YESAYA 5:13 - KITTA' MATANGKASA'

¹³ Lanri kammana, ummakKu tenaya apa-apa naasseng, lanierangi a'lampa a'jari tunitahang. Sikamma pamimpinga siagang ra'yaka lamate cipuruki siagang lamate turerei.

YESAYA 5:13 ပူးပေါင်းရင်းမြစ်များ

2 KARAENG-KARAENG 17:6

iamintu ri makasalapannamo taung ammarenta Hosea, naempoimi Salmaneser Samaria. Nampa naengka' tu Israel salaku tunitahang mange ri Asyur. Sipa'gang battu ri ke'nanga nitampakkangi ri kota Halah, sipa'gang maraengannaya ri ampi'na Binanga Habor ri daera Gozan, nampa sipa'gang pole ri kota-kota niaka ri pa'rasangang Madai.

PANGNGEBARANG 10:21

Kana-kananna tau bajika, a'jari barakkaki mae ri tau jaia; kadongokanna tao dongoka ambunoi kalenna.

YESAYA 1:3

Sapia naassengi narupa karaenna, keledaia naassengi tampa' pangnganreanna le'baka napasadia karaenna. Mingka ummakKu Israel tena; tena napahangi ke'nanga.”

YESAYA 1:7

Pa'rasangannu nipanrakimi; kota-kotanu la'busu'mi nitunu. Ri dallekang matannui nialle tampa'nu ri bansa maraeng siagang naancuru' ngaseng sikamma apa niaka.

YESAYA 23:9

Batara Kaminang Makoasaya, Iami angngalle kaputusang kamma anjo. Ia antappuki untu' ampa'le'baki kaborroanna pandudu'na mae ri sikamma wassele' le'baka nagappa ke'nanga, siagang napakatuna sikamma tau kaminang malompoa ri lino.

YESAYA 27:11

Punna kalotoro'mo siagang tepo'mo anjo tangke-tangke kayua, battumi bai'-bainea angngalle nampa napa'jari kayu tunuang. Anjo bansaya tena apa-apa napahang, jari tena nalanisayang yareka tena nalanikamaseang ke'nanga ri Allata'ala Mappa'jarina.

YESAYA 3:1

Sitojenna, laNaalle ngasengi Batara Kaminang Koasaya sikamma parsadiaang kanrea siagang inunganga battu ri Yerusalem siagang Yehuda. Kammayatompa sikamma tau napattoanga ke'nanga:

YESAYA 3:3

perwira, tunipare' tutoaya siagang tummarentana, pabale'-bale' mata siagang pacini'.

YESAYA 44:19

Tanarapikai napikkiri' anjo papare' patunga angkanaya, “Anjo kayua kutunui sipa'gang, siagang cumi'na kupakei untu' attunu roti siagang allangga dageng untu' kukanre. Nampa sesanna anjo kayua kupa'jari patung. Jari kamma-kamma anne anynyomba' sipolong kayu!”

YESAYA 49:21

Jari lanukana lalang ri pa'mai'nu, ‘Inaika allassukangi anjo ana'-anaka untu' inakke? Sai inakke tappela' ngasemmi ana'-anakku, na kutakkulleamo pole ammana'? Inakke nilalinga' mae ri butta pammelakkanga na kunipakabella siagang niboli' kale-kalengku. Battu kemae ngasengi anjo sikamma ana'-anaka, siagang inai ampakalompoi ke'nanga?’ ”

YESAYA 65:13

Sikontutojenna, tau anynyombaya ri Nakke langnganrei, mingka ikau naalleko cipuru'. Langnginungi ke'nanga, mingka ikau turereko. Larannui ke'nanga, mingka ikau nipakasirikko.

YEREMIA 14:18

Punna mangea' ri paranga, kuciniki maya'-maya'na tumatea lanri pa'bundukang. Kuciniki lalang ri kotaya kasessanga, tau a'biringa mate naalle cipuru'. Na'bia siagang imanga nagaukangi jama-jamanna natanassenga apa battuanna apa nagaukanga ke'nanga.”

YEREMIA 14:3

Sikamma palayanna tau kalumanynyanga nisuroi a'boya je'ne' ri kere-keremae; a'lampai ke'nanga mange ri sikamma bungunga mingka la'busu' ngasemmi je'neka. Tena bonena bongkia naeranga ke'nanga ammotere'. Lussa'mi natappu' minasa ke'nanga siri'-siriki ke'nanga na natongko' rupanna.

YEREMIA 8:7

Manna kondoa naassenji nikanaya ammotere'; bukkuruka siagang jangang-jangang pinisika, kammayatompa pune-punea naassengi wattu pa'lettekanga battu ri tampa'na. Mingka ikau, ummakKu, tanuassengai hukkung-hukkung Kupassareanga mae ri kau.

PIRAUNG 4:9

Sessai ke'nanga na mate palang-palang, lanri tena sikalimo lanakanre; ia matea lalang pa'bundukang, la'bi upakkangngangi kala mate cipuruka.

YEHEZKIEL 7:12

Tasalloami nanarapi' wattunna, a'reppese'mi allonna! Tau ammallia siagang tau a'baluka tanggappayami passawallang apa-apa, lanri sikontuna taua lanituju ngasengi ri hukkunganNa Allata'ala.

HOSEA 4:6

Ikau ngaseng, sikamma imanga, tena nujampangiA', jari ummakKu tena tommo najampangiA' sa'genna natuju bala ke'nanga. Nutollaki ajarang-ajarangKu. Jari, iNakke laKutolla' tongko, siagang ana'-ana'nu tena nalaKuani salaku imang-imangKu.

AMOS 8:13

Anjo alloa, ba'lalo manna tau rungka tamangngapa-apaya latena ngaseng nangngu'rangi napakamma turere.

LUKAS 19:44

Lanaancurukko siagang sikontu bonenu; na tenanniakka manna sibatu batu tela lanakellai ammantang tassusung ri tampa'na, lanri tenana nanujampangi ri wattunna battu Allata'ala untu' ampasalamakko!”

ROMA 1:28

Lanri nakanana tenamo naparallu rupataua angngassengi Allata'ala, nibalang parekammi sollanna a'jari panra' pikkiranna ke'nanga; sa'genna nagaukammi ke'nanga apa-apa tenaya nakkulle nigaukang.

2 PETRUS 3:5

Napakkunjungiangi taeroka ke'nanga angngassengi angkanaya langika siagang buttaya nipa'jari la'bi riolo tete ri kananNa Allata'ala; angkanaya je'ne' siagang battu ri je'neki nipa'jari buttaya;