YESAYA 48:1 - KITTA' MATANGKASA'

¹ Pilangngeri, he turunganna Yakub, turunganna Yehuda ammakea areng Israel, nukana numangakui Allata'alana Israel, siagang assumpako lalang arenNa Batara. Mingka tena nannarrusu' kana-kanannu antama' ri atinnu.

YESAYA 48:1 ပူးပေါင်းရင်းမြစ်များ

PA'JARIANG 32:28

Nakanamo anjo taua, “Teaimi Yakub arennu. Le'ba' mako a'laga siagang Allata'ala, kammayatompa siagang rupataua, nampa ikau ammeta. Lanri kammana, kamma-kamma anne a'jari arennu Israel.”

PA'JARIANG 35:10

Nakanamo Allata'ala ri ia, “Tenamo nanuniareng Yakub, mingka Israel.” Kammaminjo naniaremmo Israel ri Allata'ala.

2 KARAENG-KARAENG 17:34

Sa'genna anne alloa tuli nagaukanna ke'nanga ada' kabiasanna ke'nanga. Tena nanynyomba ke'nanga ri Batara siagang tena todong naturuki hukkung-hukkunNa siagang parenta-parentaNa Napassareanga mae ri jari-jarina Yakub, Naarenga todong Israel.

2 KARAENG-KARAENG 5:20

appikkiri'mi Gehazi, iamintu palayanna Elisa, angkana, “Eh, angngapa nanilappassang a'lampa natena na'bayara'? Musti natarima bapakku anjo passarena tubattua ri Siria! Lanri Batara mattallasaka, musti kuondangi anjo taua sollangku anggappa apa-apa battu ri ia!”

PAMMUJI 63:11

Lamatei ke'nanga lalang pa'bundukang, siagang la'jari kanrenai olo'-olo' pakanre dagenga.

PAMMUJI 66:3

Angkana mako ri Allata'ala, “Tojeng, appakalannasaki panggaukanTa! Tunduki musua mae ri Katte napakamma malla', saba' teai sipato' lompona koasaTa.

PAMMUJI 68:26

A'jappai ri dallekang sikamma pakelonga, ri bokona sikamma pakarena kacapia; ri tangngana sikamma tulolo patunrung rabanaya; kammaminne kelonna ke'nanga:

PAMMUJI 68:27

“Pujimi Allata'ala ri tangnga-tangngana pa'rappunganna umma'Na, pujimi Batara, he sikontu turunganna Yakub!”

KALAPPASSANG 23:13

Parhatikangi sikontu apa le'baka Kupau mae ri kau. Teako appakalompoi rewata-rewata maraeng, ba'lalo manna nutappua arenna tena todong nakkulle.”

PANGNGEBARANG 5:16

Tena matu-matunnu a'boya kanyamangngang mae ri baine teai bainennu.

YESAYA 26:13

Le'baki ikambe nikoasai ri karaeng-karaeng maraeng, mingka iKatteji bawang naakui ikambe, o, Karaeng Allata'alana ikambe!

YESAYA 44:5

Tasse're-se're tau lamangakui angkana iNakke ampatangi, na battu asse're siagang turunganna Yakub. Massing natulisiki ri limanna angkana: Batara Ampatangi, na naareng kalenna anggotana umma'Na Allata'ala.”

YESAYA 45:23

INakke le'ba' a'janji, na janjingKu tena nalasala-salang; lanri KalengKu na Kuassumpa: Tunggala' taua lakkulantuki ri dallekangKu, lalang massing bahasana a'janji massing talamamminraya mae ri Nakke.

YESAYA 46:12

PilangngeriA', he sikamma tau tampoa, ikau angkapangai angkanaya bella iji pammetanga.

YESAYA 51:1

Nakana Batara: “PilangngeriA', he ikau ngaseng tau eroka nipasalama' siagang battua mae ri Nakke appala' pannulung. U'rangi angkanaya battu ri moncong batu kemaeko nipa', siagang battu ri pangngekeang batu kemaeko nikeke.

YESAYA 51:2

U'rangi boe-boenu Abraham siagang Sara; wattunna Kukio' Abraham natena ana'na; nampa Kubarakkaki siagang Kusarei turungang jai.

YESAYA 58:2

Tunggala' alloi anynyomba ke'nanga mae ri Nakke, siagang eroki naasseng erokKu, kamma nicini' angkana bajiki apa nagaukanga ke'nanga, siagang majarreki mae ri hukkungKu. Nakana ke'nanga angkana sannangi nyawana anynyomba ri Nakke siagang nakellai adele' hukkungKu.”

YESAYA 62:8

Le'ba'mi a'janji Batara ammake sumpa nalaNagaukang lalang koasaNa: “Tenamo nalaKupassareang gandunnu mae ri musua; tenamo nalanainung bansa maraenga anggoro'nu wassele' karesoannu siagang kaposoannu.

YESAYA 64:6

Ikambe tau rantasa' ngasengi, ba'lalo manna gau' baji'na ikambe rantasa' ngasengi na ra'masa'. Lanynyaki ikambe lanri kaja'dallanna ikambe rapang leko' kayu kalumeng niri'bakang ri anging.

YESAYA 65:16

Tunggala' taua ri anjo pa'rasanganga, ia appalaka barakka', lanapalaki sollanna nibarakkaki ri Allata'ala tamamminraya. Tunggala' taua eroki assumpa; lassumpai lanri arenNa Allata'ala tamamminraya. Saba' kasessang rioloa tappela'mi siagang nikaluppaimi.”

