YESAYA 5:2 - KITTA' MATANGKASA'

² Nabingkungi buttana, na napela' batu-batunna. Nalamungi anggoro' nipile nambangung balla' tinggi pa'jagang. Angngekei se're kali'bong tampa' pammaccokang anggoro'na, nampa attayang rappo ti'noka, mingka kacci wassele' rappo anggoro'na.

YESAYA 5:2 ပူးပေါင်းရင်းမြစ်များ

2 SAMUEL 7:10

Nampa pole, untu' ummakKu Israel le'ba'mi Kupasadiang tampa' siagang Kusuroi ke'nanga ammantang tuli anjoreng, sollanna akkulle sannang tallasa'na ke'nanga, tenamo naniricui pole. Baku' battuna ke'nanga mae anrinni ri buttaya riolo, na Kuangka' pamimping-pamimpinga untu' ke'nanga, nibunduki ke'nanga ri sikamma tau mangngaia ri gau' katerassang, mingka anjo passala' kammaya tenamo nalakajariang poleang. A'janjiA' angkanaya laamangko battu ri sikontu musua, siagang laKusareko jari-jari.

NEHEMIA 13:15

Ri anjo jammanga kuciniki angkanaya nia' siapa are tu Yehuda ammacco' anggoro' ri allo Pammari-marianga. Nia' pole maraeng angngerang gandung, anggoro', rappo anggoro', rappo ara siagang barang-barang maraeng irate ri keledaina nampa naerang mange ri Yerusalem. Kupisangkai ke'nanga ambalukangi ri Yerusalem.

PAMMUJI 80:8

O, Allata'ala Kaminang Koasaya, Kipammollei ikambe lammoro' pa'mai' maKi' anciniki ikambe, sollanna salama' ikambe.

PAMMUJI 80:9

UmmatTa sanrapangi poko' anggoro' Kipaletteka battu ri Mesir. Kibongkai bansa-bansa maraenga, nampa Kilamung anjo pokoka ri pa'rasanganna ke'nanga.

KALAPPASSANG 33:16

Antekamma lakkulle naasseng taua angkana mangngellaiKi' ri nakke siagang mae ri anne bansaya, punna tena Kitulungi ikambe? KahaderanTa o Batara, ri tangnga-tangngana ikambe iami la'jari pammatei angkanaya tena nasangkamma ikambe siagang bansa-bansa maraenga ri anne linoa.”

YESAYA 1:8

Yerusalem mami ammantang, mingka anjo kotaya nikulilingimi ri musu, tenamo kullena; rapang mami balla' koko ca'di ri koko anggoroka, yareka balla' kepo-kepo ri koko bonteka.

YESAYA 5:7

Saba' koko anggoro'Na Batara Kaminang Koasaya iamintu umma' Israel, siagang tu Yehuda iami poko' anggoro' Nalamunga. Battu ri ke'nangami Naminasai kaadelanga, mingka kapallakkanji napa'nia'. Naminasai ke'nanga appaenteng katojengang, mingka karru'ji appala' kaadelang napanai'.

YEREMIA 11:17

INakke ampaentengi Israel siagang Yehuda, iNakke, Batara Kaminang Koasaya. Mingka, kamma-kamma anne le'ba'mi Kurancanakang laKupabattu balaya mae ri ke'nanga. Kalenna tonji ke'nanga a'jari passabakkang mae ri anjo sikammaya bala, lanri nagaukanna kaja'dallanga, iamintu assarena koro'bang mae ri Rewata Baal, sa'gengKu larro.”

YEREMIA 2:21

Kulamungko rapang poko' anggoro' Kupilea battu ri lamungang bajika. Mingka kamma-kamma anne amminra mako, a'jari lamung-lamung liara' siagang tenaya matu-matunna.

HOSEA 10:1

Israel rapangi poko' anggoro' roasaka rapponna. Pila' katambangi kalumanynyanna, pila' jai tongi tampa' pakkoro'bangnganga napareka. Pila' kalumanynyangi, pila' baji' tongi patung-patunna barhala nasombaya.

MIKHA 4:8

Na ikau Yerusalem, tampa'Na Allata'ala anjagai umma'Na rapang pakalawaki anjagai lokoang gimbala'na, la'jariko ammotere' ibukotana kakaraengannu kamma riolo.

