaina siagang untana ke'nanga rassi hadia, nampa numalo ri daera jaia bahaya lanri napammantangngi singa, ulara' a'racung, siagang naga akka'nyi'. Sikontu anjo hadiaya napassareangi ke'nanga mae ri bansa tenaya kullena antulungi ke'nanga.

YESAYA 59:9

Nakana anjo bansaya mae ri Allata'ala, “Kamma-kamma anne naassemmi ikambe angkana angngapa natena Kipasalamaki ikambe battu ri tau anjallakkangai ikambe. Attayangi singara' ikambe, mingka ia niaka sassanji bawang.

YESAYA 8:22

yareka naung, tena apa-apa lanacini' ke'nanga pantaranganna kasukkarrang siagang sassang kammayatompa bayang-bayang appakamallaka. Lanipelaki ke'nanga mae ri anjo tampa' sassanga.

YEREMIA 13:16

Musti nupakalompoi Karaeng Allata'alanu lalang tenanapa Napabattui sassanga, siagang tatto'ro bangkennu ri pa'monconganga, lalang anjo singara' numinasaia taNapinrayapi a'jari sassang.

YEREMIA 30:5

“Kulangngere'mi pakkio'na tau annekkereka, pakkio'na tau mallaka tenaya naamang nasa'ring.

YEREMIA 50:42

Sanjatana ke'nanga iamintu pana siagang poke; pallaki natangngassenga appammopporang. Rapang sa'ra tamparang a'gamarrung kammami anjo sa'ra bangkeng jaranna ke'nanga nipalaria maju ambunduki Babel.

YEREMIA 6:23

Sanjatana ke'nanga iamintu pana siagang poke; sanna' palla'na ke'nanga natena pangngamaseanna. Rapang bombang a'jalloka, kammaminjo sa'ra bangkeng jaranna nadongkokia untu' maju a'bundu', ambuccuki Yerusalem.”

PIRAUNG 3:2

Pila' bellama' nire'resang antama' ri tampa' sassang makkapuka.

YEHEZKIEL 26:3

Nakana Batara Kaminang Tinggia, “INakke musunnu he Tirus! LangngerangA' jai bansa battu untu' ambundukiko, siagang labattui ke'nanga sanrapang bombanna tamparanga.

YO"EL 2:10

Lalang majuna ke'nanga, annekkereki buttaya, siagang langika amme'bereki. Nampa sassang alloa siagang bulanga, na lanynya'mo cayana sikamma bintoenga.

AMOS 5:18

Tojeng, cilaka ngaseng mako tau nakkuka ri AllonNa Batara! Apa matu-matunna anjo alloa mae ri kau? Anjo alloa poro allo sassanji bawang, teai allo singara' mae ri kau.

AMOS 8:9

Lanarapiki wattunna naKupalabu alloa ri tangnga alloa siagang a'jari sassangi linoa ri wattu alloa. INakke, Batara Kaminang Tinggia, anne akkana.

MATIUS 24:29

“Tena nasallo ri le'ba'na anjo wattu kasusaanga, la'jari sassammi alloa, na tenamo naccaya singara' bulanga. Latu'guru' ngasemmi bintoenga battu ri langika. Na sikamma makoasaya lalang lino, la'jari sanna'mi ricuna.

PAPPICINI' 6:12

Nampa Nareppe' kucini' anjo Ana' Gimbalaka segele' makaannanga. Ta'ge'goso' sanna'mi linoa. A'jari le'lemmi matanna alloa sangkamma kaeng le'leng kasaraka; kammayatompa a'jari ejami bulanga sangkamma cera'.