YESAYA 48:18 - KITTA' MATANGKASA'

¹⁸ Ebara' angkana nuparhatikangi sikamma parentaKu, lasalewangangko rapang binanga tenaya nale'ba' kalotoro', laupakko rapang bombang ri tamparang tenaya nale'ba' ammari-mari.

YESAYA 48:18 ပူးပေါင်းရင်းမြစ်များ

PAOLE 5:29

Ka'de' natuli kammana anjo pa'mai'na ke'nanga! Ka'de' natuli napakalompoA' siagang naturuki sikontu parentaKu, sa'genna salewangang ke'nanga siagang jari-jarina sa'genna satunggu-tungguna!

YESAYA 66:12

Saba' Nakana Batara, “LaKusareko kasalewangang rapang binanga assolonga; kakalumanynyangnganna bansa-bansaya lanierangi mae ri kau rapang binanga allumpa-lumpaya je'ne'na. Rapangko ana' nipasusua siagang nikalawinga ri amma'na, siagang nisapu-sapua ulunna ri riwaanna.

PAMMUJI 119:165

Tau mangngaia ri hukkunTa amangi na sannang, tena akkulle anrompai ke'nanga.

PAOLE 32:29

Apa saba' nanibeta ke'nanga, tena napahangi; tanapahangngai apa anjo kajarianga.

YESAYA 45:8

Kupaturungi pammetanga battu ri langika rapang bosi, nasungkei kalenna buttaya untu' antarimai, nampa napattimbo kasalamakkanga siagang kabebasanga; iNakkemi Batara ampa'jari ngasengi anjo sikammaya.”

PAMMUJI 36:8

Tamaka lompona anggaranna pangngamaseanTa, o, Allata'ala, a'la'langi rupataua lalang ri la'lanna ka'nyitTa.

ROMA 14:17

Nasaba' punna lalang ri pamarentahanNa Allata'ala, tena naparallu nikanaya apa-apa akkullea nikanre yareka apa-apa akkullea niinung. Mingka ia parallua iamintu angkanaya mannuruki rupataua ri ero'Na Allata'ala, nakasiaki nikanaya salewangang ri pa'maika, kammayatompa karannuang Napassareanga RohNa Allata'ala.

AMOS 5:24

Bajikangngangi appatujuangko sollanna a'lo'loro' kaadelanga rapang je'ne', siagang kalambusanga rapang binanga tenaya nale'ba' kalotoro'.

MATIUS 23:37

“O Yerusalem, O Yerusalem! Kau ambunoi na'bi-na'bia. Nusambilai batu sikamma tunisuroNa Allata'ala sa'genna mate. A'mole-moleMa' ero' anraka' ngasengko sanrapang anrong janganga ancokkoi ana'-ana'na irawangang ka'nyi'na. Mingka tena ngaseng nuero'!

YESAYA 33:21

LaNapappicinikangi Batara kala'biranNa mae ri katte. Lattallasakki' ri biring binanga luaraka, tenaya nakkulle nasombali musua.

YESAYA 42:24

Inai ampassareangi Israel untu' nirampasa'? Sai KalenNa tonji Batara? Ri Ia maki' doraka, tena nittallasa' situru' parentaNa, siagang tena nimannuruki ri ajaranNa.

YESAYA 54:13

Sikontu pandudu'nu a'jari ana' gurungKu, lakala'biangi siagang lasalewangangi ke'nanga.

YESAYA 61:10

Nakana Yerusalem, “Rannui pa'maikku lanri Batara, mate'nei atingku lanri Allata'ala. Rapang bunting bura'ne siagang baine ammake belo-belo ga'ga ngaseng, kammaminjo Napatabaya Batara ri nakke baju kasalamakkang siagang pammetang.

YESAYA 61:11

Rapang bine nipakioroka lattimboi a'jari lamung-lamung, kammaminjo Karaeng Allata'ala ampatimboi kasalamakkanga na sikontu bansaya lamammuji mae ri Ia.”

YESAYA 62:1

Lanri Yerusalem kula'bicara, lanri Sion kutala'mereki, sa'genna nipasalama' naccaya pammetanna rapang sulo ri wattu bangngi.

HOSEA 10:12

Kukana, ‘He Israel! Apparekko koko beru untu' kalennu, kiori siagang bine kaadelang, siagang akkatto mako barakka' naerang poleanga mattojeng-tojenna pangngainu mae ri Nakke. Nasaba', narapi'mi wattunnu untu' amboyA', Bataranu. LabattuA' untu' ampaturungangko bosi barakkakKu.’