YEREMIA 4:2

Punna assumpako lanri arengKu siagang lambusukko nuadele' siagang tojeng lalang tallasa'nu, lanapalaki sikontu bansaya sollanna Kubarakkaki ke'nanga, kammayatompa lamammuji ke'nanga mae ri Nakke.”

YEREMIA 44:26

Mingka kamma-kamma anne pilangngeri apa Kupaua mae ri kau, he tu Israel niaka ri Mesir: INakke, Batara, assumpA' lanri arengKu mala'birika, angkanaya tenamo naKupa'biangko ampakei arengKu untu' appare' janji. Takkulleako angkana, ‘Assumpa' lanri Allata'ala mattallasaka!’

YEREMIA 5:2

Nukana kalennu anynyombako mae ri Batara, nampa takammayaja anjo pattujunnu.

KAIMANGNGANG 19:12

Teako a'janji lanri arengKu punna tena nuttojeng-tojeng ero' anrupai anjo janjia, nasaba' lanri kammana anjo nuhinami arengKu. INakke Karaeng Allata'alanu.

MIKHA 2:7

Teako kapangngi angkanaya anggappami pangngalarroi umma' Israel battu ri Batara. Tena nalaNagaukang Batara kammaya ngaseng anjo. Tena le'bakai tappela' kasa'barranNa. Sai sombereki a'bicara mae ri tau anggaukangai apa annabaya?”

ZEFANYA 1:5

LaKubarrasaki sa'genna tangkasa' inai-nai mamo naika ri pattongko'na ballaka untu' anynyomba ri matanna alloa, bulanga siagang sikamma bintoenga. LaKupa'lanynya' tongi ke'nanga anynyombaya mae ri Nakke siagang assumpaya lamajarre' mae ri Nakke, mingka assumpa tongi lanri arenna Rewata Milkom.

ZAKHARIA 5:3

Nampa nakana ri nakke, “Nia' tattulisi' lalang ri anjo kitta' ta'gulunga iamintu kana-kana pattunra mae ri sikontu anne pa'rasanganga. Niaki tattulisi' angkanaya sikamma palukkaka lanipasuluki battu anrinni ri pa'rasanganga. Siagang ri maraengannaya tattulisi' tongi angkanaya sikamma tau assumpa balle-ballea lanipasulu' tongi.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

PAMMILANGNGANG 24:7

Anggappai je'ne' bosi alla'bi-la'bi, anggappai jai je'ne' bine lamunganna. Lamala'biriki karaenna, la'biangang na Karaeng Agag, na lanipakala'biri' kakaraenganna.

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [

YOHANES 1:47

Nacini'mi Isa nia' battu Natanael; na Napaumo passala' ri batangkalenna Natanael Nakana, “Ciniki, iaminjo tu Israel tojeng-tojenga. Tena apa-apa palassu lalang ri batangkalenna.”

YOHANES 4:24

Nasaba' Roh anjo Allata'ala, jari lanri koasa RohNa Allata'ala bawang nakkulle anynyomba rupataua mae ri Manggea salaku Allata'ala matojenga.”

ROMA 2:17

Mingka kamma-kamma anne, antekamma ri kalennu ngaseng sari'battang? Mangakuko angkana tu Yahudiko. Anna'galakko mae ri hukkung agama Yahudia siagang tinggi pa'maikko lanri passisambungannu siagang Allata'ala.

ROMA 9:6

Tena nalakukana tenamo natappake janjinNa Allata'ala; mingka tena nasikontu bansa Israelka nipile ri Allata'ala a'jari umma'Na.

ROMA 9:8

Battuang kana, sossoranna Abraham a'jaria ana'-ana'Na Allata'ala, iaji bawang sossorang nilassukanga lanri janjinNa Allata'ala; jari tena nasossoranna ngaseng.

PAOLE 10:20

Pakala'biriki Karaeng Allata'alanu, siagang Iaji bawang musti nusomba. Paralluko tuli majarre' pa'mai'nu mae ri Ia siagang lalang arenNa bawang nussumpa.

PAOLE 33:28

Jari-jarina Yakub laamangi tallasa'na, salewangang ri pa'rasangang ga'gaya alla'bi gandunga siagang je'ne' anggoroka allung battu ri langi' ambasai buttaya.

PAOLE 5:28

Nalangngere'na anjo, Nakanamo Batara mae ri nakke, ‘Kulangngereki anjo apa napaua anjo bansaya, siagang kontutojengi anjo kananna ke'nanga.

PAOLE 6:13

Pakala'biriki Batara, Allata'alanu, siagang Ia bawang nusomba; siagang punna assumpako, gaukammi anjo lanri arenNa bawang.

1 TIMOTIUS 4:2

napabattua tau munapeka siagang tau paballe-ballea. A'jari sassammi ati mailalanna anjo tau kammaya.

PAPPICINI' 2:9

Kuassengi kasusannu ngaseng; Kuassengi angkanaya kasi-asiko, mingka sikontutojenna kalumanynyang ngasengko! Kuassengi sikamma pitina nipamangea ri kau, napare'-pareka sikamma tu nakanaya kalenna tu Yahudi, na sikontutojenna teai; anjo ke'nanga sangnging umma'na Billisika.

PAPPICINI' 3:9

U'rangi anne: Anjo tau a'jaria umma'na Billisika, paballe-balle nakanaya kalenna tu Yahudi, na sikontutojenna teai, laKupakkulantuki assu'ju' ri dallekannu ngaseng. Nalanaasseng ke'nanga angkanaya Kukamaseang ngasengko.