YESAYA 5:17 - KITTA' MATANGKASA'

¹⁷ Ri rumbanganna kotaya angnganre ruku' ana' bembea siagang gimbalaka; tena nalakakurangang ke'nanga.

YESAYA 5:17 ပူးပေါင်းရင်းမြစ်များ

ZEFANYA 2:6

Daeranu ri ampi'na tamparanga la'jari parang rukuki; balla'-balla' pakalawakia siagang bara-bara gimbalaka lanibangungi anjoreng.

YESAYA 7:25

Siagang daera moncong biasaya nijama siagang nilamungi, rassi tommi romang katinting, sa'genna tenamo nabarani taua mange anjoreng. Ia mami matu-matunna anjo buttaya iamintu a'jari pangnganreang ruku'na sapia siagang gimbalaka.”

ZEFANYA 2:14

Anjorengi sikontu rupanna olo'-oloka lattinro siagang ammari-mari. La'ru'mungi kokocika ri anjo bangunang panraka siagang lakkio'-kioki battu ri jandela-jandelaya. Jangang-jangang kalaaka lakkao'-kaoki ri dallekang ballaka. Sikamma kayu camaraya ri bangunang-bangunanna anjo kotaya lala'busuki nialle.

LUKAS 21:24

Nia' lanibuno siagang pa'dang, siagang nia' todong lanierang mange nipela' ri pa'rasangang maraenga. Siagang lanionjo'-onjokangi anne kota Yerusalem ri tu kapereka, tenaya namalla' ri Allata'ala, sa'genna la'busu'mo wattu le'baka Napattantu Batara mae ri ke'nanga.”

MIKHA 2:12

Nakana pole Batara, “He umma' Israel niaka ija tassesa! Ma'nassa laKupa'rappungko siagang Kupasse'reko rapang gimbala' ammotereka mae ri barana. Rapang parang ruku' rassia siagang gimbala', kamma tomminjo pa'rasangannu larassi siagang tau jai.

HOSEA 8:7

UmmakKu appakioroki anging jari lakkattoi anging lompo! Tena nadidi rappo gandunna ke'nanga, jari talanggappayai labu' untu' kanrena ke'nanga. Mingka punna padeng didi anjo gandunga, lala'busuki nikanre ri bansa-bansa maraenga.

PIRAUNG 5:2

Barang-barang warisi'na ikambe naallemi tau maraeng, balla'na ikambe tau maraemmi ampammantangngi.

YEREMIA 5:28

kammayatompa a'jari co'mo' siagang coppong tallasa'na. Tena sanggana kaja'dallanna ke'nanga. Tena na'gau' adele' lalang ri passala'na ana'-ana' kukanga, siagang tena naalleangngangi ha'na sikamma tau nijalakkanga.

YESAYA 65:10

UmmakKu lanynyombai ri Nakke; gimbala'na siagang sapina ke'nanga la'rukuki ri Lappara'na Saron siagang Ka'bung Akhor.

YESAYA 40:11

Rapang sitau pakalawaki amparakai olo'-olo'Na; KalenNa ampa'rappungi ke'nanga. Ana'-ana' gimbalaka Nakalawingi, na Naemba baji'-baji' sikamma anronNa.

YESAYA 32:14

Ba'lalo balla' lompoa lanibokoi siagang ibukota suaraka la'jari sinoi. Buluka siagang sikamma menara tampa' pa'jaganga le'ba'mi nipasillappara' siagang butta sa'genna satunggu-tungguna. Sikamma keledai liaraka siagang gimbala' liaraka la'lemereki mange-mange a'ruku' anjoreng.

YESAYA 17:2

Lanibokoimi kota-kota niaka ri Siria sa'genna satunggu-tungguna, siagang la'jari mami pammantangngang olo'-olo'; tena manna sitau lambongkai ke'nanga.

YESAYA 10:16

Lanri tu Asyur napattampoangi kalenna, laNapabattui Batara Kaminang Makoasaya garringa, untu' anghukkungi sikamma perwira porena ke'nanga. Ia ke'nanga lanatabai rammusu' lompo, rapang pepe' akkanrea tulusu' ambambangi ke'nanga.

YESAYA 1:7

Pa'rasangannu nipanrakimi; kota-kotanu la'busu'mi nitunu. Ri dallekang matannui nialle tampa'nu ri bansa maraeng siagang naancuru' ngaseng sikamma apa niaka.

PAMMUJI 119:70

Sikamma anjo taua tena napahangi, mingka untu' inakke anjo hukkunTa appakasannangi pa'mai'.

PAMMUJI 73:7

Tattumpai kaja'dallanga battu lalang ri atinna ke'nanga; sibuki ke'nanga a'rancana kaja'dallang.

PAMMUJI 17:14

Kilappassanga' battu ri sikamma tau eroka appatambung pa'barang-barangngang ri lino. Kihukkungi ke'nanga siagang bala lompo ia le'baka Kipasadia untu' ke'nanga Lappassammi nihukkung todong ana' cucunna ke'nanga.

PAMMUJI 17:10

tangngassengai mangngamaseang ke'nanga siagang a'bicara tampoi ke'nanga.

NEHEMIA 9:37

Sikontu wassele' nigappaya ri anne buttaya musti nipassareangi mae ri sikamma karaenna pa'rasangang. Sikamma anjo tukoasaya Kiangkaki irateanna ummatTa, a'jari hukkungang dosana ikambe mae ri Katte. Ammarentai ke'nanga ri ero'-ero' pa'mai'na mae ri kambe siagang olo'-olo' piarana ikambe. Lanri kammana minjo nasessamo ikambe, sangnging pa'risi' siagang kasusaang nikasia'!”

PAOLE 32:15

Umma'Na Batara a'jari kalumanynyang, mingka nangai mangngewa, nasorongbokoi Mappasalama' porea. Co'mo' ngaseng kalenna, lanri bassoro' ri kanre, mingka nabokoi ke'nanga Allata'ala Mappa'jarina.

PAOLE 28:33

Lanaalle ngasengi bansa maraeng sikontu wassele' nugappaya lanri anjama terasa'nu, nampa ikau tena apa-apa nugappa pantaranganna nijallakkanga situlusu'na siagang panggaukang nikapallakkia.

HOSEA 4:16

Ikau ngaseng, he tu Israel, sanna' kapala batunu ngaseng! Antekamma bateKu langkalawakiko sangkamma gimbalaka ri parang rukuka?”