YESAYA 47:2 - KITTA' MATANGKASA'

² Anggiling mako labu' siagang batu; sungkemi bongonnu, angkaki ro'nu sa'genna kaccinikang bitisi'nu, siagang a'limbang mako ri binanga-binangaya.

YESAYA 47:2 ပူးပေါင်းရင်းမြစ်များ

PA'JARIANG 24:65

nampa akkuta'nang ri surona Abraham angkana, “Inai anjo bura'ne niaka ri kokoa a'jappaya mae anrinni ri katte?” Appialimi anjo suroa angkana, “Ia anjo karaengku.” Jari naallemi bongonna Ribka nampa nabongongi rupanna.

1 PATTOTTORANG 19:4

Jari najakkala'mi Hanun anjo sikamma tunasuroa Daud, nacukkuruki janggo'na ke'nanga, napolong-polongi pakeanna ke'nanga sa'genna ri aya'na mami bodona. Nampa nasuro ke'nanga a'lampa.

AYUB 31:10

lappassammi tau maraeng napappalluang turiballakku; lappassammi ri katinroanna bura'ne maraeng attinro.

KALAPPASSANG 11:5

Tungga'-tunggala' ana' toa bura'nena tu Mesir lamate ngasengi, appakkaramula ri ana'na Karaeng Mesir sa'genna ana'na ata baine padengka gandunga. Kammayatompa sikontu ana' bungasa'na sikontu olo'-olo' piaraya lamate ngaseng tongi.

KATO'BA 12:4

Tabajikami nulangngere'na kasuarrang niaka ri aganga. Sa'ra musika siagang panggilinganga a'birimmi tanulangngera. Takkulleami baji' tinronu. Manna sa'ra jangang-janganga napabangka tonjako.

YESAYA 20:4

Lanaallei karaeng Asyur natahang taua ri anjo ruaya pa'rasangang siagang laniembai ke'nanga assolara'. Tau toa tau rungka, yangasenna la'jappai tammake baju siagang pa'lapa' bangkeng nakacinikang pajana, a'jari tanra nihinana tu Mesir.

YESAYA 3:17

Mingka laKuhukkungi ke'nanga; larassi puru-puru ulunna ke'nanga siagang lanigondoloki.”

YESAYA 3:23

baju nipisi', pakeang lenang, passikko' kallong siagang bongong la'bu.

YESAYA 32:11

Sa'genna kamma-kamma anne nyamangko ri tallasa'nu, bellako ri kasusaanga. Mingka kamma-kamma anne, annekkere' mako napakamma malla'! La'gasi pakeannu nampa nupasikko' kaeng karunga mae ri aya'nu.

YEREMIA 13:22

Gassingka akkuta'nangko angkana angngapa nabattu ngaseng anjo sikammaya antujuko, angngapa nanikae pakeannu siagang angngapa nanigau' bawangko. Parallui nuasseng angkanaya nakajariang anjo sikammaya lanri lompo duduna dosanu.

YEREMIA 13:26

KalengKu angkaei pakeanga battu ri kalennu sollannu a'jari assolara' siagang a'jari siri'-siri'.

YEREMIA 25:10

Sikamma sa'ranna tau a'rannu-rannua siagang passua'-suarranna pa'buntinganga laKupammari. Latenamo minynya' lampunna ke'nanga, siagang lacappu'mi gandunna ke'nanga.

YEREMIA 27:7

Sikontu bansaya la'jari atai mae ri ia, mae ri ana'-ana' bura'nena, siagang mae ri cucunna sa'genna narapi' wattunna pa'rasangang kalenna tu'guru' todong. Anjo wattua bansa Babel la'jari atai mae ri bansa-bansa kassaka siagang karaeng-karaeng lompoa.

PIRAUNG 5:13

Nipassai turungkana ikambe anjama battala' ri panggilinganga, ana' bura'nea niutungi ri kayu pisanganna sa'genna kodi nasa'ring.

HOSEA 2:3

Punna tulusu' assundala'na, laKusungkeangi pakeanna sollanna assolara' sangkamma ri allo nilassukanna. LaKupa'jari sanrapang butta kalotoro' na roso', nalamate napakamma turere.

MIKHA 1:11

Ikau ngaseng pandudu'na Safir, a'lampamako mange ri tampa' pammelakkanga tammakea pakeang siagang tena siri'-siri'nu! Tu Zaanan tena nabarani assulu' battu ri kotana ke'nanga. Sa'ra ammarranna taua ri Bet-Haezel a'jari tanra mae ri kau angkanaya anjoreng tenamo pa'la'langngang.

MATIUS 24:41

Rua baine sitabang a'dengka ase: sitau lanierang, na sitau laniboli'.

LUKAS 17:35

Na punna nia' rua baine a'dengka ase, lanierangi a'lampa sitau, nalaniboli' sitau. [

1 KORINTUS 11:5

Siagang punna tena na'bongong tu bai'-bainea ri wattunna appala' doang yareka ri wattunna napabattu biritta battua ri Allata'ala ri dallekanna tu jaia, nahinami tu bura'-bura'nena a'jari kapalaya mae ri kalenna. Punna kamma anjo, sanrapangi le'baka nicukkuru' ulunna anjo bainea.

HAKING-HAKING 16:21

Battumi tu Filistin anjakkalaki nampa napasulu' lisere' matanna. Nierammi ri ke'nanga mae ri Gaza, na nasikko' siagang rua rante tambaga. Nampa napantama' ri tarungkua. Nisuromi anjoreng anjama anggiling.