PAMMILANGNGANG 23:9

Battu irate ri coppo'-coppo'na monconga kucini' ke'nanga; battu ri bulu'-buluka kuparhatikang ke'nanga. Ciniki, nia' se're bansa akkale-kale tenaya nantama' ri golonganna bansa-bansa maraenga.

MATIUS 21:19

Nia' nacini' se're poko' ara ri biring aganga. Mangemi anjoreng ri poko' araya. Mingka manna sibatu tania' Nacini' rapponna pantaranganna leko-leko'na bawang. Nakanamo Isa ri anjo poko' araya, “Tenamo nukkulle a'rappo pole!” Nakalumeng memammo silalonna anjo poko' araya.

MATIUS 21:33

Nakanamo pole Isa, “Pilangngerimi pole anne se'rea pangngebarang. Nia' se're tau ero' allamungi kokonna anggoro'. Napangngalakkimi attammulili kokonna. Nampa appare' kali'bong eroka napake ammacco' je'ne' anggoro'. Appare' tommi balla'-balla' jaga tinggia. Le'baki anjo napappitesangammi anjo koko anggoro'na mae ri siapa are pajama koko. Nampa a'lampa ri se'reang pa'rasangang maraeng.

MATIUS 21:34

Se're wattu, narapi'mi wattunna lanialle rapponna anjo anggoroka ri kokonna. Nasuromi siapa are palayanna anjo patanna koko mange ampalaki tawana ri anjo tau anjamayai kokonna.

MARKUS 11:13

Nia'mo Nacini' battu bella sipoko' ara sannaka copponna leko'na. Jari mangemi anjoreng ero' anciniki bara' nia'ja rapponna. Mingka wattunna battu mange anjoreng, tena sikali rapponna Nacini'. Sangge leko'na bawang coppong, nasaba' anjo wattua teaipi wattunna a'rappo araya.

MARKUS 12:1

Nampa appakkaramulami Isa a'bicara pangngebarang mae ri anjo imang-imang kapalaya, guru-guru agamaya kammayatompa pamimping-pamimpinna tu Yahudia. Nakana Isa, “Nia' se're tau a'lamung anggoro' ri kokoa, nampa nakalli' ri tammulilina. Le'baki anjo angngekemi kali'bong eroka napake ammacco' je'ne' anggoro'. Nampa appare' balla' pakkammikang. Le'baki anjo napappitesangammi anjo koko anggoroka mae ri siapa are pajama koko, nampa a'lampa ri se'reang pa'rasangang maraeng.

MARKUS 12:2

Ri wattunna narapi'mo wattunna lanialle rapponna anjo anggoroka, nasuromi palayanna anjo patanna koko mange ampalaki tesanna ri anjo pajamaya ri kokonna.

ROMA 9:4

Ike'nammi umma' nipilea siagang nipa'jaria ana'-ana' KalenNa ri Allata'ala, kammayatompa le'baka angkasiaki kakoasanNa Allata'ala. A'janjimi Allata'ala mae ri ke'nanga, siagang nisaremi ke'nanga hukkung-hukkung agama. Nipauammi ri Allata'ala ke'nanga angkanaya antekamma batena ke'nanga musti anynyomba ri Allata'ala; kammayatompa natarimami ke'nanga janji-janjinNa Allata'ala.

1 KORINTUS 9:7

Tenanniakka tantara angngongkosi kale-kalei kalenna lalang ri tugasa'na! Tenanniakka tau a'lamung apa-apa natanakanrea anjo wassele' lamung-lamunna! Tenanniakka tau akkatuo sapi natakkullea nainung dadi' battua ri anjo sapi nakatuoa!

PAOLE 32:6

Kammaminjo batenu ambalasaki baji'Na Batara, e, sikamma tau dongoka siagang tenaya nacara'de'? Sai Iami Manggenu, Mappa'jarinu, siagang ampa'jariako se're bansa?

HAKING-HAKING 16:4

Le'baki anjo tu'guru' ero'mi Simson mae ri se'reang baine battua ri Lappara' Sorek. Niarengi Delila anjo bainea.