YESAYA 48:6 - KITTA' MATANGKASA'

⁶ Sikontu apa Kutappua, nulangngereka battu ri Nakke, kajariammi; musti numangakui angkanaya kammatojengi kanangKu. Kamma-kamma anne KupauangKo siapa are passala' beru, rahasia-rahasia tenayapa nuassengi.

YESAYA 48:6 ပူးပေါင်းရင်းမြစ်များ

PAMMUJI 107:43

Poro tau bajika nawa-nawana napikkiriki sikamma anjo passalaka siagang namangakui angkanaya tulusu' mangngamaseanNa Batara.

PAMMUJI 119:13

Kulompoi sa'rangku ampappiassengangi sikontu hukkung Kipassareanga.

YESAYA 21:10

He bansaku Israel! Le'ba' mako nilissarrang siagang nionjo'-onjokang rapang lisere'-lisere' gandung. Kamma-kamma anne kupabattuangko kabara' baji', ia kulangngereka battu ri Batara Kaminang Makoasaya, Allata'alana Israel.

YESAYA 42:20

Israel, jai nucini', mingka tena nuparhatikangi, tassungkei tolinnu, mingka tena nullangngere'.”

YESAYA 42:8

INakke Batara, iaminjo arengKu; taKupassareangngai kala'birangKu manna ri nai; masahorokKu taKupassareangngai mae ri patunga.

YESAYA 42:9

Kamma-kamma anne apa le'baka Kutappu riolo kajariammi; erokKa' pole ampabattui passala' berua; ri tenanapa nakajariang anjo, Kupau riolomi mae ri kau.”

YESAYA 43:19

Parhatikangi, nia' apa beru Kugaukang; anne kamma appakkaramulami, tenaka nuciniki? LapparekKa' oloang ri parang lompoa, siagang binanga-binanga ri parang luaraka.

YESAYA 48:7

Kamma-kammapi anne naKupa'jari, teai riolo; tale'bakapi nulangngere' anjo passalaka, sollanna takkulleako angkana, angkanaya sikontuna nuasseng ngasengi.

YEREMIA 2:31

He umma' Israel, pilangngeri anne kana-kanangKu. Maka le'bakKa' a'jari rapang parang lompo mae ri kau yareka rapang butta masassanga? Mingka angngapa nanukana erokko bebasa', siagang taeroka mako ammotere' mae ri Nakke?

YEREMIA 33:3

“Akkiokko mae ri Nakke, na Kulappiali; laKupauangko apa-apa ga'gaya siagang appakalannasaka, ia tenayapa nanuassengi.

YEREMIA 50:2

“Attannangko pammatei siagang pa'la'bangi pau mae ri bansa-bansa angkanaya tu'guru'mi Babel! Teako rahasiakangi anjo passalaka! Merodakh, rewatana, niancuruki, siagang patung-patunna lalea reppe'mi tassimbung-simbung, kammayatompa sikamma barhalana sanna'mi batena nihina-hina.

AMOS 3:6

Maka latena nannekkere' tau ri kotaya punna nalangngere' sa'ra tarompe' tanra pa'bundukanga? Maka akkullei natuju bala se'rea kota, punna tena Napabattui Batara?

MIKHA 6:9

Sanna' baji'na punna mallakki' mae ri Batara. Akkioki mae ri pandudu'na kotaya Nakana, “Pilangngeri, he ikau ngaseng niaka a'rappung ri kotaya!

MATIUS 10:27

Apa-apa Kupabattua ri kau lalang ri sassanga, musti nupabattu poleangi lalang ri singara'na alloa. Siagang apa-apa nipa'bicikanga ri tolinnu, pa'la'bangi sa'genna ri kere-keremae!

YOHANES 15:15

Tenamo naKukio' atako nasaba' se'rea ata tanaassengai apa nagaukanga karaenna. Kukio' sari'battang mako, nasaba' sikontu apa Kulangngereka battu ri Manggea Kupabattui mae ri kau.

LAMPA-LAMPANA 1:8

Mingka punna battumo RohNa Allata'ala mange ri kau, langgappa mako koasa. Na la'jari mako sa'bingKu ri Yerusalem, ri sikontu Yudea, ri Samaria, sa'genna ri cappa'na linoa.”

1 KORINTUS 2:9

Mingka sangkamma apa tattulisika lalang ri Kittaka angkanaya, “Apa tenaya nale'ba' nacini' yareka nalangngere' rupataua, kammayatompa tenaya nale'ba' ammumba lalang ri pikkiranna rupataua, iaminjo Napasadia Allata'ala untu' tau mangngamaseanga ri Ia.”

PAPPICINI' 1:19

Lanri kammana, tulisi' ngasengi sikamma apa-apa nucinika, iamintu apa-apa niaka ri kamma-kammaya anne, siagang apa-apa lakajarianga sallang.

PAPPICINI' 4:1

Le'baki anjo anggappama' pole paccini'. Accinikka' se're pakke'bu' tassungke ri suruga. Nampa kulangngere'mo pole anjo sa'ra le'baka kulangngere' a'bicara mae ri nakke, sangkammaya tarompe' sa'ranna. Nakana anjo sa'raya, “Naikko mae anrinni. Erokko Kupicinikiang apa lakajarianga sallang.”