YESAYA 47:9 - KITTA' MATANGKASA'

⁹ Mingka poro sinampe'ji bawang, lalang siallo, nappada kajariang anjo ruaya passala'. Manna ammakeko baca-baca siagang pangngissengang, lanialle tonji bura'nennu siagang ana'nu.

YESAYA 47:9 ပူးပေါင်းရင်းမြစ်များ

PAMMUJI 73:19

Lalang sipakkida mataji bawang naancuru'mo ke'nanga, tamaka heba'na kapanrakang kale'bakkanna ke'nanga.

YESAYA 13:16

Lanaciniki ana' lolonna ke'nanga nilica', balla'na ke'nanga niella', siagang sikamma bainenna ke'nanga nigau' bawang.”

YESAYA 21:9

Ciniki, anjomi ke'nanga! Pasukang a'jarang ta'rua-rua a'gimbara' battu. Nampa nakabarrammo anjo pajagaya angkana, “Runtummi Babel! Patung-patung napakalompoa ke'nanga ancuru'mi tassia'-siara' ri buttaya.”

YESAYA 47:11

Mingka lanatujuko bala, takkulleai baca-bacanu ampalili. Lanibattuiko ri bahaya, takkulleako ampasalai. Ti'ring labattui kapanrakanga, tanusanna-sannayai la'bi riolo.

YEREMIA 15:9

Amma' ammoteranga tuju ana'na takkaluppami lanri sukkaraki nasa'ring a'mai'. Sassammi nacini' allo katallassanna, nihinami siagang nipakasiri'mi ri pakkasia'na. Kusuroi musu-musua ambunoi niaka ija attallasa' battu ri kau. INakke, Batara, anne akkana.”

YEREMIA 51:29

Annekkereki siagang ta'goccangi buttaya lanri Kugaukangi rancanaKu untu' ampa'jari Babel tampa' kalotoro' tenaya napammantangngi tau.

DANIEL 2:2

Lanri kammana anjo nakio'mi sikamma pacinika, sanro cara'deka, sanro-sanro maraenganga siagang sikamma tau niaka pangngassenganna, untu' ampakasingaraki battuanna anjo so'naya.

DANIEL 4:7

Mingka ri wattunna battu nampa kucarita anjo so'naku mae ri sikamma pacinika, sanro cara'deka, tau niaka pangngassenganna siagang tau cara'deka accini' bintoeng, tena manna sitau battu ri ke'nanga akkulle ampakasingaraki apa battuanna anjo so'naku.

DANIEL 5:30

Anjo memang bangngia nibuno memammi anjo Belsyazar karaeng Babel.

DANIEL 5:7

Ammarrammi ansuro kioki sikamma pacinika, sanro cara'deka siagang tau cara'deka accini' bintoeng. Ri wattunna battu ke'nanga, nakanamo karaenga, “Inai-nai akkulle ambacai anjo tulisanga siagang ampauanga' battuanna, lakusarei pakeang kakaraengang iamintu juba cura' lame butung siagang rante bulaeng pannanrai kalompoang mae ri ia. Pantaranganna anjo lakuangka' tongi a'jari tukoasa makatallu lalang ri kakaraengangku.”

NAHUM 3:4

Anjo Niniwe pasundalaka nihukkungi. Teai sipato' angngonta'na kaga'ganna. Jaimi bansa le'ba' napitabai, siagang nanyonyo' naalle pa'mai'na.

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.

PAPPICINI' 21:8

Mingka tau balloranga, tau a'bali' ballanga, tau bambalaka pabuno-bunoa, tau pagau' bawanga, tau ammakea pangngissengang siagang baca-baca, tau anynyombaya barhala, kammayatompa sikontu tau paballe-ballea, lanipelaki antama' ri tamparang pepeka siagang bara a'rinra-rinraya, iamintu kamateang makaruaya.”

PAPPICINI' 22:15

Mingka sikontu tau anggaukangai apa-apa tenaya matu-matunna, tau ammakea pangngissengang baca-baca, tau a'gau' bawanga, tau ammunoa, tau anynyombaya barhala, siagang tau a'balle-ballea, baji' na'balle-balle lalang bicara yareka lalang panggaukang, sikontu anjo tau kammaya pantaranganna ngasengi anjo kotaya tampa'na.

RUT 1:20

Nakanamo Naomi, “Teako kiokia' Naomi; kio' mama' Mara, nasaba' le'ba'ma' Nabalang parekang Allata'ala Kaminang Koasaya attallasa' lalang ri kapa'risang lompoa.

RUT 1:5

mate tommi anjo ruaya ana' bura'nena Naomi, sa'genna nibokoimi Naomi baji' na bura'nenna kammayatompa rua ana' bura'nena.